Եռակողմ հանդիպման արդյունքում ընդունվել է հայտարարություն. Նիկոլ Փաշինյան

© Photo : official site of the Prime Minister of RAՀայաստանի վարչապետ Նիկոլ Փաշինյանը Հայաստան-Ռուսաստան-Ադրբեջան եռակողմ հանդիպման ժամանակ (26 նոյեմբերի, 2021թ․). Սոչի
Հայաստանի վարչապետ Նիկոլ Փաշինյանը Հայաստան-Ռուսաստան-Ադրբեջան եռակողմ հանդիպման ժամանակ (26 նոյեմբերի, 2021թ․). Սոչի - Sputnik Արմենիա, 1920, 26.11.2021
Բաժանորդագրվեք
ԵՐԵՎԱՆ, 26 նոյեմբերի – Sputnik. Հանդիպումը եղել է ոչ թե խնդիրները թաքցնելու նպատակով, այլ եղել է հանդիպում, որտեղ բաց քննարկվել են բոլոր հարցերը։ Այսօր Սոչիում Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի ու Հայաստանի վարչապետ Նիկոլ Փաշինյանի եռակողմ հանդիպումից հետո հայտարարեց ՀՀ վարչապետը։
Նրա բնորոշմամբ` դրական հանդիպման ընթացքում հստակեցվել են որոշ հարցերի շուրջ դիրքորոշումները։

«Շատ հարցերում հակասություններ չկան, ինչպես թվում էր այս հանդիպումից առաջ»,– ասաց նա։

Փաշինյանը հայտնեց, որ ընդհանուր պատկերացումներ կան տրանսպորտային հաղորդակցությունների բացման հարցում, թե ինչպես են աշխատելու այդ հաղորդակցությունները, ինչպես նաև սահմանազատման և սահմանագծման հարցի շուրջ։
Նա նշեց, որ հանդիպման արդյունքում ընդունվել է եռակողմ հայտարարություն, որում նշվում է` պետք է Հայաստանի և Ադրբեջանի սահմանին ստեղծել անհրաժեշտ պայմաններ, անվտանգության և կայունության մեխանիզմներ։ Եվ, իհարկե, բարձրացվել են հումանիտար խնդիրներ։
«Հաստատում եմ ժողովրդից մանդատ ստացած ՀՀ կառավարության պատրաստակամությունը՝ բացելու խաղաղ զարգացման դարաշրջան երկրի ու տարածաշրջանի համար։ Սա է մեր նպատակը»,– եզրափակեց ՀՀ վարչապետը:
Հայաստանի, Ռուսաստանի և Ադրբեջանի ղեկավարները հանդես եկան համատեղ հայտարարությամբ հադիպման ավարտի արդյունքներով (26 նոյեմբերի, 2021թ․). Սոչի - Sputnik Արմենիա, 1920, 26.11.2021
Մինչև տարեվերջ դեմարկացիայի ու դելիմիտացիայի մեխանիզմներ կստեղծվեն. Պուտին
Հիշեցնենք` Հայաստանի, Ռուսաստանի ու Ադրբեջանի ղեկավարների հանդիպումը կայացել է Սոչիում։ Եռակողմ հանդիպումից առաջ Պուտինն առանձնազրույց է ունեցել Ալիևի հետ։ Բանակցությունները տևել են երեք ժամ։ Եռակողմ հանդիպմանը հաջորդել է Պուտին–Փաշինյան առանձնազրույցը։
Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում ԵՄ Արևելյան գործընկերության գագաթնաժողովի շրջանակում։
Փաշինյանի ու Ալիևի նախորդ հանդիպումը (Պուտինի մասնակցությամբ) կայացել էր Մոսկվայում այս տարվա հունվարի 11-ին։ Գրեթե 4 ժամ տևած բանակցությունների արդյունքում ընդունվել էր երկրորդ եռակողմ հայտարարությունը, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Президент РФ Владимир Путин - Sputnik Արմենիա, 1920, 26.11.2021
Ռուսաստանի, Հայաստանի և Ադրբեջանի փոխվարչապետները մեկ շաբաթից կհանդիպեն Մոսկվայում. Պուտին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала