Եվս մեկ պաշտոնյա է իրականացրել Փաշինյանի և Ալիևի օպերատիվ կապը. Վանեցյան

© Sputnik / Алексей Дружинин / Անցնել ֆոտոբանկПремьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад
Премьер-министр Армении Никол Пашинян и президент Азербайджана Ильхам Алиев на заседании Совета глав государств СНГ (11 октября 2019). Ашхабад - Sputnik Արմենիա, 1920, 25.11.2021
Բաժանորդագրվեք
ՀՀ ԱԱԾ նախկին ղեկավար Արթուր Վանեցյանը մեկնաբանել է Հայաստանի և Ադրբեջանի ղեկավարների միջև օպերատիվ կապի հարցը:
ԵՐԵՎԱՆ, 25 նոյեմբերի – Sputnik. ՀՀ ԱԺ «Պատիվ ունեմ» խմբակցության ղեկավար, Ազգային անվտանգության ծառայության նախկին տնօրեն Արթուր Վանեցյանն այսօր լրագրողների հետ ճեպազրույցում հայտարարեց, որ բացի իրենից, պետական ապարատի ևս մեկ պաշտոնյա է օպերատիվ կապ ապահովել վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև:
Քաղաքական գործիչը հերքեց տեղեկությունն այն մասին, որ այդ կապը պահել է վարչապետի նախկին խորհրդական Արսեն Խառատյանը՝ միաժամանակ չցանկանալով նշել իրական պաշտոնյայի անունը։

«Այդ անձը, եթե չեմ սխալվում, մինչ օրս պաշտոնավարում է։ Ներկա պահին չենք հանրայնացնի, թե ով է այդ պաշտոնյան, սակայն, եթե իմանանք, որ այդ մասին բարձրաձայնելով իրավիճակ կփոխվի, մենք դա անպայման կանենք։ Կարող ենք վնասել մեր երկրի պետական շահին, ոչ թե գործող վարչախմբին»,– ասաց պատգամավորը։

Վանեցյանը նշեց` լինելով ԱԱԾ ղեկավարի պաշտոնում` ինքն անձամբ շփվել է իր ադրբեջանցի գործընկերոջ հետ և նրա հետ խոսել բացառապես անվտանգության հարցերի մասին: Պատգամավորն ընդգծեց` 2019-ի սկզբին Փաշինյանն իրեն հայտնել էր, որ առանձին հարցերի շուրջ ադրբեջանական կողմի հետ կապը կպահպանի նաև մեկ այլ անձ։ Հարցին` արդյոք չի՞ փորձել պարզել, թե ադրբեջանական կողմի հետ ինչ թեմաներ է քննարկում այդ նույն պաշտոնյան, ԱԱԾ նախկին տնօրենը հայտարարեց, որ գերատեսչությունը չի հետևում վարչապետի աշխատակազմի աշխատակիցներին:
Արթուր Վանեցյան - Sputnik Արմենիա, 1920, 25.11.2021
Առանց պետության թույլտվության` Pegasus ծրագրով հնարավոր չէ գաղտնալսել որևէ մեկին. Վանեցյան
Հիշեցնենք, որ դեռևս 2020 թվականի դեկտեմբերի 14-ին ՀՀ երրորդ նախագահ Սերժ Սարգսյանի փեսան` Միքայել Մինասյանը, հայտնել էր, որ դեռ 2018 թվականի հոկտեմբերին Դուբայում ադրբեջանական ղեկավարությունը ՀՀ իշխանությանն առաջարկել է 5 մլրդ դոլար Արցախի 7 շրջանը հանձնելու համար։ Ըստ Միքայելյանի` առաջարկն արել էր Ադրբեջանի հատուկ ծառայության ղեկավարը, և այն փակ ծրարով փոխանցվել է ԱԱԾ այն ժամանակվա տնօրեն Արթուր Վանեցյանին, նա էլ փոխանցել է Նիկոլ Փաշինյանին։
Ավելի ուշ Վանեցյանը հաստատել էր այդ տեղեկությունները` նշելով, որ որպես ԱԱԾ տնօրեն Փաշինյանի և Ալիևի միջև ինքն է օպերատիվ կապ պահել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала