ՊՆ–ն հաստատեց` Ադրբեջանը Հայաստանին է փոխանցել 2 հայի

© Sputnik / Aram NersesyanԶինվորներ
Զինվորներ - Sputnik Արմենիա, 1920, 26.11.2021
Զինվորներ. Արխիվային լուսանկար
Բաժանորդագրվեք
ԵՐԵՎԱՆ, 26 նոյեմբերի – Sputnik. ՀՀ պաշտպանության նախարարությունը հաստատեց` Ադրբեջանը Հայաստանին է փոխանցել 2 հայի։
«Նոյեմբերի 26-ին Ադրբեջանը Հայաստանին է փոխանցել գերեվարված երկու քաղաքացի` Միհրան Էռնեստի Մուսայելյանին (ծնվ. 2000թ.) և Արեն Ժիրայրի Արամյանին (ծնվ. 1993թ.)»,–ասված է հաղորդագրության մեջ:
Ավելի վաղ ադրբեջանական ԶԼՄ–ները հայտնել էին, որ Ադրբեջանը Հայաստանին է փոխանցել երկու ՀՀ քաղաքացու։ Նշվում է, որ այս լուրը հաստատել է գերիների, անհայտ կորածների և պատանդների հարցերով պետական հանձնաժողովը:
Գերի - Sputnik Արմենիա, 1920, 23.11.2021
«Զինվորականի երդումն ուղղակի բա՞ն ա, այո, կան քրգործեր». Փաշինյանը` գերիների մասին
Նշենք, որ Արեն Արամյանը վիրավորվել և գերեվարվել էր նոյեմբերի 16–ի մարտերի ժամանակ։ Իսկ Միհրան Մուսայելյանը նոյմբերի 23–ին մոլորվել և անցել էր Ադրբեջանի վերահսկողության ներքո գտնվող Աղդամի տարածք։
Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ Դրանից հետո տեղային մարտեր էին սկսվել։ Նոյեմբերի 16–ին` ժամը 22։30–ի սահմանում, ռուսական կողմի միջնորդությամբ կրակը դադարեցվեց։
Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի հետևանքով թշնամին ունի մինչև 70 զոհված և վիրավոր, հայկական կողմից կա 1 զոհ (1991թ. ծնված, պայմանագրային զինծառայող, շարքային Մերուժան Արթուրի Հարությունյան), 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала