https://arm.sputniknews.ru/20211123/ynddimadir--patgamavornery-pahanjum-en-qrgorts-harucel-aleqsanjani-u-qvocharjani-nkatmamb--35656906.html

Ընդդիմադիր պատգամավորները պահանջում են քրգործ հարուցել Ալեքսանյանի ու Քոչարյանի նկատմամբ

Ընդդիմադիր պատգամավորները պահանջում են քրգործ հարուցել Ալեքսանյանի ու Քոչարյանի նկատմամբ

Sputnik Արմենիա

Ընդդիմությունը պահանջում է քրեական հետապնդում իրականացնել ՀՀ Քրեական օրենսգրքի միանգամից 3 հոդվածներով. 303 (Դիվերսիա), 333 (Սուտ մատնություն),137.1 (Ծանր... 23.11.2021, Sputnik Արմենիա

2021-11-23T18:05+0400

2021-11-23T18:05+0400

2021-11-23T18:07+0400

արծվիկ մինասյան

քրեական գործ

ընդդիմություն

անդրանիկ քոչարյան

վահագն ալեքսանյան

վահե հակոբյան

https://cdn.am.sputniknews.ru/img/15/60/156086_0:97:1024:673_1920x0_80_0_0_f42ac34445f90ee567be148b51f91af0.jpg

ԵՐԵՎԱՆ, 23 նոյեմբերի – Sputnik. «Հայաստան» խմբակցության պատգամավորներ Արծվիկ Մինասյանն ու Վահե Հակոբյանը հանցագործության մասին հաղորդում են ներկայացրել ՀՀ գլխավոր դատախազություն։ Այն վերաբերում է նոյեմբերի 16-ին ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանի ֆեյսբուքյան գրառմանը, որտեղ նա գրել էր, թե «Հայաստան» խմբակցության պատգամավորները «զբաղված են բացահայտ ու անթաքույց աթոռակռվով»։ Ո՞ւմ պատճառով է սոված մնացել Ալեն Սիմոնյանը. Անդրանիկ Քոչարյանը` Գագիկ Մելքոնյանի մասինԱլեքսանյանը նաև գրել էր. «Հարձակումը փաստացի ունի երկու ուղղություն. թշնամական դիվերսիոն խումբը թաքնվելով «Հայաստան» անվան տակ, հասել է Բաղրամյան փողոց՝ ՀՀ ԱԺ»: «Հայաստան» խմբակցության մեկնաբանմամբ, իշխանական պատգամավորն այդ արտահայտությամբ Արծվիկ Մինասյանին ու Վահե Հակոբյանին մեղադրել է ՀՀ քրեական օրենսգրքի 303-րդ հոդվածով սահմանված արարք կատարելու մեջ (Դիվերսիա): Նույն օրը Հանրային հեռուստաընկերության ուղիղ եթերում Պետրոս Ղազարյանի հետ հարցազրույցի ընթացքում պատգամավոր Անդրանիկ Քոչարյանը արել էր հանցագործության մասին հաղորդում պարունակող այնպիսի հայտարարություններ, ինչպիսիք են` «կարո՞ղ է «Հայաստան» դաշինքը խնդրել է նաև, որպեսզի հակառակորդը հարձակվի», «թե՞ այլ պետության ուժի հայտարարություն է», «գնացել էին, որ էս խայտառակ հայտարարությունը անեին, որ ու՞մը ներկայացնեին` հակառակորդի՞ն» «իրենք ղալաթ էին անում»: Նոյեմբերի 23-ին Վահագն Ալեքսանյանը պնդել է, որ ընդդիմությունը վերածվել է դիվերսիոն ջոկատի: «ՍԴ դիմում ենք ներկայացրել». Արծվիկ Մինասյանը` ԱԺ քաղաքական մեծամասնության պահվածքի մասին«Հայաստան» դաշինքի պատգամավորների մեկնաբանմամբ` «թե' Անդրանիկ Քոչարյանը, թե' Վահագն Ալեքսանյանը գիտակցաբար, պարբերաբար և հրապարակային ձևով, ծայրահեղ անպարկեշտ եղանակով և պայմանավորված Արծվիկ Մինասյանի և Վահե Հակոբյանի, ինչպես նաև «Հայաստան» դաշինքի մյուս անդամների հանրային գործունեությամբ, ծանր վիրավորանք են հասցրել նրանց` մեղադրելով ծանր հանցագործություն` դիվերսիա, ինչպես նաև թշնամու հետ համագործակցված գործունեություն իրականացնելու մեջ», ինչը, ըստ նրանց, հիմք է քրեական գործ հարուցելու։ Այսպիսով, «Հայաստան» խմբակցության պատգամավորները պահանջում են իրենց իշխանական գործընկերների նկատմամբ քրեական հետապնդում իրականացնել ՀՀ Քրեական օրենսգրքի միանգամից 3 հոդվածներով. 303 (Դիվերսիա), 333 (Սուտ մատնություն),137.1 (Ծանր վիրավորանք): «Հանցագործությունների մաuին հաղորդումները պետք է քննարկվեն և լուծվեն անհապաղ, իuկ գործ հարուցելու առիթի oրինականությունը և հիմքերի բավարար լինելն uտուգելու անհրաժեշտության դեպքում` դրանց uտացման պահից 10 oրվա ընթացքում»,– Քրեական դատավարության օրենսգրքի 180-րդ հոդվածը վկայակոչելով` նշում են դատախազություն դիմած ընդդիմադիրները։

https://arm.sputniknews.ru/20211123/duq-datvelu-eq-artsvik-minasjany-andranik-qocharjanin-ev-vahagn-aleqsanjanin-35640218.html

https://arm.sputniknews.ru/20210928/anhajvogh-nrnakanetman-chhandznats-zachvot-andranik-qvocharjany-ghazinjanin-chnerelu-masin-33721488.html

2021

Լուրեր

am_HY

արծվիկ մինասյան, քրեական գործ, ընդդիմություն, անդրանիկ քոչարյան, վահագն ալեքսանյան, վահե հակոբյան