Фон для радио  - Sputnik Արմենիա, 1920
ՌԱԴԻՈ

Շատ քիչ գումար է. մանկատան նախկին սաները չեն կարողանում Երևանում բնակարան գնել

Շատ քիչ գումար է. մանկատան նախկին սաները չեն կարողանում Երևանում բնակարան գնել
Բաժանորդագրվեք
Մանկատան սաներին բնակարանների ձեռքբերման վկայականներ տրամադրելու կարգի, ինչպես նսև աշխատանք գտնելու հարցում նրանց ունեցած դժվարությունների մասին Sputnik Արմենիայի տաղավարում խոսել ենք «Մեր տուն» ՀԿ նախագահ Տիգրանուհի Կարապետյանի հետ
Պետության կողմից մանկատան սաներին տրամադրվող բնակարանների ձեռքբերման վկայագրերով, որոնց արժեքը 6 մլն 300.000 դրամ է, շահառուները կարող են բնակարաններ ձեռք բերել բացառապես Հայաստանի մարզերում։ Sputnik Արմենիայի հետ զրույցում այս մասին ասաց «Մեր տուն» ՀԿ նախագահ Տիգրանուհի Կարապետյանը։

«Երբեմն հեռավոր մարզերում բնակարաններ տրամադրելու դեպքում աղջիկները գնում են, նորից հետ գալիս, որովհետև չեն կարողանում աշխատանք գտնել։ Մարդիկ մտածում են, որ լավ, ենթադրենք` տուն ունեցանք ամեն ինչով ապահովված, բայց աշխատանք չգտանք, ինչպե՞ս պետք է պահենք այդ տունը։ Սա է ամենակարևոր հարցը»,- պատմեց նա։

Կարապետյանն ասում է, որ եղել են դեպքեր, երբ, օրինակ, իրենց խմանակալության տակ գտնվող աղջիկներից մեկը մարզերից մեկում բավականին լավ բնակարան է գնել, ժամանակավոր աշխատանք գտել, ինչ-որ ժամանակ կարողացել է անհրաժեշտ գումար վաստակել և իր կարիքները հոգալ։ Սակայն, երբ մեծահասակ կինը, որին խնամում էր, մահացել է` աղջկան չի հաջողվել նոր աշխատանք գտնել, և նա հայտնվել է ֆինանսական դժվարությունների առաջ։
Մեկ այլ դեպքում ՀԿ-ի շահառուներից մեկը բնակարան է գնել Գավառում, սակայն նորից վերադարձել է «Մեր տուն», քանի որ Երևանում էր սովորում։
Մանկատան շրջանավարտներին բնակարանի սերտիֆիկատներ տրամադրելու գործընթացը շարունակվում է
Պետության կողմից տրամադրված վկայագրերով ձեռք բերված բնակարանները շահառուները կարող են վաճառել 10 տարի այնտեղ բնակվելուց հետո միայն։ Դա է պատճառը, որ որոշ դեպքերում մանկատան սաները կա՛մ աշխատում են որոշակի գումար հավաքել, որ կարողանան իրենց հարմար բնակավայրում տուն գնել, կա՛մ էլ որոշ դեպքերում բարերարներն են աջակցում։
«$12.000-ը շատ քիչ գումար է, բայց մի կերպ ինչ-որ բան առնում են, երբեմն վարկ են վերցնում, ավելացնում այդ գումարին։ Բայց դե գոհ են։ Ասում են` որ սա էլ չլիներ, ի՞նչ էինք անելու»,- ասաց Կարապետյանը։
Детский дом в Харберде - Sputnik Արմենիա, 1920, 03.03.2021
ՄԻՊ–ը համակարգային խնդիրներ է բացահայտել Խարբերդի մանկատանը
Նշենք, որ մինչև 2005 թվականը Հայաստանի մանկատների սաներին պետությունն ապահովում էր բնակարաններով, 2005-ից ինչ-ինչ պատճառներից ելնելով` ծրագիրը դադարեցվեց։
Փաշինյանի կառավարությունը որոշեց վերականգնել երբեմնի բարի ավանդույթը և բնակարանների գնման վկայագրեր տրամադրել ոչ միայն վերջին տարիների շրջանավարտներին, այլև 18 տարին լրացած մանկատան սաներին, որոնք առնվազն 7 տարի ապրել են մանկատանը (բացառությամբ կենսաբանական ընտանիք վերադարձածների)։
Детский дом №2 им. Фритьофа Нансена, Гюмри - Sputnik Արմենիա, 1920, 13.08.2020
«Յուղոտ վերնագիր». կառավարությունը 166 բնակարան կնվիրի մանկատան շրջանավարտներին
Վկայագրերի հանձման վերջնաժամկետ է սահմանվել 2022 թվականի դեկտեմբերի 1-ը։ Դիմումների ընդունման վերջնաժամկետը 2022 թվականի հուլիսի 1-ն է։
«Մեր տունը» սոցիալական հասարակական կազմակերպությունը հիմնվել է 2006 թվականին Էջմիածնում։ Կազմակերպությունը ապաստան է տրամադրում Հայաստանում մանկատան շրջանավարտ աղջիկներին, զբաղվում նրանց կրթության հարցերով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала