Զերծ մնալ որևէ բանակցությունից, գրավոր կամ բանավոր համաձայնություններից. հայտարարություն

© Sputnik / Aram NersesyanДепутаты оппозиционного блока "Айастан" на заседании Парламента (4 августа 2021). Еревaн
Депутаты оппозиционного блока Айастан на заседании Парламента (4 августа 2021). Еревaн - Sputnik Արմենիա, 1920, 25.11.2021
Բաժանորդագրվեք
«Հայաստան» խմբակցությունը շրջանառության մեջ կդնի սահմանագծման և սահմանազատման հիմնախնդիրներին վերաբերող Ազգային ժողովի հայտարարության նախագիծ։
ԵՐԵՎԱՆ, 25 նոյեմբերի – Sputnik. ՀՀ Ազգային ժողովը ՀՀ իշխանություններից պահանջում է զերծ մնալ որևէ բանակցությունից, գրավոր կամ բանավոր համաձայնություններից, որոնք կխախտեն Սահմանադրության պահանջները և հայ ժողովրդի հավաքական կամքը` արտահայտված Անկախության հռչակագրով։ ԱԺ հայտարարության նախագիծը ներկայացնելով` ասաց «Հայաստան» խմբակցության պատգամավոր Իշխան Սաղաթելյանը։
Նշենք, որ ԱԺ–ում սահմանազատման և սահմանագծման թեմայով «Հայաստան» խմբակցության նախաձեռնությամբ խորհրդարանական լսումներ են այժմ, որի ժամանակ էլ Սաղաթելյանը ներկայացրել հայտարարության նախագիծը։
Депутат от оппозиционной фракции Айастан Сейран Оганян на очередном заседании Парламента Армении (27 октября 2021). Еревaн - Sputnik Արմենիա, 1920, 25.11.2021
Օհանյանը համոզված է` չկա որևէ մարդ, որը միլիմետրի ճշտությամբ կներկայացնի ՀՀ սահմանները
«Ազգային ժողովը գտնում է, որ Ադրբեջանի խորհրդային սոցիալիստական հանրապետությանն ապօրինի բռնակցված Արցախը չի կարող ընդգրկվել Ադրբեջանի տարածքային ամբողջականության շրջանակներում։ Ընդ որում, Ադրբեջանն իր սահմանադրությամբ չի ընդունել, որ հանդիսանում է Ադրբեջանի Խորհրդային Սոցիալիստական Հանրապետության իրավահաջորդը»,–ասված է նախագծի մեջ։

Նշվում է նաև, որ ՀՀ–ն չունի միջազգային իրավական պարտավորություն` հիմք ընդունելու որևէ քարտեզով արձանագրված սահմանները, առավել ևս, երբ այն չի համապատասխանում միջազգային լավագույն փորձին։

Բացի այդ, ՀՀ–ն պաշտոնապես ներկայացնող որևէ անձ` այդ թվում գործադիր իշխանության ղեկավարը կամ այլ ներկայացուցիչ, չի կարող գրավոր կամ բանավոր համաձայնության գալ` խախտելով Արցախի և Հայաստանի իրավարար նորմերը։ Նախագծում ասվում է նաև, որ Հայաստանի և Ադրբեջանի միջև վեճերը կարող են լուծվել խաղաղ ճանապարհով` առանց ուժի կամ ուժի սպառնալիքի կիրառման։
«Հայաստանի և Ադրբեջանի միջև սահմանազատման հարցը որևէ կերպ չտարանջատել Արցախի ժողովրդի` իր պատմական տարածքում ինքնորոշման իրավունքի երաշխավորված իրացումից։ ԱԺ–ն կոչ է անում միջազգային կազմակերպություններին, բարեկամ երկրների խորհրդարաններին դատապարտել Ադրբեջանի և Թուրքիայի կողմից իրականացված և շարունակվող հանցագործությունները և վերջիններիս նկատմամբ իրավական պատասխանատվության ենթարկելու գործողություններ ձեռնարկել»,–ասված է նախագծում։
Բրյուսելում կքննարկվի գերիների հարցը, Սոչիում` սահմանների. Փաշինյանը փակագծեր բացեց
Իշխան Սաղաթելյանը նշեց, որ լսումների ժամանակ կքննարկվի այս հայտարարությունը, որից հետո այն կընդունեն։ Ի դեպ, «Հայաստան» խմբակցության ղեկավար Սեյրան Օհանյանը հայտնել էր, որ ընդդիմությունը լսումներին հրավիրել էր նաև իշխանական մեծամասնությանը, սակայն նրանք բացակայում են։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала