Ալիևը խոսել է Փաշինյանի ու Պուտինի հետ անկեղծ բանակցությունների մասին

© Sputnik / Сергей ГунеевПрезидент Азербайджана Ильхам Алиев на неформальной встрече лидеров СНГ (20 декабря 2019). Санкт-Петербург
Президент Азербайджана Ильхам Алиев на неформальной встрече лидеров СНГ (20 декабря 2019). Санкт-Петербург - Sputnik Արմենիա, 1920, 26.11.2021
Բաժանորդագրվեք
Ադրբեջանի նախագահը նշել է, որ իրենք ուզում են շրջել Հայաստանի հետ բազմամյա դիմակայության էջը, և կարծում է, որ հասնում են իրենց նպատակներին։
ԵՐԵՎԱՆ, 26 նոյեմբերի - Sputnik. Ադրբեջանի նախագահ Իլհամ Ալիևը Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հետ բանակցություններից հետո հայտարարեց, որ կողմերը հանգամանալից, անկեղծ զրույց են ունեցել։
«Մենք բացեիբաց քննարկել ենք մեր ծրագրերը, մեզ անհանգստացնող հարցերը։ Կարևորն այն է, որ այն որոշումները, որոնք մենք ընդունել ենք տարաձայնությունները կարգավորելու համար, կնպաստեն, որ Հարավային Կովկասի իրադրությունն անվտանգ ու կանխատեսելի լինի», - ասաց նա։
Путин подарил Пашиняну и Алиеву символическую оливковую ветвь - Sputnik Արմենիա, 1920, 26.11.2021
Պուտինը Փաշինյանին ու Ալիևին ձիթենու ճյուղեր նվիրեց. տեսանյութ
Ադրբեջանի նախագահը նշեց, որ տեսնում է Հայաստանի տրամադրվածությունը իրավիճակի կայունացման և կանխատեսելիության ապահովման նախադրյալներ ստեղծելու համար:
«Ես բազմիցս ասել եմ, որ մենք ուզում ենք շրջել Հայաստանի հետ բազմամյա դիմակայության էջը, նորմալ գործակցության փուլ սկսել, և կարծում եմ, որ նման ձևաչափով մենք հասնում ենք մեր նպատակներին», - ասաց Ալիևը:
Նա ընդգծեց, որ Ադրբեջանի և Ռուսաստանի միջև վստահելի հարաբերությունների մակարդակը նպաստում է Հայաստանի հետ ամենազգայուն հարցերի շուրջ հանգուցալուծում գտնելուն։
«Կարծում եմ, որ մեր հանդիպումից հետո լավ արդյունքներ կլինեն, որոնք չեն ուշանա, և տարածաշրջանում իրավիճակն ավելի անվտանգ և կանխատեսելի կլինի»,– եզրափակեց նա:
Հայաստանի վարչապետ Նիկոլ Փաշինյանը Հայաստան-Ռուսաստան-Ադրբեջան եռակողմ հանդիպման ժամանակ (26 նոյեմբերի, 2021թ․). Սոչի - Sputnik Արմենիա, 1920, 26.11.2021
Ինչի՞ մասին է խոսել Փաշինյանը Պուտինի հետ հանդիպմանը
Հիշեցնենք` Հայաստանի, Ռուսաստանի ու Ադրբեջանի ղեկավարների հանդիպումը կայացել է Սոչիում։ Եռակողմ հանդիպումից առաջ Պուտինն առանձնազրույց է ունեցել Ալիևի հետ։ Բանակցությունները տևել են երեք ժամ։ Եռակողմ հանդիպմանը հաջորդել է Պուտին–Փաշինյան առանձնազրույցը։
ՌԴ նախագահ Վլադիմիր Պուտինը հայտարարել է, որ հաջորդ շաբաթ նոր եռակողմ հանդիպում կլինի, որի ժամանակ կներկայացվեն այսօրվա քննարկման որոշ արդյունքներ, հայտարարություն կարվի այսօր կայացրած որոշումների մասին։
Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում ԵՄ Արևելյան գործընկերության գագաթնաժողովի շրջանակում։
Փաշինյանի ու Ալիևի նախորդ հանդիպումը (Պուտինի մասնակցությամբ) կայացել էր Մոսկվայում այս տարվա հունվարի 11-ին։ Գրեթե 4 ժամ տևած բանակցությունների արդյունքում ընդունվել էր երկրորդ եռակողմ հայտարարությունը, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала