Մահացել է հիվանդանոց տեղափոխվելու ճանապարհին. զինծառայողի մահվան փաստով հարուցվել է քրգործ

© Sputnik / Aram NersesyanԶինծառայողի սաղավարտ
Զինծառայողի սաղավարտ - Sputnik Արմենիա, 1920, 25.11.2021
Զինծառայողի սաղավարտ. Արխիվային լուսանկար
Բաժանորդագրվեք
Քննչական խմբի կողմից կատարվում են անհետաձգելի քննչական գործողություններ՝ դեպքի բոլոր հանգամանքները պարզելու ուղղությամբ։
ԵՐԵՎԱՆ, 25 նոյեմբերի – Sputnik. ՀՀ քննչական կոմիտեի զինվորական քննչական գլխավոր վարչության վեցերորդ կայազորային քննչական բաժնում քրեական գործ է հարուցվել երեկ զոհված զինծառայողի մահվան հանգամանքները պարզելու համար։
Ինչպես հայտնում են կոմիտեի մամուլի ծառայությունից, քրգործը հարուցվել է ՀՀ քրեական օրենսգրքի 373-րդ հոդվածի 3-րդ մասի (Զենքի, ռազմամթերքի և շրջապատի համար առավել վտանգ ներկայացնող առարկաների, նյութերի հետ վարվելու կանոնները խախտելը) հատկանիշներով։
ՄԻԵԴ - Sputnik Արմենիա, 1920, 22.11.2021
Հայաստանը նոյեմբերի 16-ին գերեվարված զինծառայողների հարցով դիմել է ՄԻԵԴ
Հարուցված քրեական գործով ձեռնարկվում են անհրաժեշտ միջոցառումներ՝ զինծառայողի մահվան բոլոր հանգամանքները պարզելու ուղղությամբ:

Ըստ նախնական տեղեկությունների՝ 2021թ. նոյեմբերի 24-ին` ժամը 14:50-ի սահմաններում, ՀՀ ՊՆ N զորամասի պահպանության տեղամասում գտնվող մարտական դիրքում, գլխի շրջանում հրազենային վնասվածքով, հայտնաբերվել է նույն զորամասի պարտադիր ժամկետային զինծառայող, շարքային Սուրեն Ռոմանի Ավետիսյանը:

Վերջինս հիվանդանոց տեղափոխվելու ճանապարհին՝ ժամը 15։30-ի սահմաններում, մահացել է:

Քննչական խմբի կողմից կատարվում են անհետաձգելի քննչական գործողություններ՝ դեպքի բոլոր հանգամանքները պարզելու ուղղությամբ։
Ինչպես արդեն հայտնել էինք, նոյեմբերի 24–ին Տավուշի հենակետերից մեկում գլխի շրջանում մահացու հրազենային վիրավորմամբ 20-ամյա զինծառայողի դի է հայտնաբերվել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала