Պատրաստ ենք հանդիպել յուրաքանչյուր հայի հետ, որը կպայքարի այս իշխանության դեմ. Տոնոյան

© Sputnik / Aram Nersesyan«5165» շարժման առաջնորդ Կարին Տոնոյանը Հանրապետության հրապարակում Ազատագրական շարժման հավաքի ժամանակ (24 նոյեմբերի, 2021թ․). Երևան
«5165» շարժման առաջնորդ Կարին Տոնոյանը Հանրապետության հրապարակում Ազատագրական շարժման հավաքի ժամանակ (24 նոյեմբերի, 2021թ․). Երևան - Sputnik Արմենիա, 1920, 25.11.2021
Բաժանորդագրվեք
Նա շեշտեց, որ եթե որևէ քաղաքական, հասարակական ուժ կարողանար Նիկոլ Փաշինյանից միայնակ ազատվել՝ ապա այս մեկ տարում արդեն արած կլիներ։
ԵՐԵՎԱՆ, 25 նոյեմբերի – Sputnik. Ազատագրական շարժման ներկայացուցիչները պատրաստ են հանդիպել բոլոր նրանց հետ, ովքեր կօգնեն Հայաստանն ազատել Նիկոլ Փաշինյանից։ Նման հայտարարություն արեց «5165» շարժման առաջնորդ Կարին Տոնոյանը։
Նշենք, որ այս պահին էլ բողոքի ակցիան շարունակվում է Հանրապետության հրապարակում։ Մասնակիցները դեռ նոյեմբերի 22-ից են սկսել իրենց ակցիաները և պահանջում են կառավարությանը գաղտնազերծել ստորագրվելիք փաստաթղթի բովանդակությունը և ադրբեջանական կողմին միջանցք կամ տարածքներ չտրամադրել։
«Երկրի անվտանգությունն ամեն մեկիս ձեռքում է». Երևանի տարբեր փողոցներում բողոքի ակցիաներ են
«Մենք բաց հայտարարում ենք, որ պատրաստ ենք հանդիպել յուրաքանչյուր հայի հետ, որը կպայքարի այս իշխանության դեմ, քանի որ մենք ունենք մի թշնամի և այդ թշնամուն օգնող մի մարդ։ Թշնամին թուրքն է, իսկ նրանք օգնողը կամ եղբայրը` Նիկոլ Փաշինյանը։ Մենք ուզում ենք նրանից ազատվել, հետևաբար պետք է միասնական լինենք»,–ասաց Տոնոյանը։
Նա շեշտեց, որ եթե որևէ քաղաքական, հասարակական ուժ կարողանար Նիկոլ Փաշինյանից միայնակ ազատվել, ապա այս մեկ տարում արդեն արած կլիներ։
Տոնոյանի խոսքով` այս պայքարում որևէ կուսակցական պատկանելություն չպետք է հաշվի առնվի։
Движение 5165 начало акцию протеста, заблокировав на несколько минут движение в метро
 - Sputnik Արմենիա, 1920, 24.11.2021
Երևանի մետրոպոլիտենի աշխատանքը մի քանի րոպե կաթվածահար է եղել բողոքի ակցիայի պատճառով
Հիշեցնենք, որ նոյեմբերի 22-ին, վաղ առավոտից Ազատագրական շարժման ներկայացուցիչները բողոքի ակցիաներ էին իրականացնում Երևանի Տիգրան Մեծ, Բաղրամյան, Արշակունյաց, Մյասնիկյան պողոտաներում։ Ժամը 17։00–ին նրանք միասնական հանրահավաք իրականացրին Հանրապետության հրապարակում։
Հանրահավաքներ ու երթեր են եղել նաև նոյեմբերի 23-ին ու 24-ին։
Բողոքի ակցիայի մասնակիցները պահանջում են ՀՀ վարչապետ Նիկոլ Փաշինյանից կանխել սահմանագծման և սահմանազատման ցանկացած հակահայկական ծրագիր, թույլ չտալ միջանցք տրամադրել թշնամուն, լիարժեք զինել առաջնագիծն ու պաշտպանել երկրի տարածքային ամբողջականությունը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала