ՀԱՊԿ գլխավոր քարտուղարը շնորհավորել է ՀՀ պաշտպանության նախարարին

© Sputnik / Пресс-служба МИД РФ / Անցնել ֆոտոբանկՀԱՊԿ գլխավոր քարտուղար Ստանիսլավ Զասը Կազմակերպության Հավաքական անվտանգության խորհրդի նիստի ժամանակ (16 սեպտեմբերի, 2021թ․)․ Դուշանբե
ՀԱՊԿ գլխավոր քարտուղար Ստանիսլավ Զասը Կազմակերպության Հավաքական անվտանգության խորհրդի նիստի ժամանակ (16 սեպտեմբերի, 2021թ․)․ Դուշանբե - Sputnik Արմենիա, 1920, 26.11.2021
Բաժանորդագրվեք
Զասը նշել է, որ ցուցաբերված վստահությունը վկայում է կառավարման ոլորտում Պապիկյանի մասնագիտական ձեռքբերումների, գիտելիքների և կուտակած գործնական փորձի գնահատման մասին։
ԵՐԵՎԱՆ, 26 նոյեմբերի - Sputnik. ՀԱՊԿ գլխավոր քարտուղար Ստանիսլավ Զասը շնորհավորական ուղերձ է հղել ՀՀ պաշտպանության նախարար Սուրեն Պապիկյանին։ Ուղերձում, մասնավորապես, ասված է.
«Ընդունեք անկեղծ շնորհավորանքներս՝ Հայաստանի Հանրապետության պաշտպանության նախարարի պաշտոնում Ձեր նշանակման կապակցությամբ։
«ՀԱՊԿ-ից դուրս գալու հանգամանքը չենք դիտարկի, ՌԴ դերն էլ անգնահատելի է». Փաշինյան
Հայաստանի Հանրապետության իշխանությունների կողմից Ձեր հանդեպ ցուցաբերված վստահությունը վկայում է կառավարման ոլորտում Ձեր ունակությունների, մասնագիտական ձեռքբերումների, խորը գիտելիքների և կուտակած գործնական փորձի գնահատման մասին։
Հայաստանի Հանրապետության Զինված ուժերը երկրի անվտանգության ապահովման և պետական ինքնիշխանության կարևոր գործոն է հանդիսանում, ինչպես նաև կարևոր օղակ՝ ՀԱՊԿ հավաքական անվտանգության համակարգում։
Նիկոլայ Բորդյուժա - Sputnik Արմենիա, 1920, 24.11.2021
Այսօրվա դրությամբ Ղարաբաղյան հակամարտությունը լուծված չէ. ՀԱՊԿ նախկին գլխավոր քարտուղար
Մաղթում ենք Ձեզ առողջություն և հաջողություն Հայաստանի Հանրապետության Զինված ուժերի ամրապնդմանը և ՀԱՊԿ շրջանակում ռազմական համագործակցության զարգացմանը միտված պատասխանատու գործունեության ընթացքում»,-նշված է ուղերձում։
Ավելի վաղ Սուրեն Պապիկյանին շնորհավորել էր ՌԴ պաշտպանության նախարար Սերգեյ Շոյգուն։
Հիշեցնենք, որ Սուրեն Պապիկյանը ՀՀ պաշտպանության նախարար է նշանակվել նոյեմբերի 15-ին՝ այդ պաշտոնում փոխարինելով Արշակ Կարապետյանին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала