Բրյուսելում կքննարկվի գերիների հարցը, Սոչիում` սահմանների. Փաշինյանը փակագծեր բացեց

© PhotoՎարչապետ Նիկոլ Փաշինյանը օնլայն ասուլիսի ժամանակ (23 նոյեմբերի, 2021թ․). Երևան
Վարչապետ Նիկոլ Փաշինյանը օնլայն ասուլիսի ժամանակ (23 նոյեմբերի, 2021թ․). Երևան - Sputnik Արմենիա, 1920, 23.11.2021
Վարչապետ Նիկոլ Փաշինյանը օնլայն ասուլիսի ժամանակ (23 նոյեմբերի, 2021թ․). Երևան
Բաժանորդագրվեք
Նիկոլ Փաշինյանը կոչ արեց Սոչիի ու Բրյուսելի հանդիպումներից առաջ ապոկալիպտիկ տրամադրություններ չձևավորել։
ԵՐԵՎԱՆ, 23 նոյեմբերի – Sputnik. Մենք կփորձենք տարբեր ֆորմատներում քննարկվող հարցերը չխառնել։ Այսօր լրագրողների ու ՀԿ–ների հետ առցանց հարցուպատասխանի ժամանակ հայտարարեց Նիկոլ Փաշինյանը` պատասխանելով Սոչիում ու Բրյուսելում սպասվող հանդիպումների օրակարգերին վերաբերող հարցին։

«Կարծում եմ, որ Բրյուսելում քննարկվող հարցերից մեկը կլինի հումանիտար հարցը, այդ թվում` գերիների հարցը։ Եվ ընդհանուր ԵՄ–ի Արևելյան գործընկերության շրջանակներում մեր հարաբերությունների ու փոխհարաբերությունների հարցերը կքննարկվեն։ Եվ ես չեմ կարծում, թե ճիշտ է ձևավորել ակնկալիք ամեն կոնկրետ հանդիպումից` կա՛մ նեգատիվ, կա՛մ պոզիտիվ»,– ասաց Փաշինյանը։

Նա նաև շեշտեց, որ տարածաշրջանում կա լարված իրավիճակ, և լարվածությունը հաղթահարելու համար պետք է բանակցել, օգտագործել բանակցային հնարավորությունները։
«Բայց նաև շատ կարևոր է, որ Հայաստանում ու նաև դրսում չստեղծվեն այդ բանակցությունների շուրջ գերագնահատված դրական կամ գերագնահատված լուծումներ, կամ դրանց շուրջ փորձ արվի ձևավորել ապոկալիպտիկ տրամադրություններ»,– ասաց նա։
Ինչ վերաբերում է Սոչիի հանդիպման օրակարգին, Փաշինյանը մասնավորապես ասաց. «Շատ է խոսվում դեմարկացիայի ու դելիմիտացիայի մասին։ Եվ անընդհատ հարց է բարձրացվում, թե ինչ փաստաթուղթ է դրված Հայաստանի սեղանին։ Փորձ է արվում ներկայացնել, թե դա Հայաստանի շահերին հակասում է։ Դեմարկացիայի ու դելիմիտացիայի պայմանավորվածությունը կլինի, թե չի լինի, դա կերևա առաջիկայում, դա հենց այն մասին է, որ մենք սկսենք դեմարկացիայի ու դելիմիտացիայի աշխատանքները»,– ասաց Փաշինյանը։
Ալիևն ու Փաշինյանը - Sputnik Արմենիա, 1920, 23.11.2021
Ակնկալում ենք, որ Մինսկի խումբն էլ Ալիևի հետ հանդիպում կկազմակերպի. Փաշինյան
Հիշեցնենք` որ Փաշինյանն ու Ալիևը համաձայնել են հանդիպել դեկտեմբերի 15-ին Բրյուսելում ԵՄ Արևելյան գործընկերության գագաթնաժողովի շրջանակում։
Այսօր հայտնի դարձավ, որ մինչ այդ նրանք նոյեմբերի 26-ին ՌԴ նախագահ Վլադիմիր Պուտինի մասնակցությամբ եռակողմ բանակցություններ են անցկացնելու Սոչիում:
Փաշինյանի ու Ալիևի նախորդ հանդիպումը (Պուտինի մասնակցությամբ) կայացել էր Մոսկվայում այս տարվա հունվարի 11-ին։ Գրեթե 4 ժամ տևած բանակցությունների արդյունքում ընդունվել էր երկրորդ եռակողմ հայտարարությունը, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала