https://arm.sputniknews.ru/20211130/35-tarva-dadar-erevanum-khnchen-stas-namini-steghtsagvortsutjunnery-35894584.html
35 տարվա դադար․ Երևանում կհնչեն Ստաս Նամինի ստեղծագործությունները
35 տարվա դադար․ Երևանում կհնչեն Ստաս Նամինի ստեղծագործությունները
Sputnik Արմենիա
Համերգի կազմակերպիչներն ասացին՝ ով է գաղափարի հեղինակն ու ինչ ծրագրեր կան Նամինի մասնակցությամբ մոտ ապագայում: 30.11.2021, Sputnik Արմենիա
2021-11-30T17:09+0400
2021-11-30T17:09+0400
2021-11-30T17:14+0400
հայաստան
համերգ
ֆիլհարմոնիկ նվագախումբ
էդուարդ թոփչյան
ստաս նամին
https://cdn.am.sputniknews.ru/img/07e5/0b/1e/35890827_0:137:1600:1037_1920x0_80_0_0_2f4edcb099f8d85f8a3a3c5376ab34be.jpg
ԵՐԵՎԱՆ, 30 նոյեմբերի - Sputnik. Հայաստանի ազգային ֆիլհարմոնիկ նվագախումբը աշնան վերջին օրը կնվագի ռուս երաժիշտ ու կոմպոզիտոր Ստաս Նամինի սիմֆոնիկ ստեղծագործությունները: Տեղեկությունը Sputnik Արմենիա մուլտիմեդիոն մամուլի կենտրոնում հայտնեց Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը։Համերգի ծրագրում ընդգրկված են «Աշունը Պետերբուրգում» սիմֆոնիկ սյուիտը և «Արատները և սերը» բալետի երաժշտությունը։ Հատկանշական է, որ համերգի նախաձեռնողը ոչ թե ՀՀ ԿԳՄՍ նախարարությունն է կամ որևէ համերգասրահ, այլ ամենասովորական բժիշկ Վահան Վարդապետյանը։ Նա Նամինի ընկերն է, ինչ-որ ժամանակ ծանոթացրել է նրան կոմպոզիտոր Օհան Դուրյանի հետ, որին երաժիշտը համարում է իր երկրորդ ուսուցիչը։ Այս անգամ էլ բժիշկը որոշել է օգտագործել կապերն ու ծանոթացնել Թոփչյանին Նամինի հետ։«Որոշեցինք օգտագործել այդ ծանոթությունը և համերգը նվիրել լեգենդար երաժշտի և կոմպոզիտորի 70-ամյակին։ Մեզ համար մեծ պատիվ է Լոնդոնի սիմֆոնիկ նվագախմբից հետո կատարել նրա սիմֆոնիան», - նշեց Թոփչանը։Նամինն ասաց, որ տպավորված է հայկական նվագախմբի կատարմամբ։ Նրա համոզմամբ, հայ երաժիշտները իր ստեղծագործությունը կատարում են լավագույն մակարդակով, որը կարելի է համեմատել Վալերի Գերգիևի ղեկավարությամբ Մարիինյան թատրոնի սիմֆոնիկ նվագախմբի մակարդակի հետ:«Հայաստանի հետ տարօրինակ հարաբերություններ ունեմ։ Ես այստեղ չեմ ծնվել, չեմ ապրել ու հայերեն չեմ խոսում։ Բայց 1981 թվականին, երբ ինձ շատ էին նեղում, եկա «Հայհամերգում» աշխատելու և փառատոն անցկացրեցի... 35 տարի ինձ Հայաստանում ընդհանրապես չէին հիշում», - ասաց նա։ «Սա քաղաքականության հարց չէ». Ստաս Նամինը` նոր ֆիլմի և որդու հետ Արցախ մեկնելու մասինՀենց Sputnik Արմենիայի մամուլի կենտրոնում Թոփչյանն ու Նամինի մոտ գաղափար առաջացավ՝ 1981 թվականի փառատոնի 40-ամյակին նվիրված համերգ կազմակերպել և հրավիրել հայտնի ռոք աստղերին, այդ թվում՝ «ԴԴՏ» խմբի ղեկավար Յուրի Շևչուկին։ Երկու երաժիշտները խոստացել են լրջորեն մտածել դրա մասին։Նշենք, որ Նամինը Երևան է ժամանել նոյեմբերի 29-ին։ Նա մասնակցել է «Անաստաս Միկոյան-126» ֆոտոցուցահանդեսի բացմանը, ինչպես նաև իր պապի գործունեությանը նվիրված համաժողովին (Ստաս Նամինը Անաստաս Միկոյանի թոռն է - խմբ.):
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, համերգ, ֆիլհարմոնիկ նվագախումբ, էդուարդ թոփչյան, ստաս նամին
հայաստան, համերգ, ֆիլհարմոնիկ նվագախումբ, էդուարդ թոփչյան, ստաս նամին
35 տարվա դադար․ Երևանում կհնչեն Ստաս Նամինի ստեղծագործությունները
17:09 30.11.2021 (Թարմացված է: 17:14 30.11.2021) Համերգի կազմակերպիչներն ասացին՝ ով է գաղափարի հեղինակն ու ինչ ծրագրեր կան Նամինի մասնակցությամբ մոտ ապագայում:
ԵՐԵՎԱՆ, 30 նոյեմբերի - Sputnik. Հայաստանի ազգային ֆիլհարմոնիկ նվագախումբը աշնան վերջին օրը կնվագի ռուս երաժիշտ ու կոմպոզիտոր Ստաս Նամինի սիմֆոնիկ ստեղծագործությունները: Տեղեկությունը
Sputnik Արմենիա մուլտիմեդիոն մամուլի կենտրոնում հայտնեց Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը։
Համերգի ծրագրում ընդգրկված են «Աշունը Պետերբուրգում» սիմֆոնիկ սյուիտը և «Արատները և սերը» բալետի երաժշտությունը։ Հատկանշական է, որ համերգի նախաձեռնողը ոչ թե ՀՀ ԿԳՄՍ նախարարությունն է կամ որևէ համերգասրահ, այլ ամենասովորական բժիշկ Վահան Վարդապետյանը։ Նա Նամինի ընկերն է, ինչ-որ ժամանակ ծանոթացրել է նրան կոմպոզիտոր Օհան Դուրյանի հետ, որին երաժիշտը համարում է իր երկրորդ ուսուցիչը։ Այս անգամ էլ բժիշկը որոշել է օգտագործել կապերն ու ծանոթացնել Թոփչյանին Նամինի հետ։
«Որոշեցինք օգտագործել այդ ծանոթությունը և համերգը նվիրել լեգենդար երաժշտի և կոմպոզիտորի 70-ամյակին։ Մեզ համար մեծ պատիվ է Լոնդոնի սիմֆոնիկ նվագախմբից հետո կատարել նրա սիմֆոնիան», - նշեց Թոփչանը։
Նամինն ասաց, որ տպավորված է հայկական նվագախմբի կատարմամբ։ Նրա համոզմամբ, հայ երաժիշտները իր ստեղծագործությունը կատարում են լավագույն մակարդակով, որը կարելի է համեմատել Վալերի Գերգիևի ղեկավարությամբ Մարիինյան թատրոնի սիմֆոնիկ նվագախմբի մակարդակի հետ:
«Հայաստանի հետ տարօրինակ հարաբերություններ ունեմ։ Ես այստեղ չեմ ծնվել, չեմ ապրել ու հայերեն չեմ խոսում։ Բայց 1981 թվականին, երբ ինձ շատ էին նեղում, եկա «Հայհամերգում» աշխատելու և փառատոն անցկացրեցի... 35 տարի ինձ Հայաստանում ընդհանրապես չէին հիշում», - ասաց նա։
Հենց
Sputnik Արմենիայի մամուլի կենտրոնում Թոփչյանն ու Նամինի մոտ գաղափար առաջացավ՝ 1981 թվականի փառատոնի 40-ամյակին նվիրված համերգ կազմակերպել և հրավիրել հայտնի ռոք աստղերին, այդ թվում՝ «ԴԴՏ» խմբի ղեկավար Յուրի Շևչուկին։ Երկու երաժիշտները խոստացել են լրջորեն մտածել դրա մասին։
Նշենք, որ Նամինը Երևան է ժամանել նոյեմբերի 29-ին։ Նա մասնակցել է «Անաստաս Միկոյան-126» ֆոտոցուցահանդեսի բացմանը, ինչպես նաև իր պապի գործունեությանը նվիրված համաժողովին (Ստաս Նամինը Անաստաս Միկոյանի թոռն է - խմբ.):
