Եթե ՌԴ առաջարկներն ընդունելի են ՀՀ վարչապետի համար, ուրեմն բխում են ՀՀ շահերից. Քոչարյան

© Sputnik / Asatur YesayantsԱնդրանիկ Քոչարյան
Անդրանիկ Քոչարյան - Sputnik Արմենիա, 1920, 23.11.2021
Անդրանիկ Քոչարյան
Բաժանորդագրվեք
Անդրանիկ Քոչարյանը վստահեցնում է, որ պրոցեսի գաղտնիությունը ժամանակավոր է։
ԵՐԵՎԱՆ, 23 նոյեմբերի – Sputnik. Եթե Հայաստանի վարչապետի համար ընդունելի են դեմարկացիայի ու դելիմիտացիայի վերաբերյալ պաշտոնական Մոսկվայի բոլոր առաջարկները, նշանակում է` դրանք բխում են ՀՀ շահերից։ Այսօր ԱԺ–ում լրագրողների հետ զրույցում ասաց պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը` մեկնաբանելով վարչապետ Նիկոլ Փաշինյանի` օրեր առաջ հայտարարությունը։

«Եթե ՀՀ վարչապետն ասում է, որ դա մեզ համար ընդունելի է, նշանակում է, որ նաև զրոյական կետն է ընդունելի։ Մնում է` այդ կետը մենք կարողանանք պահել։ Եվ պետք է անմիջապես մտնել դեմարկացիայի ու դելիմիտացիայի դաշտ»,– ասաց Քոչարյանը` պարզաբանելով, որ «զրոյական կետը» այն գիծն է, որտեղով պետք է անցնի սահմանը։

Հարցին, թե որ թվականի քարտեզները կարող են ՀՀ շահերից բխող «զրոյական կետ» համարվել, հանձնաժողովի նախագահը պատասխանեց. «Այն քարտեզները, որոնք պետք է ունենան նաև իրավական հիմք` հաստատված միջազգային կառույցների կողմից։ Իհարկե, 1920–ականների քարտեզներն ունեն այդ իրավական հիմքը, որը մեզ տալիս է բանակցելու և ակնկալիքներ ունենալու հնարավորություն։ Հասարակական շատ կառույցներ կան, ասում են՝ բերեք, մեզ հետ համաձայնեցրեք, թե չէ գնում ենք փողոց փակելու, բերեք, տեսնենք` էդ ինչ քարտեզներ են»,– ասաց Քոչարյանը։
Ինչ վերաբերում է պրոցեսի գաղտնիությանը, որի դեմ ընդդիմադիրու հասարակական ուժերն այսօր ընդվզում են, Քոչարյանի խոսքով, ժամանակավոր է` պայմանավորված բանակցությունների գաղտնիությամբ։
Դավիթ Տոնոյան - Sputnik Արմենիա, 1920, 23.11.2021
Մինչև հայտնի փաստաթղթի ստորագրումը նախկին պաշտոնյաներին կպահեն կալանքի տակ. «Ժողովուրդ»
Հիշեցնենք` նոյեմբերի 18-ին Փաշինյանը հայտարարեց, որ Ռուսաստանի պաշտպանության նախարարությունը հանդես է եկել հայ-ադրբեջանական սահմանի դելիմիտացիայի ու դեմարկացիայի նախապատրաստական փուլի վերաբերյալ առաջարկություններով, որոնք ընդունելի են Հայաստանի համար։
Նոյեմբերի 20–ին հայտնի դարձավ, որ Երևանը համաձայնություն է տվել դեկտեմբերի 15-ին Բրյուսելում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման անցկացմանը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала