Ռուս խաղաղապահները մարդասիրական օգնություն են հասցրել Ասկերանի շրջանի բնակիչներին

Բաժանորդագրվեք
Մարդասիրական բեռները Ռուսաստանից տեղափոխվել են ռազմատրանսպորտային ավիացիայի ինքնաթիռներով, իսկ Հայաստանի Էրեբունի ռազմական օդանավակայանից Արցախի տարածք են հասել ռուսական խաղաղապահ զորակազմի ավտոմոբիլային տրանսպորտով:
ԵՐԵՎԱՆ, 26 նոյեմբերի – Sputnik. Ռուսաստանի խաղաղապահ զորախմբի մարդասիրական արձագանքման կենտրոնի աշխատակիցները մարդասիրական օգնություն են ցուցաբերել Լեռնային Ղարաբաղի Ասկերանի շրջանի Խնածախ գյուղի բնակիչներին և վերաբնակներին, հաղորդում է Ռուսաստանի պաշտպանական գերատեսչությունը:
Գյուղացիներին տրամադրվել է շուրջ 1 տոննա ընդհանուր քաշով մարդասիրական բեռ՝ կոշիկներ, հագուստ և տնտեսական պարագաներ, ինչպես նաև 1-5-րդ դասարանների աշակերտներին`դպրոցական հավաքածուներ:
Ստեփանակերտ - Sputnik Արմենիա, 1920, 24.11.2021
Արցախի ողջ տարածքում սահմանվել է մեկամսյա կարանտին. մեծածավալ սահմանափակումներ կան
«Այսօր Ասկերանի շրջանի Խնածախ բնակավայրում իրականացվել է մարդասիրական ակցիա, որի ընթացքում երկու բազմազավակ ընտանիքների տրամադրվել են մթերային և կենցաղային հավաքածուներ, գազի վառարաններ: Ընտանիքի յուրաքանչյուր անդամին տրամադրվել է մեկական ծածկոց, հագուստ և կոշիկ։ Դպրոցի 1-5-րդ դասարանների 40 աշակերտ ստացել են անհատական նվերներ՝ ուսապարկի և դպրոցական գրենական պիտույքների տեսքով։ Գյուղի բնակիչներին մոտ մեկ տոննա հագուստ և կոշիկ են բերել և տրամադրել գյուղի բոլոր կարիքավոր բնակիչներին»,-հայտարարել է մարդասիրական արձագանքման կենտրոնի ներկայացուցիչ Դմիտրի Տուսիդին։

Մարդասիրական ակցիայի շրջանակներում ռուս խաղաղապահներն ու բարերարներն օգնություն են ցուցաբերել Խնածախի ավելի քան 800 բնակիչների:

«Այսօր մենք հերթական համատեղ ակցիան անցկացրեցինք ռուսական խաղաղապահ զորախմբի և «Մերսի» բարեգործական ասոցիացիայի հետ։ Ակցիան անցկացվել է Ասկերանի շրջանի Խնածախ գյուղում։ Գյուղում մոտ 900 մարդ է ապրում։ Նախևառաջ մարդասիրական օգնություն է տրամադրվել ծայրահեղ կարիքավոր ընտանիքներին, դրանք երկուսն են։ Տրամադրվել են կենցաղային պարագաներ, ծածկոցներ, վառարաններ, կոշիկներ։ Հետո մոտեցան առաջին-հինգերորդ դասարանի երեխաները, որոնց տրամադրվեցին գրենական պիտույքներ և ուսապարկեր», - ասել է «Մերսի» բարեգործական կազմակերպության ներկայացուցիչ Ալեսյա Պոդոլսկայան։
Ի՞նչ են արել ռուս խաղաղապահներն Արցախում վերջին ժամանակահատվածում
Մարդասիրական բեռները Ռուսաստանից տեղափոխվել են ռազմատրանսպորտային ավիացիայի ինքնաթիռներով, իսկ Հայաստանի Էրեբունի ռազմական օդանավակայանից Արցախի տարածք են հասել ռուսական խաղաղապահ զորակազմի ավտոմոբիլային տրանսպորտով:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала