Фон для радио  - Sputnik Արմենիա, 1920
ՌԱԴԻՈ

Այս տարի ընտանեկան բռնության դեպքերը փոքր-ինչ նվազել են. Սարգսյան

Ընտանեկան բռնություն. ի՞նչ աջակցություն են ստանում կանայք և երեխաները ապաստանում
Բաժանորդագրվեք
«Մայրատուն» ծրագրի ղեկավար և հոգեբան Լիաննա Սարգսյանը Sputnik Արմենիայի եթերում անդրադարձել է Հայաստանում ընտանեկան բռնության տեսակներին, նշել, թե ապաստանում ինչ աջակցություն է ցուցաբերվում բռնության զոհ դարձած կանանց և երեխաներին։
Հայաստանում ընտանեկան բռնության ենթարկվածների գերակշիռ մասը կանայք և երեխաներն են։ Երիտասարդ կանայք շատ հաճախ իրենց ընտանիքներում ենթարկվում են ֆիզիկական, հոգեբանական, սեռական և տնտեսական բռնության։ Sputnik Արմենիայի հետ զրույցում նման տեսակետ հայտնեց «Արմենիան լայթ հաուս» բարեգործական հիմնադրամի «Մայրատուն» ծրագրի ղեկավար և հոգեբան Լիաննա Սարգսյանը։
Ըստ վիճակագրության` ընտանիքում կանանց վրա հիմնականում ճնշում են գործադրում ամուսինները և սկեսուրները։ Լինում են դեպքեր, երբ կինը բռնության է ենթարկվում նաև տեգրոջ, սկեսրայրի, խորթ հոր կողմից, իսկ անչափահաս երեխաները, որոնք այդ ամենի ականատեսն են լինում, հոգեբանական բռնության զոհ են դառնում։
«Մեզ դիմած կանանց երեխաներն ունենում են բազմաթիվ հոգեբանական խնդիրներ, և ամենևին էլ կարևոր չէ, որ երեխան ֆիզիկական բռնության չի ենթարկվում, բայց երևույթը նպաստում է տարբեր տեսակի վախերի և սթրեսների առաջացման, որոնք վերացնելու ուղղությամբ էլ մենք աշխատում ենք»,- ասաց նա։
Потасовка в Парламенте Армении во время очередного заседания (25 августа 2021). Еревaн - Sputnik Արմենիա, 1920, 25.08.2021
Լրագրողների աշխատանքը խոչընդոտել են ու բռնություն կիրառել. ՀԿ–ների հայտարարությունը
Ապաստանում, որտեղ աշխատում է մեր զրուցակիցը, այս պահին ապրում են 19-47 տարեկան 16 կին և 3 ամսականից մինչև 12 տարեկան 26 երեխա։ Սարգսյանն ասում է` ապաստանի գործունեության առաջին տարիներին ժամանակավոր կացարանի շահառուների մեծ մասը մարզերի բնակիչներ էին, վերջին տարիներին երևանաբնակների դիմելիության աճ է նկատվում։ Շահառուներն այստեղ իրավաբանական, հոգեբանական, սոցիալական և առողջապահական աջակցություն են ստանում։
«Սկզբունքն այն է, որ մայր ու երեխա միասին լինեն և ոչ մի երեխա չհայտնվի մանկատանը։ Այս տարի ընտանեկան բռնության դեպքերը փոքր-ինչ նվազել են, բայց եթե համեմատենք անցած տարվա հետ տարբերությունը շատ քիչ է»,- նշեց Սարգսյանը։

Նրա դիտարկմամբ` սովորաբար կանայք են կապ հաստատում ապաստանի հետ, վերջին շրջանում նաև ոստիկանությունից են զանգեր ստանում։ Բռնության զոհ դարձած կանայք ապաստանում կարող են բնակվել մինչև 2 տարի։ Ամեն ինչ կախված է այստեղ հայտնված կնոջ վարքագծից։ Շատ կարևոր է, թե նա ինչպես կդրսևորի իրեն առաջին ամսվա ընթացքում, կկարողանա՞ մյուս կանանց հետ լեզու գտնել, թե՞ ոչ։

Ըստ վիճակագրության` ամբողջ աշխարհում ամուսնու կամ զուգընկերոջ կողմից բռնության հետևանքով օրական մահանում է 141 կին։ Գենդերային սպանությունները կազմում են կանանց սպանությունների ընդհանուր թվի մոտ 80%-ը։
Համարվում է, որ աշխարհում ֆիզիկական, հոգեբանական կամ տնտեսական բռնության է ենթարկվում թույլ սեռի յուրաքանչյուր երրորդ ներկայացուցիչ։
Ավելին, մի շարք հետազոտությունների տվյալներով՝ ամբողջ աշխարհում համավարակի և լոքդաունի պատճառով ընտանեկան բռնության դեպքերը կտրուկ աճել են 30%-ից մինչև 60%: Ուստի լոքդաունի ընթացքում կանանց նկատմամբ բռնությունը հաճախ անվանում են «ստվերային համավարակ»։
Այսօր ուսուցչի` Փաշինյանի հասցեին բռնության կոչ հնչեցնելու քրգործով առաջին նիստն է
Նշենք, որ 1999 թվականին ՄԱԿ-ի Գլխավոր ասամբլեան նոյեմբերի 25-ը հայտարարել է կանանց նկատմամբ բռնության վերացման համար պայքարի միջազգային օր և առաջարկել է կառավարություններին, միջազգային ու ոչ կառավարական կազմակերպություններին այդ օրն անցկացնել միջոցառումներ, որոնք հասարակայնության ուշադրությունը կդարձնեն այդ հիմնախնդրի վրա:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала