Պուտինը Փաշինյանին ու Ալիևին ձիթենու ճյուղեր նվիրեց. տեսանյութ

Բաժանորդագրվեք
Ռուսաստանի նախագահ Վլադիմիր Պուտինն ընդգծեց, որ Սոչիում կայացած եռակողմ հանդիպումը չափազանց օգտակար էր ու ժամանակին:
Ռուսաստանի նախագահ Վլադիմիր Պուտինը Սոչիում կայացած եռակողմ հանդիպումից հետո ԶԼՄ–ների համար արված հայտարարության ընթացքում ձիթենու ճյուղեր նվիրեց Հայաստանի և Ադրբեջանի առաջնորդներին՝ Նիկոլ Փաշինյանին և Իլհամ Ալիևին։

«Ինձնից ձախ դուք տեսնում եք մեր նվերը, որը և՛ հայ, և՛ ադրբեջանցի ընկերների համար է։ Ձիթենու ճյուղ է, որը խաղաղություն ու բարեկեցություն է խորհրդանշում։ Ես հուսով եմ, որ այսօրվա պայմանավորվածությունները կկատարվեն և պայմաններ կստեղծեն ընդհանուր առմամբ Հարավային Կովկասում հարաբերությունների կարգավորման գործում հաջորդ քայլերի համար», - ասաց Պուտինը՝ դիմելով Փաշինյանին և Ալիևին:

Այնուհետև Ռուսաստանի նախագահը սեղմեց երկուսի ձեռքերը։
ՌԴ ղեկավարը, ամփոփելով իր խոսքը, կրկին ընդգծեց, որ հանդիպումը չափազանց օգտակար էր, ժամանակին: Նա հավելեց, որ կողմերը հայտարարություն են ստորագրել նոյեմբերի 26-ին Սոչիում անցկացված համատեղ աշխատանքի արդյունքների վերաբերյալ:
«Դրանում ավելի մանրամասն շարադրված է այն ամենը, ինչի մասին պայմանավորվել ենք», – նշեց Պուտինը։
Հիշեցնենք` Հայաստանի, Ռուսաստանի ու Ադրբեջանի ղեկավարների հանդիպումը կայացել է Սոչիում։ Եռակողմ հանդիպումից առաջ Պուտինն առանձնազրույց է ունեցել Ալիևի հետ։ Բանակցությունները տևել են երեք ժամ։ Եռակողմ հանդիպմանը հաջորդել է Պուտին–Փաշինյան առանձնազրույցը։
ՌԴ նախագահ Վլադիմիր Պուտինը հայտարարել է, որ հաջորդ շաբաթ նոր եռակողմ հանդիպում կլինի, որի ժամանակ կներկայացվեն այսօրվա քննարկման որոշ արդյունքներ, հայտարարություն կարվի այսօր կայացրած որոշումների մասին։
Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում ԵՄ Արևելյան գործընկերության գագաթնաժողովի շրջանակում։
Փաշինյանի ու Ալիևի նախորդ հանդիպումը (Պուտինի մասնակցությամբ) կայացել էր Մոսկվայում այս տարվա հունվարի 11-ին։ Գրեթե 4 ժամ տևած բանակցությունների արդյունքում ընդունվել էր երկրորդ եռակողմ հայտարարությունը, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала