«Հրապարակում կանգնած յուրաքանչյուր ոք մտավորական է». Արսեն Գրիգորյան

© Sputnik / Asatur Yesayants«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան
«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան - Sputnik Արմենիա, 1920, 22.11.2021
Բաժանորդագրվեք
Լրագրողները երգիչ Արսեն Գրիգորյանից հետաքրքրվեցին` ո՞ւր են մտավորականները, ինչո՞ւ չեն մասնակցում հանրահավաքին։
ԵՐԵՎԱՆ, 22 նոյեմբերի – Sputnik. Յուրաքանչյուրն իրավունք ունի իմանալու, թե ինչ փաստաթուղթ է ստորագրվելու, քանի որ մինչ օրս որևէ մեկը չգիտի, թե որտեղ է մեր շփման գիծը սկսվում և ավարտվում։ Հանրապետության հրապարակում մեկնարկած հանրահավաքի ժամանակ ասաց ժողովրդական երգիչ Արսեն Գրիգորյանը` Մրոն։
Ավելի վաղ հայտնել էինք, որ քաղաքական ու հասարակական մի շարք ուժեր այսօր առավոտից ակցիաներ են անում` վարչապետ Նիկոլ Փաշինյանից պահանջելով հրապարակել սահմանազատման փաստաթուղթը։

«Սա համաժողովրդական պահանջ է, և որևէ կուսակցության հետ կապ չունի։ Եթե սահմանազատում չի իրականացվում, ինչու է վարչապետ Նիկոլ Փաշինյանն ինչ–որ տեղի անունն ադրբեջաներեն ասում։ Հենց այդ պատճառով էլ ադրբեջանցիները գալիս ու մաքսակետեր են դնում մեր տարածքներում»,–ասաց նա։

Երգչի խոսքով` պահանջում են նաև, որ առաջնագծում ամեն ինչ ապահովեն մեր զինվորների համար։
Լրագրողների հարցին, թե ուր է մտավորականությունը, ինչու իր կարծիքը չի հայտնում, երգիչը պատասխանեց, որ այժմ հրապարակում կանգնած ցանկացած մարդ էլ մտավորական է։
Մեկ այլ հարցի, թե արդյոք կառավարության տված պատասխանները կբավարարեն իրենց, Գրիգորյանը նշեց, որ եթե չբավարարվեն, ապա հետագա քայլերի մասին կմտածեն։ «Ինչո՞ւ ենք այսքան ընկճվել։ Մեր հույսը չպետք է կտրենք։ Պիտի պահանջենք ու ստանանք մեր հարցերի պատասխանները»,–ասաց նա։
Գրիգորյանը հավելեց, որ իր որդին պատերազմին մասնակցել է որպես զինվոր և մինչ այժմ էլ շարունակում է Արցախում մնալ, ուստի հույսը կորցնել պետք չէ։
«5165» շարժման առաջնորդները նամակ փոխանցեցին նախագահւին - Sputnik Արմենիա, 1920, 22.11.2021
«Արմեն Սարգսյան, Ձեր հեղինակությամբ ազդեք Փաշինյանի վրա»․ 5165 շարժումը դիմել է նախագահին
Հիշեցնենք` նոյեմբերի 18-ն Փաշինյանը հայտարարել էր, որ Ռուսաստանի պաշտպանության նախարարությունը հանդես է եկել հայ-ադրբեջանական սահմանի դելիմիտացիայի ու դեմարկացիայի նախապատրաստական փուլի վերաբերյալ առաջարկություններով, որոնք վարչապետի խոսքով «ընդունելի են Հայաստանի համար»։ Նոյեմբերի 20–ին պարզ դարձավ, որ Երևանը համաձայնություն է տվել դեկտեմբերի 15-ին Բրյուսելում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման անցկացմանը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала