https://arm.sputniknews.ru/20211124/hh-qaghaqacinerin-lrtesum-en-bjjajinneri-mijvocvov-appley-hastatel-e-pasty-35686915.html
ՀՀ քաղաքացիներին լրտեսում են բջջայինների միջոցով. Վանեցյանն Apple–ից նամակ է ստացել
ՀՀ քաղաքացիներին լրտեսում են բջջայինների միջոցով. Վանեցյանն Apple–ից նամակ է ստացել
Sputnik Արմենիա
Արևմտյան մամուլը հայտնում է, որ Apple-ն այսօր դատական հայց է ներկայացրել Pegasus ծրագրի հեղինակ` իսրայելական NSO Group ընկերության դեմ` Apple-ի օգտատերերին... 24.11.2021, Sputnik Արմենիա
2021-11-24T15:32+0400
2021-11-24T15:32+0400
2021-11-24T17:44+0400
արթուր վանեցյան
apple
իշխանություն
լրտես
https://cdn.am.sputniknews.ru/img/07e5/08/1a/28789264_0:0:1600:901_1920x0_80_0_0_3684a0be8eaec4ea47438253187d4a7e.jpg
ԵՐԵՎԱՆ, 24 նոյեմբերի – Sputnik. «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը Facebook-ում գրառում է արել, որով հայտնում է, որ այսօր Apple ընկերությունից նամակ է ստացել ու որոշել այն հրապարակել։«Այս նամակը հաստատում է իմ նախկին hայտարարություններն այն մասին, որ Հայաստանի գործող իշխանություններն ապօրինաբար, խախտելով իմ անձնական և ընտանեկան կյանքի անձեռնմխելիության իրավունքը, տևական ժամանակ գաղտնալսման փորձեր են իրականացրել, որոնք ակնհայտորեն կապված են իմ քաղաքական գործունեության հետ»,– գրում է Վանեցյանը` միաժամանակ հիշեցնելով, որ փաստացի տվյալներ ունի այն մասին, որ Pegasus ծրագրով հարձակումներ են իրականացվել ոչ միայն իր, այլև իր մերձավոր շրջապատի ու ընտանիքի անդամների հեռախոսների վրա։Վանեցյանը նաև հայտնում է, որ Apple ընկերությունն իրեն ուղարկած նամակով խորհուրդներ է տալիս, թե ինչպես անվտանգ պահի հեռախոսը։Վանեցյանը ՀՀ այլ քաղաքացիների նկատմամբ իրականացված ապօրինի գործողությունների փաստերի վրա է հրավիրում ՀՀ մարդու իրավունքների պաշտպան Արման Թաթոյանի ուշադրությունը։Նշենք, որ ավելի վաղ «Վի Իքս Սոֆթ» ընկերության տեղեկատվական անվտանգության գլխավոր աշխատակից Ռուբեն Մուրադյանը ևս հայտնել էր, որ ՀՀ քաղաքացիները նամակներ են ստանում Apple-ից` «Pegasus» ծրագրի կողմից հարձակումների ենթարկվելու մասին զգուշացմամբ։«Անցած գիշեր Հայաստանում առնվազն երկու մարդ էլ. փոստով ստացել է նման նամակ»,- գրել էր նա։Արևմտյան մամուլը հայտնում է, որ Apple-ն այսօր դատական հայց է ներկայացրել Pegasus ծրագրի հեղինակ իսրայելական NSO Group ընկերության դեմ` Apple-ի օգտատերերին հսկողության ենթարկելու ու թիրախավորման համար:Apple-ը պահանջում է արգելել NSO Group-ի ծրագրի կիրառությունը։NSO Group-ը մասնագիտացած է պետական մարմիններին ահաբեկչությունների դեմ պայքարում աջակցող տարատեսակ ծրագրերի ստեղծման մեջ։
https://arm.sputniknews.ru/20210609/indz-rusakan-lrtes-er-anvanum-vanecyany-pashinyani-mexadranqneri-masin-27861556.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արթուր վանեցյան, apple, իշխանություն, լրտես
արթուր վանեցյան, apple, իշխանություն, լրտես
ՀՀ քաղաքացիներին լրտեսում են բջջայինների միջոցով. Վանեցյանն Apple–ից նամակ է ստացել
15:32 24.11.2021 (Թարմացված է: 17:44 24.11.2021) Արևմտյան մամուլը հայտնում է, որ Apple-ն այսօր դատական հայց է ներկայացրել Pegasus ծրագրի հեղինակ` իսրայելական NSO Group ընկերության դեմ` Apple-ի օգտատերերին հսկողության ենթարկելու ու թիրախավորման համար:
ԵՐԵՎԱՆ, 24 նոյեմբերի – Sputnik. «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը
Facebook-ում գրառում է արել, որով հայտնում է, որ այսօր Apple ընկերությունից նամակ է ստացել ու որոշել այն հրապարակել։
«Այս նամակը հաստատում է իմ նախկին hայտարարություններն այն մասին, որ Հայաստանի գործող իշխանություններն ապօրինաբար, խախտելով իմ անձնական և ընտանեկան կյանքի անձեռնմխելիության իրավունքը, տևական ժամանակ գաղտնալսման փորձեր են իրականացրել, որոնք ակնհայտորեն կապված են իմ քաղաքական գործունեության հետ»,– գրում է Վանեցյանը` միաժամանակ հիշեցնելով, որ փաստացի տվյալներ ունի այն մասին, որ Pegasus ծրագրով հարձակումներ են իրականացվել ոչ միայն իր, այլև իր մերձավոր շրջապատի ու ընտանիքի անդամների հեռախոսների վրա։
Վանեցյանը նաև հայտնում է, որ Apple ընկերությունն իրեն ուղարկած նամակով խորհուրդներ է տալիս, թե ինչպես անվտանգ պահի հեռախոսը։
Վանեցյանը ՀՀ այլ քաղաքացիների նկատմամբ իրականացված ապօրինի գործողությունների փաստերի վրա է հրավիրում ՀՀ մարդու իրավունքների պաշտպան Արման Թաթոյանի ուշադրությունը։
Նշենք, որ ավելի վաղ «Վի Իքս Սոֆթ» ընկերության տեղեկատվական անվտանգության գլխավոր աշխատակից Ռուբեն Մուրադյանը ևս հայտնել էր, որ ՀՀ քաղաքացիները նամակներ են ստանում Apple-ից` «Pegasus» ծրագրի կողմից հարձակումների ենթարկվելու մասին զգուշացմամբ։
«Անցած գիշեր
Հայաստանում առնվազն երկու մարդ էլ. փոստով ստացել է նման նամակ»,- գրել էր նա։
Արևմտյան մամուլը հայտնում է, որ Apple-ն այսօր դատական հայց է ներկայացրել Pegasus ծրագրի հեղինակ իսրայելական NSO Group ընկերության դեմ` Apple-ի օգտատերերին հսկողության ենթարկելու ու թիրախավորման համար:
Apple-ը պահանջում է արգելել NSO Group-ի ծրագրի կիրառությունը։
NSO Group-ը մասնագիտացած է պետական մարմիններին ահաբեկչությունների դեմ պայքարում աջակցող տարատեսակ ծրագրերի ստեղծման մեջ։
