Շմոլ գազից թունավորման դեպքով քրգործ է հարուցվել

© Sputnik / Asatur YesayantsКоридор медцентра "Сурб Аствацамайр"
Коридор медцентра Сурб Аствацамайр - Sputnik Արմենիա, 1920, 22.11.2021
Բաժանորդագրվեք
Նախնական տվյալներով՝ շմոլ գազից թունավորված և հիվանդանոց տեղափոխված 3 անձինք, ինչպես նաև 52-ամյա՝ մահացած տղամարդը նույն ընտանիքի անդամներ են։
ԵՐԵՎԱՆ, 22 նոյեմբերի – Sputnik. Այսօր Երևանում շմոլ գազի արտահոսքի հետևանքով մեկ մարդու մահվան և ևս երեքի հոսպիտալացման դեպքով քրեական գործ է հարուցվել։ Տեղեկությունը հայտնում է քննչական կոմիտեն` հավելելով, որ քրգործ է հարուցվել քրեական օրենսգրքի 279-րդ հոդվածի 2-րդ մասի 2-րդ և 3-րդ կետերով (անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը)։
Չինչին գյուղի դպրոցի աշակերտներն ու ուսուցիչները սննդային թունավորում են ստացել
Արտակարգ իրավիճակների նախարարությունը հայտնել էր, որ Երևանում բնակարաններից մեկի խոհանոցի գազի կաթսայից տեղի է ունեցել շմոլ գազի արտահոսք, ինչի հետևանքով մեկ մարդ մահացել է, ևս 3-ը հոսպիտալացվել են։
ՔԿ–ն հավելում է, որ նոյեմբերի 22-ին՝ ժամը 06:10-ին, ոստիկանության Շենգավիթի բաժնից ահազանգ է ստացվել այն մասին, որ Երևան քաղաքի Մայիսի 9-ի փողոցի բնակարաններից մեկում հայտնաբերվել է 52-ամյա տղամարդու դի:
Դեպքի վայր մեկնած քննչական-օպերատիվ խումբը հայտնաբերել 52-ամյա տղամարդու դին՝ առանց բռնության հետքերի:
Инфекционная больница в Гюмри - Sputnik Արմենիա, 1920, 25.06.2021
Զանգվածային թունավորում Հայաստանում. հոսպիտալացվածներից 16–ը երեխաներ են
Այնուհետև Երևան քաղաքի տարբեր բժշկական կենտրոններից ահազանգեր են ստացվել, որ «Թունավորում շմոլ գազից» ախտորոշմամբ բուժօգնության է տեղափոխվել 3 քաղաքացի:
«Նախնական տվյալներով՝ հիվանդանոց տեղափոխված անձինք ու 52-ամյա՝ մահացած տղամարդը նույն ընտանիքի անդամներ են և թունավորվել են իրենց տանը շմոլ գազի արտահոսքի պատճառով»,–նշված է հաղորդագրության մեջ։
Կատարվում է նախաքննություն:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала