Սյունիքում 6–ամյա երեխային վրաերթի ենթարկած տրակտորավարը վարորդական իրավունք չի ունեցել

© Andranik GhazaryanСтарый УАЗ-ик и трактор в сельском дворе
Старый УАЗ-ик и трактор в сельском дворе - Sputnik Արմենիա, 1920, 01.12.2021
Բաժանորդագրվեք
Տրակտորավարն անզգուշությամբ վրաերթի է ենթարկել վեցամյա աղջկան, որի հետևանքով երեխան մահացել է։
ԵՐԵՎԱՆ, 1 դեկտեմբերի - Sputnik. ՀՀ քննչական կոմիտեի Սյունիքի մարզային քննչական վարչությունում ավարտվել է տրակտորավարի կողմից վեցամյա երեխային վրաերթի ենթարկելու դեպքի առթիվ հարուցված քրեական գործի նախաքննությունը: Տեղեկությունը հայտնում է ՔԿ մամուլի ծառայությունը։
Քննությամբ պարզվել է, որ Սյունիքի մարզի բնակիչը, չունենալով մեխանիկական տրանսպորտային միջոցներ վարելու համապատասախան թույլտվություն և վարորդական իրավունք, սեպտեմբերի 16-ին, «Մեղրի ՃՇՇՁ» ՍՊ ընկերությանը պատկանող մեխանիկական տրանսպորտային միջոց համարվող «CLG-856» մակնիշի տրակտորը հետընթաց վարելով, վրաերթի է ենթարկել վեցամյա աղջկան, որի հետևանքով երեխան մահացել է։
Քննչական կոմիտե - Sputnik Արմենիա, 1920, 01.12.2021
12 և 10 տարեկանների նկատմամբ անառակաբարո գործողություններ կատարած տղամարդը կալանավորվել է
Տրակտորավարին մեղադրանք է առաջադրվել՝ ՀՀ քրեական օրենսգրքի 242-րդ հոդվածի 2-րդ մասով (Ճանապարհային երթևեկության կամ տրանսպորտային միջոցների շահագործման կանոնները խախտելը, որը անզգուշությամբ պատճառել է մարդու մահ)։
Նախաքննությունն ավարտվել է, և քրեական գործը` մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է հսկողություն իրականացնող դատախազին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала