Նոր ավտոբուսները երևանյան երթուղի կմտնեն մի քանի փուլով. Մարությանը ներկայացրեց դրանք

Բաժանորդագրվեք
Քաղաքապետը խոստանում է, որ տրանսպորտի բարեփոխումները շարունակվելու են, և արդեն նոր խմբաքանակի գնման մրցութային փաթեթն է պատրաստվում։
8,6 մետրանոց 211 ավտոբուսներն արդեն Երևանում են ու մի քանի օրից կսկսեն երթևեկել մայրաքաղաքի փողոցներում։ Լուրը Facebook-ի պաշտոնական էջում հայտնել է Երևանի քաղաքապետ Հայկ Մարությանը։ Նրա տեղեկացմամբ՝ նոր ավտոբուսները երևանյան երթուղի կմտնեն մի քանի փուլով։ Հրապարակված տեսանյութում քաղաքապետն անձամբ է ներկայացնում ավտոբուսներն ու դրանց առավելությունները։ Բոլորը ցածրահատակ են, ինչը հեշտացնում է ուղևորների մուտքն ու ելքը։ Ավտոբուսներն աշխատում են կանաչ գազով, ինչը կարևոր է էկոլոգիայի համար։
Երևանի նոր տրանսպորտային ցանցը կհամալրվի ևս 100 ավտոբուսով
Առանձնացված է վարորդի խցիկը, սրահը նախատեսված է 22 նստած և 38 կանգնած ուղևորների համար։ Բոլոր նստարանների մոտ կան USB մուտքեր, ինչը նշանակում է, որ ուղևորները կարող են լիցքավորել հեռախոսները։ Նոր ավտոբուսները հարմարեցված են նաև հաշմանդամություն ունեցող անձանց համար։

«Մենք շարունակում ենք տրանսպորտի ռեֆորմը, և արդեն նախապատրաստում ենք ավտոբուսների նոր խմբաքանակի գնման մրցութային փաթեթը»,- նշում է Մարությանը։

Քաղաքապետի խոսքով՝ ավտոբուսների թե՛ ներքին, թե՛ արտաքին դիզայնը գործարանում արվել է Երևան քաղաքի պատվերով։
Հավելենք, որ ավտոբուսները ձեռք են բերվել Երևանի քաղաքային բյուջեի միջոցներով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала