Վարդան Ղուկասյանի որդին հայտնաբերվել է ու բերման ենթարկվել

© Sputnik / Asatur YesayantsՎարդան Ղուկասյան
Վարդան Ղուկասյան - Sputnik Արմենիա, 1920, 27.11.2021
Վարդան Ղուկասյան. Արխիվային լուսանկար
Բաժանորդագրվեք
Սպարտակ Ղուկասյանն արդեն շուրջ 2 ամիս է՝ թաքնվում էր վարույթն իրականացնող մարմնից։
ԵՐԵՎԱՆ, 27 նոյեմբերի – Sputnik․ Իրավապահները հայտնաբերել և բերման են ենթարկել Գյումրիի նախկին քաղաքապետ Վարդան Ղուկասյանի որդուն՝ Սպարտակ Ղուկասյանին։ Տեղեկությունը Facebook-ի իր էջում հայտնել է ՀՀ գլխավոր դատախազի խորհրդական Գոռ Աբրահամյանը։
«Ոստիկանության աշխատակցի նկատմամբ բռնություն կիրառելու սպառնալիքի դեպքի առթիվ քննվող քրեական գործով ՀՀ Քրեական օրենսգրքի 316 հոդվածի 1-ին մասով նախատեսված հանցագործության համար մեղադրվող Սպարտակ Ղուկասյանը, ում նկատմամբ հետախուզում էր հայտարարվել 2021թ. սեպտեմբերի 17-ից, հայտնաբերվել է և բերման ենթարկվել ոստիկանություն»,- գրել է Աբրահամյանը։
Депутат от фракции Царукян Вардан Гукасян на внеочередном заседании НС (7 июня 2018). Еревaн - Sputnik Արմենիա, 1920, 11.08.2021
Վարդան Ղուկասյանը հարցաքննվել է. Շիրակի մարզի դատախազի տեղակալը մանրամասներ հայտնեց
Հիշեցնենք, որ Սպարտակ Ղուկասյանին 2021–ի օգոստոսին ձերբակալել էին ՀՀ ոստիկանության Կումայրիի բաժնի քրեական հետախուզության բաժանմունքի պետին սպառնալիքներ հնչեցնելու մեղադրանքով, սակայն Շիրակի մարզի ընդհանուր իրավասության դատարանն ազատ էր արձակել՝ չբավարարելով Շիրակի մարզային քննչական վարչության հատկապես կարևոր գործերով ավագ քննիչի՝ նրան երկամսյա կալանքի վերցնելու միջնորդությունը։ Դատախազությունը, սակայն, բողոքարկել էր Շիրակի մարզի ընդհանուր իրավասության դատարանի այս որոշումը։
Գյումրու նախկին քաղաքապետ Վարդան Ղուկասյանի որդին կկալանավորվի
ՀՀ վերաքննիչ դատարանն էլ սեպտեմբերի 15-ին բավարարել էր դատախազության բողոքը, բեկանել Շիրակի մարզի առաջին ատյանի ընդհանուր իրավասության դատարանի որոշումը և քրեական գործով մեղադրյալ Սպարտակ Ղուկասյանի նկատմամբ որպես խափանման միջոց ընտրել կալանավորումը:
Կալանավորման որոշումից անմիջապես հետո Սպարտակ Ղուկասյանը դիմել էր փախուստի, սեպտեմբերի 17-ին ոստիկանությունը նրա նկատմամբ հետախուզում էր հայտարարել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала