Հայաստանում պահեստազորում հաշվառված բժիշկների զորակոչ կլինի. հայտնի են ժամկետները

© Asatur YesayantsՆորակոչիկների պայուսակներ
Նորակոչիկների պայուսակներ - Sputnik Արմենիա, 1920, 29.11.2021
Նորակոչիկների պայուսակներ. Արխիվային լուսանկար
Բաժանորդագրվեք
Պահեստազորի սպայական կազմի զորակոչի շրջանակներում մինչև 2022 թվականի փետրվարի 25-ը ներառյալ կիրականացվի նաև զորացրում։
ԵՐԵՎԱՆ, 29 նոյեմբերի – Sputnik. Իրավական ակտերի նախագծերի հրապարակման կայքում ներկայացվել է որոշման նախագիծ, համաձայն որի` 2021 թվականի դեկտեմբերի 25-ից մինչև 2022 թվականի փետրվարի 25-ը ներառյալ Հայաստանի Հանրա­պետության զինված ուժերի պահեստազորի սպայական կազմում հաշվառված՝ մինչև 35 տարեկան արական սեռի բժիշկ-մասնագետների պարտադիր զինվորական ծառայության զորակոչ կլինի՝ ծառայության ժամկետը սահմանելով երկու տարի:
Որոշման մեջ սահմանված է պահեստազորի սպայական կազմի զորակոչի ենթակա անձանց թվաքանակը՝ մինչև 70 բժիշկ-մասնագետ:
Ձմեռային զորակոչ - Sputnik Արմենիա, 1920, 05.11.2021
Արցախում ձմեռային զորակոչ է սկսվել
«Պահեստազորի սպայական կազմի զորակոչի շրջանակներում մինչև 2022 թվականի փետրվարի 25-ը ներառյալ զորացրել «Զինվորական ծառայության և զինծառայողի կարգավիճակի մասին» օրենքով սահման­ված ժամկե­տում պահեստազորի սպայական կազմի պարտադիր զինվորական ծա­ռա­յու­թյուն անցած զինծառայողներին»,–ասված է նախագծում:
Պահանջվում է պահեստազորի սպայական կազմի զորակոչից խուսափող քաղաքա­ցիների տվյալներն ուղարկել Հայաստանի Հանրապետության ոստիկանության համա­պա­տասխան կառուցվածքային ստորա­բաժանումներ, իսկ զորակոչի ավարտից հետո` նրանց վերաբերյալ կազմված նյութերը ՀՀ քննչական կոմիտեի զինվորական քննչական գլխավոր վարչության համապատասխան կայազորային քննչական բաժիններ:
Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала