Фон для радио  - Sputnik Արմենիա, 1920
ՌԱԴԻՈ

Տուրիզմի ոլորտը կզրկվի հնարավորություններից. Ապրեսյանը` նոր սահմանափակումների մասին

Ապրեսյան. Համավարակի սահմանափակումների հարցը պետք է քննարկել մեր ոլորտի մասնագետների հետ
Բաժանորդագրվեք
Տուրիզմի հայկական ֆեդերացիայի նախագահ Մեխակ Ապրեսյանը Sputnik Արմենիայի եթերում ասել է, թե համավարակով պայմանավորված նոր սահմանափակումները ինչ ազդեցություն կարող են ունենալ տուրիզմի վրա։
Սահմանափակումները ցանկալի չեն զբոսաշրջության համար, բայց եթե դրանք սահմանվում են անվտանգության նկատառումներից ելնելով, ապա պետք է գտնել լավագույն լուծումը, և նմանատիպ հարցերը հանգամանորեն քննարկել ոլորտի պատասխանատուների ու ներկայացուցիչների հետ։ Sputnik Արմենիայի հետ զրույցում նման տեսակետ հայտնեց Տուրիզմի հայկական ֆեդերացիայի նախագահ Մեխակ Ապրեսյանը։

«Գուցե հնարավոր լինի գտնել օպտիմալ տարբերակ։ Հունվարի մեկից Հայաստանում գործելու են նոր սահմանափակումներ, օրինակ`ռեստորաններ կարող են այցելել պատվաստված կամ բացասական թեստ ունեցող մարդիկ։ Սա նույնպես բացասաբար կազդի զբոսաշրջության վրա` խնդիրներ հարուցելով ՀՀ ժամանողների համար, որոնք ուզում են այստեղ հնարավորինս ազատ լինել։ Եթե հաշվարկել են, որ դա միակ միջոցառումն է, որը կապահովի անվտանգությունը, առարկություն չունենք, թեև որոշակի վերապահումներ կան»,– ասաց Տուրիզմի հայկական ֆեդերացիայի նախագահը։

Ապրեսյանի դիտարկմամբ` զբոսաշրջային սեզոնը ձմռան ամիսներին նախորդ տարիների համեմատ ակտիվանում էր, շատերն Ամանորը նշում էին Հայաստանում, սակայն նոր սահմանափակումները տուրիզմի ոլորտին զրկում են հնարավորություններից, մինչդեռ ոլորտը վերականգնելու և ընդհանրապես տնտեսությունը զարգացնելու համար, փորձագետի խոսքով, անհրաժեշտ է որոշակի աշխուժություն ապահովել։
Տուրիզմի հայկական ֆեդերացիայի նախագահի պնդմամբ` չարժե արտերկրում կիրառվող բոլոր սահմանափակումները նույնությամբ կիրառել Հայաստանում, առավել ևս, որ մեր երկրում մարդիկ իրենց համեմատաբար ազատ զգալու առումով Հայաստանը համարում էին գրավիչ։ Ըստ նրա` արտասահմանցիների պարագայում ՀՀ ժամանելու համար միանշանակ բավարար է պատվաստված լինելու կամ բացասական թեստ ներկայացնելու հանգամանքը, և զբոսաշրջիկները հիմնականում հետևում են այդ պահանջներին։
Չենք հնազանդվի կործանարար որոշումներին. «Ռեստորանների ասոցացիան»` Ավանեսյանի ասածի մասին
Նշենք` ՀՀ առողջապահության նախարար Անահիտ Ավանեսյանն այսօր հայտարարել է, որ իր ղեկավարած գերատեսչությունը նախատեսում է որոշ սահմանափակումներ կիրառել ՀՀ մուտք գործող այն երկրների քաղաքացիների համար, որտեղ հայտնաբերվել է կորոնավիրուսի նոր` «օմիկրոն» շտամը։ Նրա խոսքով` նախատեսվում է արգելել Հարավաֆրիկյան Հանրապետությունից, Բոտսվանայից, Լեսոտոյից, Նամիբիայից, Զիմբաբվեից, Մոզամբիկից, Մադագասկարից և Տանզանիայից քաղաքացիների մուտքը ՀՀ։
Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 189-ով և դարձել 338120: Վերջին մեկ օրում կորոնավիրուսից մահացել է 21 մարդ, վարակի զոհ դարձածների ընդհանուր թիվը 7535 է։
Կորոնավիրուսով վարակված 23 քաղաքացի է մահացել, որոնք պատվաստված են եղել. Ավանեսյան
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала