Հայաստանի և Իրանի ԱԳ նախարարները տարածաշրջանային անվտանգության հարցեր են քննարկել

© Photo : Facebook / ՀՀ ԱԳՆ մամուլի խոսնակ Spokesperson of MFA of ArmeniaԱրարատ Միրզոյանն ու Հոսեյն Ամիր Աբդոլլահիանը
Արարատ Միրզոյանն ու Հոսեյն Ամիր Աբդոլլահիանը - Sputnik Արմենիա, 1920, 24.11.2021
Արարատ Միրզոյանն ու Հոսեյն Ամիր Աբդոլլահիանը
Բաժանորդագրվեք
Կարևորվել է նաև «Պարսից ծոց-Սև ծով» միջազգային տրանսպորտային միջանցք ստեղծել:
ԵՐԵՎԱՆ, 24 նոյեմբերի – Sputnik. Հայաստանի ԱԳ նախարար Արարատ Միրզոյանն իր իրանցի գործընկերոջը մանրամասն ներկայացրել է ադրբեջանական զինված ուժերի կողմից Հայաստանի ինքնիշխանության և տարածքային ամբողջականության նկատմամբ վերջերս իրականացված ագրեսիայի հետևանքով ստեղծված իրավիճակը։ Տեղեկությունը հայտնում է ՀՀ ԱԳՆ–ն` հավելելով, որ այսօր Միրզոյանը հեռախոսազրույց է ունեցել Իրանի ԱԳ նախարար Հոսեյն Ամիր Աբդոլլահիանի հետ։
Հայ-թուրքական սահման - Sputnik Արմենիա, 1920, 23.11.2021
Այս պահի դրությամբ Թուրքիայի հետ որևէ բանակցային գործընթաց չի ընթանում. ԱԳՆ
Արարատ Միրզոյանը հավելել է, որ Հայաստանի նկատմամբ Ադրբեջանի հերթական ագրեսիան լուրջ սպառնալիք է տարածաշրջանում անվտանգության և կայունության հաստատման ջանքերին։

«Միրզոյանը բարձր է գնահատել Հայաստանի տարածքային ամբողջականության ու սահմանների անձեռնմխելիության վերաբերյալ Իրանի դիրքորոշումը»,–նշված է հաղորդագրության մեջ։

Երկու երկրների ԱԳ նախարարներն անդրադարձել են նաև Հայաստանի և Իրանի բազմոլորտ համագործակցության մի շարք հարցերի՝ պատրաստակամություն հայտնելով ջանքեր գործադրել հարաբերությունների հետագա խորացման ուղղությամբ:
Կարևորվել է բարձր մակարդակում փոխայցելությունների իրականացումը։
Արարատ Միրզոյան - Sputnik Արմենիա, 1920, 13.10.2021
ՀՀ–ն ու Իրանը «Պարսից ծոց–Սև ծով» նախաձեռնության մասին համաձայնագիր կստորագրեն. Միրզոյան
Զրուցակիցները մտքեր են փոխանակել նաև առևտրատնտեսական, ենթակառուցվածքների, էներգետիկայի ոլորտներում կապերի ընդլայնման շուրջ։
Կարևորվել է նաև «Պարսից ծոց-Սև ծով» միջազգային տրանսպորտային միջանցք ստեղծելու մասին բազմակողմ համաձայնագրի ուղղությամբ նպատակաուղղված աշխատանքների իրականացումը։
Հիշեցնենք, որ Միրզոյանը նախորդ ամիս` հոկտեմբերի 4-ին, աշխատանքային այցով Իրան էր մեկնել և հանդիպել արտգործնախարար Հոսսեյն Ամիր Աբդոլլահիանի հետ:
Միրզոյանը հայտնել էր, որ խոսել են այսպես կոչված «Զանգեզուրի միջանցքի» մասին, այսինքն` ըստ էության այդ խոսակցության բացակայության մասին` փաստելով, որ չկա այդպիսի թեմա և չի կարող լինել։
ԻԻՀ այցի շրջանակում երկու երկրների ԱԳ նախարարները քննարկել էին տարածաշրջանային այլ նոր տարանցիկ ուղիների` Պարսից ծոց–Սև ծով միջանցքի հարցը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала