Սոչիի եռակողմ հայտարարության ռիսկերը` Արցախը կարող է Ադրբեջանի մաս դառնալ․«5165» շարժում

© Sputnik / Aram Nersesyan«5165» շարժման առաջնորդներ Կարին Տոնոյանն ու Մենուա Սողոմոնյանը Հանրապետության հրապարակում Ազատագրական շարժման հավաքի ժամանակ (24 նոյեմբերի, 2021թ․). Երևան
«5165» շարժման առաջնորդներ Կարին Տոնոյանն ու Մենուա Սողոմոնյանը Հանրապետության հրապարակում Ազատագրական շարժման հավաքի ժամանակ (24 նոյեմբերի, 2021թ․). Երևան - Sputnik Արմենիա, 1920, 27.11.2021
«5165» շարժման առաջնորդներ Կարին Տոնոյանն ու Մենուա Սողոմոնյանը Հանրապետության հրապարակում Ազատագրական շարժման հավաքի ժամանակ (24 նոյեմբերի, 2021թ․). Երևան. Արխիվային լուսանկար
Բաժանորդագրվեք
Փաշինյանի իշխանությունից հեռացնելու օրակարգով «5165» շարժումը խորհրդակցություններ է սկսում նույն տեսակետն ունեցող բոլոր քաղաքական ուժերի անհատների հետ։
ԵՐԵՎԱՆ, 27 նոյեմբերի – Sputnik․Հայաստանի, Ռուսաստանի և Ադրբեջանի ղեկավարների՝ Սոչիում կայացած հանդիպումն ու ընդունված եռակողմ հայտարարությունը խորացրեցին մտահոգությունները՝ կապված Հայաստանի և Ադրբեջանի միջև սահմանագծման և սահմանազատման վտանգավոր գործընթացի ու Արցախի հիմնախնդիրի կարգավորման հեռանկարների վերաբերյալ։
«5165» շարժումը հայտարարություն է տարածել՝ մտահոգություն հայտնելով, որ դեռ գաղտնի է պահվում այն, թե ինչ սկզբունքներով են տեղի ունենալու սահմանագծումն ու սահմանազատումը։ Շարժման ներկայացուցիչները թվարկել են իրենց կարծիքով առկա ռիսկերը։
Премьер-министр Армении Никол Пашинян (справа), президент РФ Владимир Путин и президент Азербайджана Ильхам Алиев (слева) во время подведения итогов трёхсторонних переговоров (11 января 2021). Москва - Sputnik Արմենիա, 1920, 26.11.2021
Ի՞նչ է ակնկալում ՌԴ-ն Սոչիի եռակողմ հանդիպումից
«Ամենասարսափելի ռիսկն այն է, որ առանց Արցախի կարգավիճակի հստակեցման ՀՀ-ում ու նախկին ԼՂԻՄ-ին հարող շրջանում սահմանագծում ու սահմանազատում իրականացնելու և Հայաստանի սահմանից այն կողմ Ադրբեջան ճանաչելու պարագայում Արցախը դառնալու է Ադրբեջանի մաս»,- նշում են շարժման ներկայացուցիչները։
Նրանց դիտարկմամբ՝ մտահոգիչ է նաև, որ նոր եռակողմ հայտարարության մեջ անդրադարձ չկա ռազմագերիների, պատանդների, պահվող այլ անձանց և զոհվածների մարմինների փոխանակմանը։

Շարժման առաջնորդ Կարին Տոնոյանը վստահ է, որ Արցախի հարցում նոր բանակցողներ են անհրաժեշտ։ Պնդում է՝ վարչապետ Նիկոլ Փաշինյանն ու իշխանության մյուս ներկայացուցիչներն ունակ չեն պաշտպանելու Հայաստանի ազգային ու պետական շահերը։

«Նիկոլ Փաշինյանը բռնազավթել է ամբողջ իշխանություն, իշխանության և ոչ մի թև ունակ չէ կանխել այս վտանգավոր զարգացումները»,- շեշտում է Տոնոյանն ու հավելում, որ նրան իշխանությունից հեռացնելն օրախնդիր է։
Փաշինյանի և Ալիևի հետ հանդիպումներից հետո Պուտինն Անվտանգության խորհրդի նիստ է անցկացրել
Հաշվի առնելով ստեղծված իրավիճակը՝ գործող իշխանություններին հեռացնելու օրակարգով «5165» շարժումը խորհրդակցություններ է սկսում նույն տեսակետն ունեցող բոլոր քաղաքական ուժերի, հասարակական միավորումների և անհատների հետ։
Նշենք, որ երեկ` նոյեմբերի 26–ին, Սոչիում կայացել են երեք երկրների` Հայաստանի, Ռուսաստանի և Ադրբեջանի ղեկավարների եռակողմ բանակցությունները, որից հետո ընդունվել է համատեղ հայտարարություն։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала