Առանց փողոցի ոչինչ չի ստացվի․ Վազգեն Մանուկյանը՝ շարժմանը միանալու մասին

© Sputnik / Asatur YesayantsՎազգեն Մանուկյան
Վազգեն Մանուկյան - Sputnik Արմենիա, 1920, 26.11.2021
Վազգեն Մանուկյան
Բաժանորդագրվեք
Ըստ նախկին վարչապետի` «Ազատագրական շարժումը» պետք է ունենա հստակ ծրագիր, հեռանկարներ և ղեկավար մարմին։
ԵՐԵՎԱՆ, 26 նոյեմբերի – Sputnik. ՀՀ նախկին վարաչապետ Վազգեն Մանուկյանը ողջունում է «Ազատագրական շարժումը», քանի որ, ըստ նրա, առանց փողոցի չի ստացվի լուծել Հայաստանում ստեղծված իրավիճակը։
Այս մասին Մանուկյանն ասաց լրագրողների հետ ճեպազրույցում՝ պատասխանելով հարցին` արդյո՞ք պատրաստվում է միանալ տվյալ շարժմանը։

«Հարցը միանալու մեջ չէ, այլ ավելի գլոբալ է։ Օրինակ` «միավորում» բառը, որը շարժման ժամանակ վանկարկում են, շատ գեղեցիկ է հնչում, սակայն մարդիկ կարողանում են միավորել և ձևավորել շարժում, եթե դրված է որոշակի խնդիր, կա ծրագիր, հեռանկարներ են ներկայացվում ու կա ղեկավար մարմին»,- նշեց ՀՀ նախկին վարչապետը։

Նա ընդգծեց, որ առայժմ այդ ամենը չկա, սակայն կամաց-կամաց կարող է ձևավորվել։ Մանուկյանը շեշտեց, որ ՀՀ ներկայիս իշխանությունը մեր ժողովրդի համար թշնամի է և որևէ օգտակար բան չի կարող անել, փոխարենը ադրբեջանական ու թուրքական կողմերի ցանկություններն անընդհատ մեծանում են։
Անդրադառնալով ձևավորված Ազգային դիմադրություն շարժմանը, Մանուկյանը նշեց, որ դեռ 2020 թվականին, երբ ստեղծվել էր Հայրենիքի փրկության շարժումը, այն պետք է շարունակեր իր գործունեությունը։
Шествие родственников погибших военнослужащих (21 сентября 2021). Еревaн - Sputnik Արմենիա, 1920, 21.11.2021
«5165 շարժումը» պահանջում է Փաշինյանից ներկայացնել ստորագրվելիք փաստաթղթի բովանդակությունը
«Կարելի է փոխել ֆորմատը, լիդերներին, բայց պետք չէ գնալ ընտրությունների։ Ցավոք այդ ընտրություններից հետո մի նոր իրավիճակ ստացանք։ Առանց փողոցի, իհարկե, ոչինչ չի ստացվի, ԱԺ-ն չի կարող որևէ հարց լուծել, այն միայն կարող է հարցը միջազգային հանրությանը ներկայացնել, քանի որ լեգիտիմ մարմին է»,- ասաց Մանուկյանը։
Հիշեցնենք, որ նոյեմբերի 22-ից «Ազատագրական շարժումը» բողոքի ակցիաներ և հանրահավաքներ է իրականացնում` պահանջելով, որպեսզի Փաշինյանը հրապարակի սահմանազատման մասին փաստաթուղթը։
Պետք է նախ պարզել` ընդդիմությունն ինչին կամ ում է դիմադրում. Դանիելյանը` նոր շարժման մասին
Շարժումը պահանջում է նաև ադրբեջանական կողմին միջանցք կամ տարածքներ չտրամադրել, լիարժեք զինել առաջնագիծն ու պաշտպանել երկրի տարածքային ամբողջականությունը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала