Սերժ Սարգսյանի փաստաբանը հաշտության հնարավորություն տեսնում է, Խաչատուր Սուքիասյանինը` ոչ

© Sputnik / Asatur YesayantsՍերժ Սարգսյան
Սերժ Սարգսյան - Sputnik Արմենիա, 1920, 24.11.2021
Սերժ Սարգսյան
Բաժանորդագրվեք
ՀՀ երրորդ նախագահը պահանջում է Խաչատուր Սուքիասյանից բռնագանձել 1 մլն դրամ` որպես զրպարտության փոխհատուցում։
ԵՐԵՎԱՆ, 24 նոյեմբերի – Sputnik. Երևանի քաղաքացիական դատարանում այսօր մեկնարկել է ՀՀ երրորդ նախագահ Սերժ Սարգսյանն ընդդեմ ԱԺ «Քաղաքացիական պայմանագիր» խմբակցության պատգամավոր Խաչատուր Սուքիասյանի դատական նիստը։
Սերժ Սարգսյանն ու Խաչատուր Սուքիասյանը դատարան չեն ներկայացել։ Դատարանում միայն երկու կողմերի ներկայացուցիչներն են։
Դատավոր Սերգեյ Սահակյանի հարցին, թե արդյոք կողմերը տեսնում են գործը հաշտությամբ լուծելու հնարավորություն, Սերժ Սարգսյանի փաստաբան Ամրամ Մակինյանը պատասխանեց. «Այո, կարող է լինել, եթե հայտարարվի, որ այն տեղեկությունները, որոնք հրապարակվել են, իրականությանը չեն համապատասխանում»։ Խաչատուր Սուքիասյանի ներկայացուցիչ, ԱԺ աշխատակազմի աշխատակից Լիլիթ Մարկոսյանը պատասխանեց, որ հաշտության հարցը չի կարող քննարկվել։

Ներկայացնելով հայցի բովանդակությունը` Սարգսյանի փաստաբանը հայտարարեց, որ իրենք պահանջում են, որ Սուքիասյանը դատարանի վճիռն ուժի մեջ մտնելուց հետո ԱԺ նիստում 7 աշխատանքային օրվա ընթացքում, իսկ անհնարինության դեպքում` ԱԺ հերթական նիստում, հերքի Սերժ Սարգսյանի` Բադեն–Բադենում 100 մլն դոլարից ավելի գումար պարտվելու մասին իր նախկին հայտարարությունը, ընդ որում` առանց սեփական որևէ մեկնաբանություն ավելացնելու։

Սարգսյանի փաստաբանը պահանջում է նաև, որ Սուքիասյանը նույն հերքման տեքստը հրապարակի առնվազն 1000 տպաքանակ ունեցող ԶԼՄ–ում, իսկ ԱԺ աշխատակազմն այն հրապարակի իր պաշտոնական կայքում` դարձյալ առանց որևէ սեփական մեկնաբանության։
Բացի այդ, հայցով պահանջվում է Խաչատուր Սուքիասյանից բռնագանձել 1 մլն դրամ` որպես զրպարտության փոխհատուցում։
«Հայցի մեջ նշել ենք և հիմա էլ պնդում ենք, որ գումարն անմիջապես ամբողջությամբ փոխանցվի Զինծառայողների ապահովագրության հիմնադրամին։ Հայցվորը նույնիսկ չի առարկում, որ Խաչատուր Սուքիասյանը գումարն ինքնուրույն փոխանցի Զինծառայողների ապահովագրության հիմնադրամին»,– ասաց փաստաբանը։
Прилет президента Республики Армения С. Саргсяна - Sputnik Արմենիա, 1920, 12.10.2021
Շոուն շարունակվում է. Սերժ Սարգսյանի փաստաբանը` հարուցված նոր քրգործի մասին
Խաչատուր Սուքիասյանի ներկայացուցչը առարկություն ներկայացրեց` ասելով, որ հայցվող կողմը չի կարող իր հայցում հերքում պահանջել։

Նա նաև հայտնեց, որ Սուքիասյանը չի արատավորել Սերժ Սարգսյանի պատիվն ու արժանապատվությունը և նման նպատակ չի ունեցել, դրանք ընդամենը ենթադրություններ են և կազինո գնալն էլ, ըստ պատասխանող կողմի, հանցանք չէ։

Դիրքորոշումների ներկայացման փուլում դատական նիստն ընդհատվեց Սերժ Սարգսյանի փաստաբանի միջնորդությամբ։ Նա հայտնեց, որ դասախոսում է ԵՊՀ–ում ու կարող է ուշանալ դասից։
Դատական հաջորդ նիստը նշանակվեց 2022թ.–ի հունվարի 17-ին` ժամը 11։30–ին։
Սերժ Սարգսյանի դեմ քրգործում որևէ ապացույց չկա. Աննա Մկրտչյանը վստահ է` գործը «կարված» է
Հիշեցնենք` օգոստոսի 25-ին ԱԺ նիստում ելույթ ունենալով` Խաչատուր Սուքիասյանն ասել էր, թե Սարգսյանը 100 միլիոն դոլարից ավելի գումար «կազինոներում կրվել է, նույն Բադեն-Բադեններում»:
Նրա պնդմամբ` այդ ամենը եղել է բանակի և պետության այլ ծախսերի հաշվին, և լայնամասշտաբ կոռուպցիա է եղել։
Տվյալներ կան, որ ՀՀ նախագահի օդանավը բազմաթիվ չվերթեր է իրականացրել դեպի Բադեն–Բադեն. ՀՔԾ
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала