Տեղի են ունենում միջադեպեր, ցավոք, լինում են նաև զոհեր. Պուտինը` Ալիևի հետ հանդիպմանը

© Пресс-служба президента Азербайджана / Անցնել ֆոտոբանկՌԴ և Ադրբեջանի նախագահներ Վլադիմիր Պուտինն ու Իլհամ Ալիևը հանդիպման ժամանակ (26 նոյեմբերի, 2021թ․). Սոչի
ՌԴ և Ադրբեջանի նախագահներ Վլադիմիր Պուտինն ու Իլհամ Ալիևը հանդիպման ժամանակ (26 նոյեմբերի, 2021թ․). Սոչի - Sputnik Արմենիա, 1920, 26.11.2021
Բաժանորդագրվեք
ՌԴ նախագահի խոսքով` ռուս խաղաղապահներն ու ռուս-թուրքական զինադադարի կառավարման կենտրոնն ակտիվ աշխատում են տարածաշրջանում խաղաղության պահպանման ուղղությամբ։
ԵՐԵՎԱՆ, 26 նոյեմբերի – Sputnik. ՌԴ նախագահ Վլադիմիր Պուտինն այսօր Սոչիում Ադրբեջանի նախագահ Իլհամ Ալիևի հետ կայացած առանձնազրույցի ժամանակ հայտարարեց, որ Ռուսաստանը զգալի ներդրում ունի Լեռնային Ղարաբաղի հակամարտության կարգավորման գործում։
Նրա խոսքով` ռուս խաղաղապահներն ու ռուս-թուրքական զինադադարի կառավարման կենտրոնը դրական դեր ունեն ու ակտիվորեն աշխատում են տարածաշրջանում խաղաղության պահպանման ուղղությամբ։

«Ցավոք, դեռ կան խնդիրներ։ Տեղի են ունենում միջադեպեր, ցավոք, մինչ օրս չի ստացվում խուսափել նաև զոհերից։ Դրա համար էլ հավաքվել ենք, որ քննարկենք, թե ինչ է արվել ու ինչ է պետք անել` նման միջադեպերը կանխելու, տարածաշրջանում իրավիճակի հանդարտեցման ու տարածաշրջանի զարգացման համար անհրաժեշտ պայմանների ստեղծման համար»,– ասել է Պուտինը։

Հիշեցնենք` Սոչիում այսօր նախատեսված է Հայաստանի Հանրապետության վարչապետ Նիկոլ Փաշինյանի, Ռուսաստանի Դաշնության նախագահ Վլադիմիր Պուտինի և Ադրբեջանի Հանրապետության նախագահ Իլհամ Ալիևի եռակողմ հանդիպումը։
Ի՞նչ է ակնկալում ՌԴ-ն Սոչիի եռակողմ հանդիպումից
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала