Фон для радио  - Sputnik Արմենիա, 1920
ՌԱԴԻՈ

Ազատագրական շարժումը հենց սկզբից շեղվեց իր հռչակած գաղափարներից. քաղաքագետ

Հարությունյան. «Ընդդիմադիր քաղաքական ուժերը 2020 –ի նոյեմբերի 9-ից հետո չեն կարողանում հանդես գալ մեկ ճակատով»
Բաժանորդագրվեք
Քաղաքագետ Մովսես Հարությունյանը Sputnik Արմենիայի եթերում անդրադարձել է ներհայաստանյան քաղաքական զարգացումներին և այդ համատեքստում, մասնավորապես, «Ազատագրական շարժում» նախաձեռնությանը։
Ազատագրական շարժումը նախ հայտարարեց, որ իր նպատակները հասարակական են ու քաղաքական շահ չի հետապնդում, սակայն մեկնարկից ընդամենն օրեր սկսեց պահանջել իշխանության կոնկրետ ներկայացուցիչների հրաժարականը, Sputnik Արմենիայի հետ զրույցում նման կարծիք հայտնեց քաղաքագետ Մովսես Հարությունյանը։
«Շարժումն ի սկզբանե ուներ քաղաքական բնույթ, պարզապես նրա ներկայացուցիչները փորձում են քողարկվել հասարակական շարժման ներքո` նախապես ունենալով հստակ քաղաքական նպատակներ»,– նշեց քաղաքագետը։
ԱԱԾ պահեստազորի սպաների միությունը միանում է «Ազատագրական շարժման» պահանջներին
Հարությունյանի կարծիքով` թեև շարժման հետևում չկան կոնկրետ քաղաքական ուժեր, որոնք կարող էին ուղղորդել նախաձեռնողներին, բայց և այնպես տարբեր քաղաքական ուժեր տարբեր անհատ գործիչների միջոցով ձգտում են ազդեցություն ունենալ այդ շարժման վրա։
Ըստ նրա` Ազատագրական շարժման ներկայացուցիչները փորձում են հասարակական ընդվզում առաջացնել և այն գեներացնել փողոցային պայքարի տեսքով, որում կներգրավվեն մեծ թվով մարդիկ, բայց հետագայում ինչ–որ պահից սկսած` շարժումը կգլխավորի քաղաքական լիդերներից մեկը։
«Ընթացքում շարժման մեջ տեսանք առանձին քաղաքական դեմքերի, ովքեր ունեն ընդգծված ընդդիմադիր կողմնորոշում և հայտնի, արդեն իսկ գործող քաղաքական միավորների շարքում են։ Եթե նախաձեռնության հեղինակներն ուզում էին, որ շարժումը մնա հասարակական, ապա պետք է արգելեին այդ մարդկանց թեկուզ ոչ ակտիվ ներգրավումը նույնիսկ քայլարշավներում»,– ասաց քաղաքագետը։
Մետրոյի «Երիտասարդական» կայարան, արխիվային լուսանկար - Sputnik Արմենիա, 1920, 24.11.2021
«Նահանջել չկա». Ազատագրական շարժման անդամներին մետրոյի մոտից տարել են ոստիկանություն
Անդրադառնալով կոնկրետ «5165» շարժման հայտարարությանը, ըստ որի` այն գործելու է առանձին, Հարությունյանն ընդգծեց, որ դա խոսում է արատների մասին, որոնք առկա են մեր քաղաքական դաշտում։ Ըստ նրա` հատկապես ընդդիմադիր քաղաքական միավորները 2020 թվականի նոյեմբերի 9-ից հետո չեն կարողանում միասնաբար, մեկ ճակատով հանդես գալ, նրանց մոտ պառակտումները կրում են պարբերական բնույթ։ Պատճառը, ըստ քաղաքագետի, լիդերի բացակայությունն է։
Հարությունյանի դիտարկմամբ` Ազատագրական շարժումը փորձում է կիրառել 2018 թվականին գործարկված տեխնոլոգիաները և դրանք համադրել նոր մոտեցումներով, որպեսզի ցանկալի արդյունք ստանա, սակայն շարժումը հենց մեկնարկից գնում է պառակտման, ինչն անհնարին է դարձնում նպատակների իրագործումը։
Առանց փողոցի ոչինչ չի ստացվի․ Վազգեն Մանուկյանը՝ շարժմանը միանալու մասին
Հիշեցնենք, որ նոյեմբերի 28-ին «5165» շարժման առաջնորդ Կարին Տոնոյանը հայտարարել էր, որ դուրս է գալիս «Ազատագրական շարժում» նախաձեռնությունից ու պայքարը կշարունակի առանձին։
Նշենք` նոյեմբերի 22-ից «Ազատագրական շարժումը» բողոքի ակցիաներ և հանրահավաքներ էր իրականացնում` պահանջելով, որպեսզի Փաշինյանը հրապարակի սահմանազատման մասին փաստաթուղթը, իսկ նոյեմբերի 28-ին պահանջեց ՀՀ վարչապետ Նիկոլ Փաշինյանի ու ՀՀ նախագահ Արմեն Սարգսյանի հրաժարականը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала