Աֆրիկայում ասել են՝ ովքեր են առավել խոցելի կորոնավիրուսի նոր մանրէահիմքի համար

© Sputnik / Максим Блинов / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 28.11.2021
Արխիվային լուսանկար
Բաժանորդագրվեք
Վատագույն դեպքում կառաջանա այնպիսի իրավիճակ, ինչպիսին եղավ «Դելտա» շտամի դեպքում։
ԵՐԵՎԱՆ, 28 նոյեմբերի - Sputnik. Հարավաֆրիկյան Հանրապետության բժիշկներն անհանգստացած են երիտասարդ բնակչության շրջանում կորոնավիրուսի նոր «օմիկրոն» մանրէահիմքի տարածման արագությամբ։ Տեղեկությունը հայտնում է Times of Israel-ը:

«20-30 տարեկան երիտասարդները գալիս են միջին ու ծանր աստիճանի հիվանդություններով, նրանցից ոմանք ինտենսիվ թերապիայի կարիք ունեն։ Մոտ 65 տոկոսը պատվաստված չէ, իսկ մնացածների մեծ մասը պատվաստված է միայն առաջին դեղաչափով»,–ասել է Յոհանեսբուրգի ծայրամասում Սոուետո բնակավայրի հիվանդանոցի ինտենսիվ թերապիայի բաժանմունքի ղեկավար Ռուդո Մատիվան։

Նրա խոսքով՝ եթե վարակների թվի աճը շարունակվի, բժշկական հաստատությունները գերծանրաբեռնված կլինեն։ Մասնագետը ենթադրում է, որ վատագույն դեպքում կառաջանա այնպիսի իրավիճակ, ինչպիսին եղավ «Դելտա» շտամի դեպքում, ուստի ինտենսիվ թերապիայի համար անհրաժեշտ են ավելի շատ մահճակալներ:
Հետազոտողների կարծիքով՝ SARS-CoV-2 գենոմի նոր փոփոխություններից շատերը ցույց են տալիս, որ այս տարբերակը բարձր փոխանցումունակություն ունի ու դիմացկուն է պաշտպանական հակամարմինների նկատմամբ, որոնք կան հիվանդացած ու պատվաստված մարկանց մոտ։ Ենթադրում են, որ B. 1. 1. 529-ը ի սկզբանե զարգացել է թուլացած իմունիտետով մարդու օրգանիզմում, հավանաբար ՁԻԱՀ-ով կամ ՄԻԱՎ-ով հիվանդ:
Մալդիվներ - Sputnik Արմենիա, 1920, 28.11.2021
Մալդիվները Աֆրիկայի յոթ երկրներից սահմանափակել են մուտքը երկիր
Արտասահմանյան ԶԼՄ-ները գրում են, որ Հարավաֆրիկյան Հանրապետությունում գրանցված շուրջ հարյուր վարակված կա։ Մի քանի հիվանդներ կան Հոնկոնգում, Իսրայելում, Բելգիայում, Չեխիայում, Գերմանիայում, Մեծ Բրիտանիայում, Իտալիայում, Ավստրալիայում, ինչպես նաև, ենթադրաբար, Նիդեռլանդներում ու Ավստրիայում: Այս բոլոր դեպքերը դրսից են բերվել։
Առողջապահության համաշխարհային կազմակերպությունը նոյեմբերի 27–ի արտահերթ նիստում որոշում է կայացրել ՀԱՀ-ում հայտնաբերված կորոնավիրուսի նոր տարբերակը դասակարգել որպես անհանգստություն առաջացնող: ԱՀԿ-ն անվանել է նոր շտամը հունական «Օմիկրոն» տառով։
Արխիվային լուսանկար - Sputnik Արմենիա, 1920, 28.11.2021
Իսրայելում կորոնավիրուսը երկու վայրկյանում ոչնչացնելու միջոց են հայտնաբերել
Ավելի վաղ Եվրամիության երկրները կորոնավիրուսի նոր տարբերակի մասին լուրերի ֆոնին պայմանավորվել էին Հարավային Աֆրիկայի տարածաշրջանի 7 երկրներից ԵՄ մուտքի սահմանափակումներ սահմանել: ԱՄՆ նախագահ Ջո Բայդենը հաստատել է, որ իր երկիրը նոյեմբերի 29-ից սահմանափակել է ավիահաղորդակցությունը Աֆրիկայի ութ երկրների, այդ թվում՝ ՀԱՀ-ի հետ հետ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала