«Մենք 3 անգամ առաջ ենք տվել մեր դիրքերը, հետո ենք հետ քաշվել». Սյունիքի մարզպետ

Մելիքսեթ Պողոսյան - Sputnik Արմենիա, 1920, 26.11.2021
Բաժանորդագրվեք
Մելիքսեթ Պողոսյանը վստահեցնում է, որ Նիկոլ Փաշինյանը չի հրահանգել, որ Սյունիքից հայկական զորքերը հետ քաշվեն։
ԵՐԵՎԱՆ, 26 նոյեմբերի – Sputnik. ՀՀ Սյունիքի մարզպետ Մելիքսեթ Պողոսյանը վստահեցնում է` Սյունիքում հայկական զորքերի հետ քաշվելու հրաման որևէ մեկը չի տվել, ուղղակի հայկական զորքերին հետ են ուղարկել Խորհրդային միության ժամանակ զբաղեցրած դիրքերը։ Նա այս մասին հայտարարեց ԱԺ–ում լրագրողների հետ զրույցում` պատասխանելով հարցին, թե ինչպե՞ս է վերաբերվում այն հանգամանքին, որ նախորդ տարվա դեկտեմբերին վարչապետ Նիկոլ Փաշինյանի հրամանով Սյունիքում զորքերը հետ քաշվեցին։
Հայտնել էինք, որ Փաշինյանը հոկտեմբերի 27-ին ԱԺ–ում կառավարության հետ հարցուպատասխանի ժամանակ ասել էր` Սյունիքում զորքերի հետքաշման որոշումն ինքն է կայացրել։
Սյունիքի մարզի Անգեղակոթ գյուղը - Sputnik Արմենիա, 1920, 19.11.2021
Սյունիքի 6 գյուղերում անորոշություն է. Թաթոյանը մանրամասներ է հայտնել իրավիճակից
Փաշինյանը նշեց` եթե նման որոշում չկայացվեր` Սյունիքում ռազմական գործողություններ էին սկսվելու և մենք խնդիրներ էինք ունենալու։

«Ոչ մեկը չի ուզել հետ քաշվի։ Հարցն այն է, որ այդ օրերին վարչապետը եկել է Գորիս ու խորհրդակցություն արել։ Նա ասել է` անցեք Սյունիքի պաշտպանության։ Մենք էլ Նռնաձորից Խոզնավար նպաստավոր բարձունքների վրա անցել ենք պաշտպանության։ Ավելին, մենք 1 ամիս համագործակցել ենք, որ «նեյտրալ զոնան» մենք պահենք։ 3 անգամ Կուբաթլուի հատվածում մեր դիրքերն առաջ ենք բերել»,–ասաց Պողոսյանը։

Նրա խոսքով` բանակցությունների արդյունքում հայկական զորքերը հետ են քաշվել, որովհետև պետք է տեղակայվեին ըստ Խորհրդային Հայաստանի սահմանների։
Հիշեցնենք, որ Փաշինյանը հայտնել էր` այդ տարածքները հանձնվել են 7 շրջանների մաս լինելու տրամաբանության մեջ, ինչն արձանագրված է ՀՀ տարածքի վարչատարածքային բաժանման մասին օրենքում։
Նա հավելել էր, որ զորքերը հետ քաշելու հրաման է տվել մարտավարական ճանապարհ չկորցնելու համար։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала