Սահմանին սրացումը խոչընդոտ չէ ՌՈւԵ–ի Երևանյան թեմի կազմակերպման համար. Լեոնիդ արքեպիսկոպոս

© Sputnik / Aram NersesyanХрам Покрова Пресвятой Богородицы в Ереване
Храм Покрова Пресвятой Богородицы в Ереване - Sputnik Արմենիա, 1920, 25.11.2021
Բաժանորդագրվեք
Լեոնիդ արքեպիսկոպոսը շեշտել է, որ ռուսական եկեղեցին պատմականորեն բարի հարաբերություններով է կապված Հայ Առաքելական եկեղեցու հետ։
ԵՐԵՎԱՆ, 25 նոյեմբերի – Sputnik. Հայ–ադրբեջանական սահմանին իրավիճակի սրացումը չի խանգարել Ռուսական ուղղափառ եկեղեցու Երևանյան թեմի կազմակերպման ծրագրերի իրականացմանը։ Այս մասին ՌԻԱ Նովոստիին հայտնել է Երևանի և Հայաստանի արքեպիսկոպոս Լեոնիդը (Գորբաչով)։
Երևանում ռուս ուղղափառ եկեղեցի կկառուցվի. արքեպիսկոպոս Լեոնիդը հայտնել է վայրը
«Այսօր, ինչպես և նախկինում, Ռուսական ուղղափառ եկեղեցին հանդես է գալիս բացառությամբ խաղաղապահ օրակարգով, չզբաղեցնելով այս կամ այն կողմը պատերազմում, որում հաղթողներ չկան... Մենք խնդրի լուծման նպատակով երկխոսություն ենք ստեղծում անհարմար, ծանր հարցերի հավասար, հավասարակշռված քննարկման համար... Ռուսական ուղղափառ եկեղեցու նախատեսված ծրագրերի, նպատակների, խնդիրների և նորաստեղծ թեմի կենսագործունեության ապահովման իրականացմանը ոչինչ չի խանգարի»,– ասել է Լեոնիդ արքեպիսկոպոսը։
Ըստ նրա` ՌՈւԵ–ն պատմականորեն բարի հարաբերություններով է կապված Հայ Առաքելական եկեղեցու հետ։
Քանաքեռի Պոկրովյան եկեղեցին - Sputnik Արմենիա, 1920, 19.10.2021
Քաղաքակա՞ն, թե՞ հոգևոր որոշում. ինչո՞ւ ստեղծվեց Ռուս ուղղափառ եկեղեցու հայաստանյան թեմը
«Որոշակի անհարթություններ, ֆորմալ բնույթի հարցեր կան, սակայն այսօր մենք, վերջնագծում ենք, Հայաստանում Ռուսական ուղղափառ եկեղեցու` Երևանահայկական թեմի վարչատնտեսական միավորի գրանցման եզրափակիչ փուլում։ Տեխնիկական ուշացումները չեն ազդի թեմի, նրա ստորաբաժանումների և ծառայությունների, ծխական համայնքների գործունեության վրա։ Թեմական վարչությունը, հովվապետի գլխավորությամբ, Երևանում է լինելու», – հավելել է արքեպիսկոպոսը։
Հիշեցնենք, որ Ռուսական ուղղափառ եկեղեցու սինոդը որոշում էր կայացրել Հայաստանի տարածքում թեմ ստեղծելու մասին։ Որոշումն ընդունվել էր Ամենայն հայոց կաթողիկոս Գարեգին Բ–ի հետ համաձայնեցնելուց հետո։ Երևանահայկական թեմի կառավարող հովվապետ է ընտրվել արքեպիսկոպոս Լեոնիդ Կլինսկին։ Լեոնիդը կշարունակի զբաղեցնել նաև Արտաքին եկեղեցական կապերի բաժնի փոխնախագահի պաշտոնը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала