Ի՞նչ է ակնկալում ՌԴ-ն Սոչիի եռակողմ հանդիպումից

© Sputnik / Михаил Климентьев / Անցնել ֆոտոբանկПремьер-министр Армении Никол Пашинян (справа), президент РФ Владимир Путин и президент Азербайджана Ильхам Алиев (слева) во время подведения итогов трёхсторонних переговоров (11 января 2021). Москва
Премьер-министр Армении Никол Пашинян (справа), президент РФ Владимир Путин и президент Азербайджана Ильхам Алиев (слева) во время подведения итогов трёхсторонних переговоров (11 января 2021). Москва - Sputnik Արմենիա, 1920, 26.11.2021
Բաժանորդագրվեք
ԵՐԵՎԱՆ, 26 նոյեմբերի – Sputnik. Ռուսական կողմը հույս ունի, որ ՌԴ, Ադրբեջանի և Հայաստանի առաջնորդների Սոչիում կայանալիք հանդիպմանը կհաջողվի ուրվագծել Բաքվի և Երևանի հարաբերությունների կարգավորման հեռանկարային ուղղությունները։ Այս մասին ՏԱՍՍ–ին այսօր հայտարարել է ՌԴ ԱԳ փոխնախարար Անդրեյ Ռուդենկոն։
«Մենք, ինչպես և բոլոր մարդիկ, որոնք ապրում են այդ երկու երկրներում, Ռուսաստանում, Հարավային Կովկասի տարածաշրջանում, ակնկալում ենք, որ հնարավորինս շուտ տարածաշրջանում երկար սպասված խաղաղություն ու կայունություն հաստատվի», – նշել է նա։
Ադրբեջանը շարունակում է կոպտորեն խախտել եռակողմ հայտարարությունը. ՀՀ ԱԳՆ
«Հանդիպումն ընդհանուր առմամբ միտված է նախորդ տարվա նոյեմբերի 9-ի հրադադարի եռակողմ համաձայնագրի ստորագրումից հետո որոշակի արդյունքների ամփոփմանը, պետք է տեսնել, ինչ է արված և ինչ կարելի է անել հետագայում խաղաղ գործընթացն առաջ տանելու համար, ինչպես խթանել երկրների միջև հարաբերությունների կարգավորման գործընթացն ընդհանուր առմամբ։
Հույս ունենք, որ այս հանդիպման ժամանակ համաձայնագիրը ստորագրած երեք երկրների առաջնորդները կնշեն հեռանկարային այս ուղղությունները», – ասել է Ռուդենկոն` պատասխանելով այն հարցին, թե ինչ է ակնկալում Մոսկվան Սոչիում կայանալիք ՌԴ, Ադրբեջանի և ՀՀ առաջնորդներ Վլադիմիր Պուտինի, Իլհամ Ալիևի և Նիկոլ Փաշինյանի հանդիպումից։
Дмитрий Песков  - Sputnik Արմենիա, 1920, 09.11.2021
Դա չափազանց կարևոր է. Պեսկովը` Արցախի վերաբերյալ եռակողմ հայտարարության մասին
Ռուդենկոն նաև հայտարարեց՝ Ռուսաստանը հույս ունի, որ Անդրկովկասի գծով «3+3» ձևաչափով հանդիպման անցկացումը «ոչ երկարատև հեռանկարի» հարց է։
«Դեռ այդ հարցերը մշակվում են, պետք է ստանալ բոլոր մասնակիցների համաձայնությունը։ Երբ այդ համաձայնությունը ձեռք բերվի, կհայտարարենք, թե որտեղ դա կկայանա։ Հույս ունենք, որ դա երկարատև հեռանկարի հարց չէ»,- ասել է նա։
Հիշեցնենք, որ այսօր Սոչիում նախատեսված է Հայաստանի վարչապետի, ՌԴ նախագահի և Ադրբեջանի նախագահի եռակողմ հանդիպումը։
Հայ-ադրբեջանական երկու հանդիպումներից առաջ պարզ է ընդամենը այն, որ ոչ մի բան պարզ չէ
Տեղի է ունենալու նաև ՀՀ վարչապետի և ՌԴ նախագահ Վլադիմիր Պուտինի առանձնազրույցը։
Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում՝ ԵՄ Արևելյան գործընկերության գագաթնաժողովի շրջանակում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала