Ալիևն Էրդողանին մանրամասներ է հայտնել Սոչիի եռակողմ հանդիպման մասին

© Sputnik / Пресс-служба президента Азербайджана / Անցնել ֆոտոբանկՀայաստանի վարչապետ Նիկոլ Փաշինյանի, Ռուսաստանի նախագահ Վալդիմիր Պուտինի և Ադրբեջանի նախագահ Իլհամ Ալիևի եռակողմ հանդիպումը (26 նոյեմբերի, 2021թ․). Սոչի
Հայաստանի վարչապետ Նիկոլ Փաշինյանի, Ռուսաստանի նախագահ Վալդիմիր Պուտինի և Ադրբեջանի նախագահ Իլհամ Ալիևի եռակողմ հանդիպումը (26 նոյեմբերի, 2021թ․). Սոչի - Sputnik Արմենիա, 1920, 29.11.2021
Բաժանորդագրվեք
Էրդողանի խոսքով՝ հանդիպման ժամանակ որոշվել է Արաքս գետի երկայնքով անցնող երկաթուղու և ավտոմոբիլային մայրուղու հարցը։ Բացի դա, կա նաև մինչև Իգդիր հասնող մայրուղու թեման
ԵՐԵՎԱՆ, 29 նոյեմբերի - Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ ադրբեջանցի գործընկեր Իլհամ Ալիևն իրեն պատմել է Ռուսաստանի, Ադրբեջանի ու Հայաստանի ղեկավարների՝ Սոչիում կայացած հանդիպման դրական արդյունքների մասին, տեղեկացնում է ՌԻԱ Նովոստին։
Հիշեցնենք, որ Վլադիմիր Պուտինի, Իլհամ Ալիևի ու Նիկոլ Փաշինյանի եռակողմ հանդիպումը Սոչիում տեղի է ունեցել նոյեմբերի 26-ին ու տևել է մոտ երեք ժամ։ Գործիչները մասնավորապես պայմանավորվել են մինչև տարեվերջ ստեղծել Հայաստանի ու Ադրբեջանի սահմանների դեմարկացիայի ու դելիմիտացիայի մեխանիզմներ, պայմանավորվել են քայլեր ձեռնարկել հայ-ադրբեջանական սահմանին կայունության ու անվտանգության բարձրացման ուղղությամբ։
Ալեն Սիմոնյանը Մադրիդում խոսել է ԼՂ հակամարտության ու Սոչիի հանդիպման մասին
«Ալիևը պատմել է, որ այդ հանդիպումը շատ արդյունավետ է եղել։ Այնտեղ որոշվել է Արաքս գետի երկայնքով անցնող երկաթուղու և ավտոմոբիլային մայրուղու հարցը։ Բացի դա, կա նաև մինչև Իգդիր հասնող մայրուղու թեման. դա Նախիջևանի խնդրի լուծման, ինչպես նաև Հայաստանով անցնելու հաջող քայլ կլինի. և՛ մարդիկ կարող են անցնել, և՛ բեռներ կարելի է փոխադրել»,- ասել է Էրդողանը թուրք լրագրողներին ինքնաթիռում, որով վերադառնում էր Թուրքիա Թուրքմենստան կատարած այցից հետո։
Նա հիշեցրել է Թուրքիայի առաջարկի մասին՝ բանակցել Հարավային Կովկասում իրավիճակի կարգավորման շուրջ 3+3 ձևաչափով։
«Մենք ավելի վաղ առաջարկել ենք ստեղծել «6-ի ձևաչափը»։ Ռուսաստանը, Թուրքիան, Ադրբեջանը, Հայաստանը, Իրանը, ու եթե ստացվի՝ Վրաստանը։ Եթե այդ ձևաչափը կայանա, ապա այն կարևոր խթան կդառնա տարածաշրջանի խաղաղության ու հանգստության համար»,-հավելել է Էրդողանը։
Պողոսյան. Եռակողմ հայտարարությունը վկայում է, որ Փաշինյանը ձեռքերը լվացել է Արցախից - Sputnik Արմենիա, 1920, 28.11.2021
ՌԱԴԻՈ
Սոչիի եռակողմ հայտարարությունը վկայում է, որ Փաշինյանը ձեռքերը լվացել է Արցախից. Պողոսյան
Հիշեցնենք` Սոչիում եռակողմ հանդիպումից առաջ Պուտինն առանձնազրույց է ունեցել Ալիևի հետ։ Բանակցությունները տևել են երեք ժամ։ Եռակողմ հանդիպմանը հաջորդել է Պուտին–Փաշինյան առանձնազրույցը։
ՌԴ նախագահ Վլադիմիր Պուտինը հայտարարել է, որ հաջորդ շաբաթ նոր եռակողմ հանդիպում կլինի, որի ժամանակ կներկայացվեն քննարկման որոշ արդյունքներ, հայտարարություն կարվի կայացրած որոշումների մասին։
Նշենք, որ Փաշինյանն ու Ալիևը համաձայնել են հանդիպել նաև դեկտեմբերի 15-ին Բրյուսելում ԵՄ Արևելյան գործընկերության գագաթնաժողովի շրջանակում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала