Հայաստանի օրակարգում կա՞ Արցախի ճանաչման հարցը. պատասխանում է Փաշինյանը

© Sputnik / Janna PoghosyanՍտեփանակերտ
Ստեփանակերտ - Sputnik Արմենիա, 1920, 23.11.2021
Ստեփանակերտ
Բաժանորդագրվեք
Նիկոլ Փաշինյանը կարծում է, որ Արցախի հարցում մի կարևոր հանգամանք հաշվի չի առնվում։
ԵՐԵՎԱՆ, 23 նոյեմբերի – Sputnik. Պետք է հասկանանք, թե Արցախի ճանաչումն ինչ կտա մեզ։ Այսօր կայացած մամուլի ասուլիսի ժամանակ հարց բարձրացրեց վարչապետ Նիկոլ Փաշինյանը` պատասխանելով հարցին, թե ՀՀ օրակարգում կա՞ Արցախի ճանաչման հարցը։
«Մեզ նախ պետք է, որ ԵԱՀԿ Մինսկի խմբի շրջանակներում բանակցային գործընթացն օր առաջ վերականգնվի։ 30 տարի է` անընդհատ քննարկվել է Ղարաբաղի ճանաչման հարցը և որոշում չի կայացվել, քանի որ հասկացել են, որ Հայաստանը չպետք է լինի առնվազն առաջինն ու միակը նման որոշում կայացնելու հարցում, սակայն սա չի նշանակում, որ պետք է վերջինը լինի»,–ասաց նա։
Փաշինյանի խոսքով` Արցախի հարցում մի կարևոր հանգամանք հաշվի չի առնվում, որ, այնուամենայնիվ, ԼՂ հարցը միջազգային հարց է, և միայն Հայաստանի դիրքորոշումներով հնարավոր չէ լուծել։
Ալիևն ու Փաշինյանը - Sputnik Արմենիա, 1920, 23.11.2021
Ակնկալում ենք, որ Մինսկի խումբն էլ Ալիևի հետ հանդիպում կկազմակերպի. Փաշինյան
Վարչապետը նշեց, որ խնդիրը պետք է հաղորդակցության մեջ լինի` միջազգային նորմերի և դիրքորոշումների հետ` հակառակ դեպքում ՀՀ–ն վաղուց լուծել էր այդ հարցը։ Հենց սա էլ, ըստ Փաշինյանի, մեր մեծագույն խնդիրն է։
Իսկ հարցին, թե դիտարկո՞ւմ է Արցախը որևէ կարգավիճակում Ադրբեջանի մաս ճանաչելը` Փաշինյանը պատասխանեց, որ եթե Արցախն Ադրբեջանի մաս ճանաչող լիներ, պատերազմ չէր սկսվի։ Նրա խոսքով` մտադրվել էր նոյեմբերի 9-ին ուղերձով հանդես գալ և բացել բանակցային գործընթացի և պատերազմի մասին մի շարք մանրամասներ. ուղերձի կեսն արդեն 80 էջ էր ստացվել։ Սակայն, ի վերջո, որոշվել է, որ այն հրապարակելը Հայաստանի և Արցախի շահերից չի բխի։
«1991-ին պետություններն իրար տարածքային ամբողջականությունը ճանաչել են». Փաշինյան
Նշենք, որ 44–օրյա պատերազմի օրերին ՀՀ ԱԺ–ում քննարկում ծավալվեց Արցախի անկախության ճանաչման վերաբերյալ, բայց ինչպես նախորդող 29 տարիներին, այդպես էլ այս անգամ այն քննարկման չդրվեց։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала