Фон для радио  - Sputnik Արմենիա, 1920
ՌԱԴԻՈ

Վիրուսը շարունակում է մուտացվել. որն է համավարակով պայմանավորված մահերի կրճատման ճանապարհը

Վիրուսը շարունակում է մուտացվել. ո՞րն է համավարակով պայմանավորված մահերի կրճատման ճանապարհը
Բաժանորդագրվեք
Yandex newsTelegram
Համաճարակաբան Արման Բադալյանը Sputnik Արմենիայի եթերում խոսել է կորոնավիրուսի դեմ պատվաստումների երրորդ դեղաչափի կիրառման մասին։
Հայաստանում կորոնավիրուսի դեմ վերապատվաստումը պետք է իրականացնել առավելագույնս արագ և մասսայական, հակառակ դեպքում դատապարտված կլինենք պարբերաբար` որոշակի ժամանակը մեկ պատվաստվելու։ Sputnik Արմենիայի հետ զրույցում ասաց համաճարակաբան Արման Բադալյանը։
«Աշխարհով մեկ վիրուսը շարունակում է մուտացվել, իսկ մեր հիմնական խնդիրն այն է, որ վիրուսը հնարավորինս քիչ շրջանառվի։ Այդ արդյունքին աշխարհով մեկ դժվար են հասնում կամ չեն հասնում, բայց չմոռանանք, որ յուրաքանչյուր դեղաչափ ավելի է խթանում այդ հակամարմինների առաջացմանը»,- ասաց նա։
Համաճարակաբանի կարծիքով` վերապատվաստումը թույլ կտա հնարավորինս կրճատել համավարակով պայմանավորված մահերի ցուցանիշը։ Բադալյանը վստահ է, որ ռեվակցինացված քաղաքացիների վիճակը հիմնականում թեթև կամ միջին ծանրության է լինում, սակայն չի բացառում նաև, որ եզակի դեպքերում անգամ երրորդ դեղաչափը ստացած քաղաքացիները կարող են ծանր կամ ծայրահեղ ծանր ախտորոշում ունենալ։
Ռեստորան, Երևան - Sputnik Արմենիա, 1920, 29.11.2021
Չենք հնազանդվի կործանարար որոշումներին. «Ռեստորանների ասոցացիան»` Ավանեսյանի ասածի մասին
«Մեր խնդիրը ծանր, ծայրահեղ ծանր դեպքերի և մահերի կանխարգելումն է, այդ առումով պատվաստանյութը լավ աշխատում է։ Մնացած դեպքերում` թեթև, միջին ասիպտոմ, արդեն կարող է այդ էֆեկտիվությունը չունենալ, մանավանդ դելտայի պարագայում։ Մեզանից պահանջվում է ապացուցել, որ հերթական դեղաչափն առավելագույնս անվտանգ է»,- նշեց Բադալյանը։
Նշենք, որ ՀՀ առողջապահության նախարար Անահիտ Ավանեսյանը նոյեմբերի 25-ին լրագրողների հետ զրույցում նշել էր, որ կորոնավիրուսի դեմ երկու դեղաչափ ստացած քաղաքացիները կարող են վերապատվաստվել (երրորդ դեղաչափ ստանալ) 6 ամիս հետո։ Իսկ մինչ այդ Ավանեսյանը հայտարարել էր, որ վերապատվաստումների իրականացման կարգի և ժամկետների վերաբերյալ պաշտոնական դիրքորոշում չկա, այդ հարցը դեռ քննարկվում է։
Լրահոս
0