Սյունիքի մարզի հիմնախնդիրների լուծման համար կառավարությունը 400 մլն դրամ հատկացրեց

Գնել Սանոսյանը Սյունիքում - Sputnik Արմենիա, 1920, 25.11.2021
Գնել Սանոսյանը Սյունիքում. Արխիվային լուսանկար
Բաժանորդագրվեք
Սանոսյանը հիշեցրեց, որ մարզի հիմնախնդիրների լուծման համար 2021թ–ի ապրիլին հատկացվել էր 500 մլն դրամ, իսկ սեպտեմբերին` ևս 200 մլն դրամ:
ԵՐԵՎԱՆ, 25 նոյեմբերի – Sputnik. Սյունիքիմարզի զարգացման և ներդրման հիմնադրամին կառավարության այսօրվա նիստում ընդունված որոշմամբ կհատկացվի 400 մլն դրամ գումար՝ մարզային և համայնքային ենթակայության ենթակառուցվածքներում, ինչպես նաև բնակչության համար սոցիալական և կենսական նշանակություն ունեցող կարևորագույն և հրատապ ծրագրեր իրականացնելու համար:
Որոշման նախագիծը գործադրի նիստում ներկայացրեց ՀՀ տարածքային կառավարման ու ենթակառուցվածքների նախարար Գնել Սանոսյանը։
Նա հիշեցրեց, որ մարզի հիմնախնդիրների լուծման համար 2021թ–ի ապրիլին հատկացվել էր 500 մլն դրամ, իսկ սեպտեմբերին` ևս 200 մլն դրամ:
Վարչապետ Նիկոլ Փաշինյանն ընդունել է Սյունիքի մարզի՝ Կապան, Մեղրի, Տեղ, Տաթև, Գորայք համայնքների ղեկավարներին, Սիսիան համայնքի ղեկավարի պաշտոնակատարին, Գորիս և Քաջարան համայնքների ղեկավարների տեղակալներին (24 նոյեմբերի, 2021թ․). Երևան - Sputnik Արմենիա, 1920, 24.11.2021
Նիկոլ Փաշինյանը հանդիպել է Սյունիքի մարզի համայնքների ղեկավարների հետ
«Կառավարությունը հունվարին մատնանշել էր, որ այս ուղղությամբ 1 մլրդ դրամ կհատկացնի, և պետք է փաստել, որ արդեն հատկացված գումարը 1.1 մլրդ է»,– ասաց նա։
Սանոսյանը հիշեցրեց, որ այդ գումարի շրջանակներում արդեն ձեռք է բերվել 3 հատ ՈւԱԶ ավտոմեքենա, որոնք տրամադրվել են Կապանի համայնքապետարանին` փակ ճանապարհների հետևանքով առաջացող խնդիրների լուծման համար։ Կապան-Ճակատեն ճանապարհը փակ լինելու պատճառով նոյեմբերի 14-16-ը բնակչությանը տրամադրվել է 6.5 մլն դրամ վառելիք (13 տոննա դիզելային վառելիք և 1 մլն դրամի բնական գազ):

Նոյեմբերի 11-ին Բարձրավան – Շուռնուխ - Որոտան ճանապարհները փակվելու պատճառով բնակչությանը տրամադրվել է հաց՝ օրական 2 անգամ` 800 հազար դրամով։

Նախարարի խոսքով` առաջիկայում նախատեսվում է նաև գնել 43 հատ «սենդվիչ» պանելային շարժական տնակներ` 223.7 մլն դրամով (1 հատի արժեքը` շուրջ 5.2 մլն դրամ): Դրանք կտրամադրվեն ՊՆ-ին, ԱԱԾ-ին, ԱԻՆ Փրկարար ծառայությանը, ոստիկանության Սյունիքի մարզային վարչությանը։
«Շուռնուխում անասունների հետ կապված խնդիրներ են եղել, բնակիչներին փոխհատուցվել է, քաղաքացիներին բնակարանների փոխհատուցման հարցեր կան, կան նաև տարբեր տեսակի կրթական–մշակութային հարցեր` Սյունիքում գտնվող շենք–շինությունների հետ կապված»,– ասաց Սանոսյանը։
Սյունիքի գյուղերում աննախադեպ ծավալով ճանապարհաշինարարական աշխատանքներ են. Փաշինյան
ՀՀ վարչապետ Նիկոլ Փաշինյանն էլ հավելեց, որ Սյունիքում շրջանցիկ ճանապարհների շինարարության հետ կապված որոշ ծախսեր ևս իրականացվում են այս գումարի շրջանակում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала