Երևանի նոր տրանսպորտային ցանցը կհամալրվի ևս 100 ավտոբուսով

© Photo : Facebook / Hayk MarutyanТоржественная церемония отправки новых автобусов для Еревана с завода в Китае
Торжественная церемония отправки новых автобусов для Еревана с завода в Китае - Sputnik Արմենիա, 1920, 24.11.2021
Բաժանորդագրվեք
Ավտոբուսների ձեռքբերման համար կհատկացվի 25 մլն եվրո, 20 մլն` ՎԶԵԲ–ի, իսկ 5-ը` E5P կողմից։
ԵՐԵՎԱՆ, 24 նոյեմբերի – Sputnik. Երևանի նոր տրանսպորտային ցանցն առաջիկայում կհամալրվի ևս 100 ավտոբուսով, որոնք կմիանան արդեն իսկ համայնքային միջոցներով ձեռք բերված 311 ավտոբուսներին։ Այս մասին հայտնում են Երևանի քաղաքապետարանից։
«Երևանի ավտոբուսների ծրագրի» ֆինանսավորման և իրականացման համար Երևանի քաղաքապետ Հայկ Մարությանը, ՀՀ ֆինանսների նախարար Տիգրան Խաչատրյանը, ՎԶԵԲ հայաստանյան գրասենյակի ղեկավար Դմիտրի Գվինդաձեն և «Երևանի ավտոբուս» ՓԲԸ տնօրեն Էլբակ Թարփոշյանը համաձայնագրեր են ստորագրել։
Հայաստանի մոտ 200 բնակավայր զրկված է տրանսպորտից․ Սանոսյան
«Ավտոբուսների ձեռքբերման համար կհատկացվի 25 մլն եվրո, որից 20 մլն եվրո՝ ՎԶԵԲ կողմից վարկային միջոցներ և 5 մլն–ը՝ Արևելյան Եվրոպայի էներգախնայողության և շրջակա միջավայրի գործընկերության (E5P) կողմից դրամաշնորհային միջոցներ:
Սեղմված բնական գազով աշխատող 12 մետրանոց ցածրահատակ ավտոբուսները կգնվեն Հայաստանի Հանրապետության, «Երևանի ավտոբուս» փակ բաժնետիրական ընկերության ու Վերակառուցման ու զարգացման եվրոպական բանկի միջև դրամաշնորհային և վարկային համաձայնագրերի կատարման արդյունքում»,– նշում են քաղաքապետարանից:
Նոր ավտոբուսներ - Sputnik Արմենիա, 1920, 23.11.2021
Երևանի քաղաքապետարանը տրանսպորտի միասնական տոմսի համակարգի ներդրման մրցույթ է հայտարարում
«Երևանի ավտոբուսների ծրագիր» ֆինանսավորման և իրականացման վարկային 4 համաձայնագրերի ստորագրման պաշտոնական արարողությունը տեղի է ունեցել նոյեմբերի 24-ին։
Հիշեցնենք, որ հոկտեմբերի 26-ին Չինաստանից 211 ավտոբուս էր բերվել Հայաստան։ Նախատեսվում է նաև ներդնել վճարման էլեկտրոնային համակարգ։ Ընդհանուր առմամբ ձեռք է բերվելու 405 հաշվիչ, ինչի համար 67 միլիոն 800 հազար դրամ էլ կուղղվի «Ավտոբուս» ՓԲԸ-ին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала