https://arm.sputniknews.ru/20211124/azh-qnnich-handznazhvoghvovy-pahanjner-e-nerkajacrel-karavarutjann-u-hajastan-himnadramin-35692427.html

ԱԺ քննիչ հանձնաժողովը պահանջներ է ներկայացրել կառավարությանն ու «Հայաստան» հիմնադրամին

ԱԺ քննիչ հանձնաժողովը պահանջներ է ներկայացրել կառավարությանն ու «Հայաստան» հիմնադրամին

Sputnik Արմենիա

«Հայաստան» և «Պատիվ ունեմ» խմբակցությունների ներկայացուցիչները դիմել են նաև ԶԼՄ–ներին և քաղաքացիներին։ 24.11.2021, Sputnik Արմենիա

2021-11-24T16:48+0400

2021-11-24T16:48+0400

2021-11-24T18:53+0400

հայաստան

արծվիկ մինասյան

աժ (ազգային ժողով)

«հայաստան» համահայկական հիմնադրամ

https://cdn.am.sputniknews.ru/img/07e5/09/0d/28996852_0:0:1600:901_1920x0_80_0_0_b8c9229893c5a8f59c0625e08b05a77e.jpg

ԵՐԵՎԱՆ, 24 նոյեմբերի – Sputnik. «Հայաստան» համահայկական հիմնադրամի հավաքագրած և ՀՀ պետական բյուջե փոխանցած միջոցների օգտագործումն ուսումնասիրող ԱԺ քննիչ հանձնաժողովի` «Հայաստան» և «Պատիվ ունեմ» ընդդիմադիր խմբակցությունների անդամները պահանջներ են ներկայացրել կառավարությանն ու հիմնադրամին։ Տեղեկությունը հրապարակվել է «Հայաստան» դաշինքի ֆեյսբուքյան էջում։«Տվյալ քննիչ հանձնաժողովն ավելի քան 1 ամիս է` ստեղծվել է իրավունքի ուժով, սակայն Ազգային ժողովի նախագահն առ այսօր չի հաստատել քննիչ հանձնաժողովի կազմը։ Նկատի ունենալով, որ քննիչ հանձնաժողովի նախագահը իրավունքի ուժով նշանակված է, ինչպես նաև հայտնի են «Հայաստան» և «Պատիվ ունեմ» ընդդիմադիր խմբակցությունների 3 անդամների անունները՝ արձանագրում ենք, որ քննիչ հանձնաժողովն իրավազոր է պատկան մարմիններից և անձանցից պահանջել ու ստանալ իր իրավասության ոլորտին վերաբերող անհրաժեշտ տեղեկություններ»,– նշված է հաղորդագրության մեջ։Պատգամավորները դիմել են նաև ԶԼՄ ներկայացուցիչներին և քաղաքացիներին՝ հայտնելով, որ պատրաստ են վերջիններիս կողմից բացահայտված, ինչպես նաև հիմնավոր կասկած պարունակող տեղեկությունները քննարկել քննիչ հանձնաժողովում։Նշենք, որ հանձնաժողովը ստեղծվել է հոկտեմբերի 23-ին և պետք է ունենա 11 անդամ։ Հանձնաժողովի նախագահը Արծվիկ Մինասյանն է, առայժմ հայտնի է երեք անդամների անունները` Հայկ Մամիջանյան, Էլինար Վարդանյան, Թադևոս Ավետիսյան։Հիշեցնենք` «Մենք ենք, մեր սահմանները» խորագրով համազգային դրամահավաք-արշավի ժամանակ հավաքագրված միջոցներից ավելի քան 52 միլիարդը փոխանցվել էր պետական բյուջե։2020 թվականի նոյեմբերի 18-ին ՀՀ փոխվարչապետ Մհեր Գրիգորյանը ԱԺ–ում պատգամավորների հետ հարցուպատասխանի ժամանակ հայտնել էր, որ «Հայաստան» համահայկական հիմնադրամի միջոցների մի մասը ծախսված չեն, մի մասը պատերազմի ընթացքում նվիրաբերվել էր ՀՀ կառավարությանը։ Այս հայտարարությունը շահարկումների և առիթ էր դարձել, և մեղադրանքներ էին հնչում «Հայաստան» հիմնադրամի հասցեին։

https://arm.sputniknews.ru/20210915/hajastan-himnadrami-auditi-ardjunqnern-ampvopvel-en-pashinjany-manramasner-hajtnec-33296482.html

2021

Լուրեր

am_HY

հայաստան, արծվիկ մինասյան, աժ (ազգային ժողով), «հայաստան» համահայկական հիմնադրամ