«5165» շարժումը ներկայացրել է իր առաջիկա քայլերը

© SputnikԿարին Տոնոյան
Կարին Տոնոյան - Sputnik Արմենիա, 1920, 29.11.2021
Կարին Տոնոյան. Արխիվային լուսանկար
Բաժանորդագրվեք
«5165»–ից նշում են, որ Ազատագրական շարժման անդամների հետ հետագայում, ըստ անհրաժեշտության, համատեղ գործողություններով հանդես գալու հարցով որևէ խոչընդոտ չեն տեսնում։
ԵՐԵՎԱՆ, 29 նոյեմբերի – Sputnik. «5165» շարժումը, որ երեկ` նոյեմբերի 28–ին հայտարարեց Ազատագրական նախաձեռնությունից դուրս գալու և այս փուլում փողոցային պայքարից հրաժարվելու մասին, Facebook–ի իր էջում ներկայացրել է իրենց առաջիկա անելիքները և խոսել փողոցային պայքարից հրաժարվելու պատճառների մասին։
««5165 շարժման»՝ փողոցային պայքարը այս պահին քաղաքական կոնսուլտացիաների հուն տեղափոխելու և հետագայում ավելի մեծ թափով վերսկսելու որոշումը պայմանավորված է նրանով, որ գործող իշխանությունների հեռացմանը հասնելու համար անհրաժեշտ է ավելի ընդգրկուն համախմբում: Այս պահին, փողոցային պայքարից դուրս գալով, մենք չենք պառակտվում և հավատարիմ մնալով համախմբման մեր սկզբունքին՝ Ազատագրական շարժման անդամների հետ հետագայում, ըստ անհրաժեշտության, համատեղ գործողություններով հանդես գալու հարցով որևէ խոչընդոտ չենք տեսնում»,–ասված է հաղորդագրության մեջ։
Փաստաբանների պալատի նախկին նախագահ Արա Զոհրաբյանը Հանրապետության հրապարակում Ազատագրական շարժման հավաքի ժամանակ (24 նոյեմբերի, 2021թ․). Երևան - Sputnik Արմենիա, 1920, 29.11.2021
Ոչ թե պառակտում, այլ ապակենտրոն գործողություններ․ Զոհրաբյանը՝ «5165»-ի առանձնանալու մասին
«5165» շարժումն առաջիկայում իրականանցելու է հետևյալ քայլերը.
1․Նախաձեռնելու են հանդիպումներ և կոնսուլտացիաներ Հայաստանի քաղաքական դաշտի բոլոր ուժերի, հասարակական բոլոր միավորումների ու հանրային ճանաչում ունեցող անհատների հետ, ովքեր կիսում են իրենց մտահոգություններն ու համաձայն են այս պահանջին, անկախ քաղաքական հայացքներից ու միմյանց նկատմամբ ընկալումներից, համակրանքներից և հակակրանքներից:
2․Հանդիպումներ են ունենալու նաև մարզերում հասարակական կառույցների, ժողովրդի հետ: Այս գործընթացի օրակարգը կառավարության հրաժարականն է և ազգային համերաշխության ձևավորումը:

«Վստահ ենք, որ վերկուսակցական այս գործընթացի հաջողությունն այս իրավիճակից դուրս գալու միակ ճանապարհն է»,–ասված է հաղորդագրության մեջ:

Նշվում է, որ մի քանի օր տևած հանրահավաքների ժամանակ «5165» շարժումը համոզվել է, որ համախմբումն այլընտրանք չունի Հայոց պետականության գահավիժումը թույլ չտալու համար:
Հիշեցնենք, որ նոյեմբերի 28-ին «5165» շարժման առաջնորդ Կարին Տոնոյանը Facebook-ում գրառում էր արել, որով հայտնել էր, որ դուրս է գալիս 1 շաբաթ տևած «Ազատագրական շարժումից» ու իր պայքարը կշարունակի առանձին։
Նշենք` նոյեմբերի 22-ից «Ազատագրական շարժումը» բողոքի ակցիաներ և հանրահավաքներ էր իրականացնում` պահանջելով, որպեսզի Փաշինյանը հրապարակի սահմանազատման մասին փաստաթուղթը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала