ԱԱԾ նախկին տնօրենը մանրամասներ է ներկայացրել գաղտնալսման սկանդալային գործի վերաբերյալ

© Sputnik / Aram NersesyanԱրթուր Վանեցյանն ու Սասուն Խաչատրյանը
Արթուր Վանեցյանն ու Սասուն Խաչատրյանը - Sputnik Արմենիա, 1920, 25.11.2021
Արթուր Վանեցյանն ու Սասուն Խաչատրյանը. Արխիվային լուսանկար
Բաժանորդագրվեք
Վանեցյանը շարունակում է պնդել, որ գաղտնալսումն այնուամենայնիվ Հայաստանից չի եղել։
ԵՐԵՎԱՆ, 25 նոյեմբերի – Sputnik. ՀՀ ԱԺ «Պատիվ ունեմ» խմբակցության ղեկավար, ԱԱԾ նախկին տնօրեն Արթուր Վանեցյանը շարունակում է պնդել, որ Հատուկ քննչական ծառայության այն ժամանակվա ղեկավար Սասուն Խաչատրյանի և իր հեռախոսազրույցների գաղտնալսման գործն ամբողջությամբ բացահայտված է։
Լրագրողների հետ ճեպազրույցում Վանեցյանն ասաց, որ քաղաքական կամքի բացակայության պատճառով մանրամասները չեն հրապարակվում։
Արթուր Վանեցյան - Sputnik Արմենիա, 1920, 24.11.2021
ՀՀ քաղաքացիներին լրտեսում են բջջայինների միջոցով. Վանեցյանն Apple–ից նամակ է ստացել
«Իշխանությունները չկարողացան քաղաքական կամք դրսևորել ու մանրամասներ հայտնել այդ գործից և մեղավորներին պատասխանատվության ենթարկել»,– նշեց պատգամավորը։
Նա շեշտեց, որ ինքը ստորագրություն է տվել աղմկահարույց գործի մանրամասները չհրապարակելու մասին։ Ըստ այդմ, Վանեցյանը վստահեցրեց, որ գաղտնալսումը Հայաստանից չի եղել։

«Կա մի մարդ, ով ցուցմունք է տվել և ընդունել է իր մեղքը։ Մի օր ամբողջ տեղեկատվությունը կհրապարակվի»,- ասաց ԱԱԾ նախկին տնօրենը։

Հիշեցնենք, որ դեռ 2018–ի սեպտեմբերի 11–ին համացանցում հայտնվել էր Վանեցյանի և Խաչատրյանի աղմկահարույց հեռախոսազրույցի ձայնագրությունը։ Գաղտնալսվել էր նաև Վանեցյանի և ՀՀ վարչապետ Նիկոլ Փաշինյանի հետ հեռախոսազրույցը։
Նրանք 8-րոպեանոց հեռախոսազրույցի ընթացքում քննարկում էին Հայաստանի 2-րդ նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։
Վանեցյանը հատուկ քննչական ծառայության ղեկավարին պատմում էր դատավորի հետ զրույցի մասին, որին հրահանգ էր տրվել ամեն գնով «նստեցնել» Քոչարյանին։
Փաշինյանը մսխել է նախկին 3 նախագահների թողած ժառանգությունը․ Վանեցյան
Այնուհետև անցնում էին Խաչատուրովին։ ԱԱԾ պետն ասում էր, որ ՀԱՊԿ գլխավոր քարտուղարին ոչ մի դեպքում չի կարելի ձեռք տալ, քանի որ Ռուսաստանի հետ հարաբերությունները փչացնելու վտանգ կա։
2021 թվականի ապրիլի 6-ին Քննչական կոմիտեից հայտնել էին, որ ՀՀ վարչապետ Նիկոլ Փաշինյանի և ԱԱԾ նախկին տնօրեն Արթուր Վանեցյանի (հեռախոսազրույցների պահին զբաղեցրել է ԱԱԾ տնօրենի պաշտոնը), ինչպես նաև ՀՔԾ պետ Սասուն Խաչատրյանի հեռախոսային խոսակցությունների գաղտնալսման դեպքի առթիվ հարուցված քրգործերից մեկը կարճվել է, իսկ մյուսով նախաքննությունը շարունակվում է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала