Լիբանանի քաղաքներում կրկին բողոքի ակցիաներ են

© Sputnik / Михаил Алаеддин / Անցնել մեդիապահոցԲեյրութ. բողոքի ակցիա
Բեյրութ. բողոքի ակցիա - Sputnik Արմենիա, 1920, 29.11.2021
Բեյրութ. բողոքի ակցիա. Արխիվային լուսանկար
Բաժանորդագրվեք
НовостиTelegram
Ազգային արժույթի փոխարժեքի հերթական խոշոր անկումն ու այդ ֆոնին տնտեսական ճգնաժամի խորացումը հանրահավաքների դրդեցին հասարակությանը։
ԵՐԵՎԱՆ, 29 նոյեմբերի - Sputnik. Լիբանանի մայրաքաղաքում և այլ քաղաքներում այսօր բողոքի ակցիաներ են: Մասնավորապես, ակտիվիստները փակել են Բեյրութի հիմնական ճանապարհները։ Ցուցարարները բողոքում են երկրում օրեցօր ահագնացող գնաճի դեմ։
Ցուցարարները քարեր, այրվող անվադողեր, աղբամաններ ու ավտոմեքենաներ են օգտագործում ճանապարհները փակելու համար։ Նրանցից շատերը հենց փողոցներում նստացույց են անում։
Տրանսպորտի երթևեկությունը կաթվածահար է եղել ոչ միայն Բեյրութում, այլև Տրիպոլիում և Սայդայում։
Բողոքի ակցիաները սկսվել են ազգային արժույթի փոխարժեքի հերթական անկման ու տնտեսական ճգնաժամի խորացման ֆոնին: Ազգային արժույթի անկումը հանգեցրել է սննդամթերքի, բենզինի, առաջին անհրաժեշտության ապրանքների գների աճին:

Հանրահավաքների հետևանքով դպրոցները և այլ ուսումնական հաստատություններ Բեյրութում փակ են, խաթարվել է պետական հաստատությունների, մասնավոր ընկերությունների, առևտրային կենտրոններ աշխատանքը։

Ցուցարարների և ուժայինների միջև բախումներին գործը դեռ չի հասել։
Ավելի վաղ Լիբանանի նախագահ Միշել Աունն ասել էր, որ երկրում քաղաքացիական պատերազմի (1975-1991) սցենարը չի կրկնվի: Նա վստահեցրել է, որ իրավիճակը իշխանությունների վերահսկողության տակ է։
Լրահոս
0