Շուռնուխում կառուցվող նոր թաղամասի շինարարության հարցում դժվարություններ կան. Ղուլարյան

© Photo / official site of the Prime minister of RAՀՀ քաղաքաշինության կոմիտեի նախագահ Արմեն Ղուլարյան
ՀՀ քաղաքաշինության կոմիտեի նախագահ Արմեն Ղուլարյան - Sputnik Արմենիա, 1920, 25.11.2021
ՀՀ քաղաքաշինության կոմիտեի նախագահ Արմեն Ղուլարյան
Բաժանորդագրվեք
Շուռնուխ գյուղի ավելի քան մեկ տասնյակ տներ հայտնվել են Ադրբեջանի զինված ուժերի վերահսկողության տակ գտնվող տարածքում։ ՀՀ իշխանությունները տեղում նոր թաղամասի կառուցման աշխատանքներ են նախաձեռնել:
ԵՐԵՎԱՆ, 25 նոյեմբերի – Sputnik. Սյունիքի մարզի Շուռնուխ գյուղում Ադրբեջանի վերահսկողությանն անցած տարածքում մնացած տների փոխարեն նոր թաղամասի կառուցման հետ կապված որոշ խնդիրներ կան։ Այս մասին այսօր ՀՀ կառավարության նիստում հայտնեց ՀՀ քաղաքաշինության կոմիտեի նախագահ Արմեն Ղուլարյանը։
Նա չմանրամասնեց, թե ինչ խնդիրների մասին է խոսքը, բայց ասաց, որ հարցն արդեն լուծվել է։ Նախորդ շաբաթ օրն իրենք տարածքային կառավարման ու ենթակառուցվածքների նախարար Գնել Սանոսյանի հետ եղել են Սյունիքում, ծանոթացել աշխատանքների ընթացքին։
«Հույս ունենք, որ պայմանագրով նախատեսված ժամկետում` 2022թ–ի առաջին կիսամյակում թաղամասն ամբողջությամբ կավարտենք»,– ասաց Ղուլարյանը։
Շուռնուխ և Որոտան համայնքներում բնակելի տների վերանորոգման աշխատանքներ - Sputnik Արմենիա, 1920, 25.11.2021
Շուռնուխ և Որոտան գյուղերի տեղահանված բնակիչներին տրվող աջակցությունը չի դադարեցվի
Հիշեցնենք` Սյունիքի մարզի Շուռնուխ գյուղի ավելի քան մեկ տասնյակ տներ հայտնվել էին Ադրբեջանի զինված ուժերի վերահսկողության տակ գտնվող տարածքում։ ՀՀ իշխանությունները տեղում նոր թաղամասի կառուցման աշխատանքներ էին նախաձեռնել:
Կառուցվող 13 տներում պետք է ապրեին նրանք, ում տունը մնացել է Գորիս-Կապան ճանապարհի արևելյան հատվածում, այսինքն` Ադրբեջանի կողմից վերահսկվող տարածքում։
Ինչո՞ւ է Գորիս–Կապան ճանապարհի մի հատվածը կոչում Էյվազլի– Չայզանի. Փաշինյանի պատասխանը
Սակայն Գորիս-Կապան ճանապարհին մաքսակետեր տեղադրելուց հետո` երկու օր առաջ, Շուռնուխի տների շինարարությունը կանգ էր առել։
Այլընտրանքային ճանապարհների վատ վիճակի պատճառով գյուղը մասնակիորեն մեկուսացվել էր, ինչի հետևանքով էլ շինարարները հրաժարվել էին մեկնել Շուռնուխ։ Բացի այդ, շինտեխնիկան տեղափոխելու հնարավորություն չկար։
Սյունիքի գյուղերում աննախադեպ ծավալով ճանապարհաշինարարական աշխատանքներ են. Փաշինյան
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала