ԵԱՏՄ–ին ինտեգրումը լիարժեք չի լինի առանց առևտրում ազգային արժույթի ավելացման. Գրիգորյան

© Sputnik / Asatur YesayantsՄհեր Գրիգորյանն ու Նիկոլ Փաշինյանը
Մհեր Գրիգորյանն ու Նիկոլ Փաշինյանը - Sputnik Արմենիա, 1920, 02.12.2021
Մհեր Գրիգորյանն ու Նիկոլ Փաշինյանը. Արխիվային լուսանկար
Բաժանորդագրվեք
ԵԱՏՄ շրջանակում երրորդ արժույթից կախվածությունը, ըստ ՀՀ փոխվարչապետի, լուրջ ծախսեր է ենթադրում կոնվերտացիայի պատճառով։
ԵՐԵՎԱՆ, 2 դեկտեմբերի – Sputnik. Ինտեգրումը ԵԱՏՄ շրջանակում լիարժեք չի լինի առանց առևտրում ազգային արժույթի մասնաբաժնի փոխադարձ ավելացման։ Եվրասիական երկրորդ կոնգրեսի ժամանակ իր ելույթում այս մասին ասաց ՀՀ փոխվարչապետ Մհեր Գրիգորյանը։
Նրա խոսքով` ԵԱՏՄ շրջանակում առևտրում ազգային արժույթի մասնաբաժնի ավելացումը շատ կարևոր հարց է։

«Ինտեգրումը լիարժեք չի լինի առանց մեր առևտրում ազգային արժույթի մասնաբաժնի զարգացման և ավելացման», – ասաց Գրիգորյանը։

Սկզբունքորեն, ըստ նրա, ԵԱՏՄ բոլոր երկրների արժույթները փոփոխական են, և վերոնշյալ խնդրի լուծմանը հարկավոր է «ռազմավարական ուշադրություն» դարձնել։
Նա նշեց, որ հաշվարկային համակարգի ճիշտ կառուցման դեպքում հարթակ կձևավորվի իրացվելիության տեսքով ազգային արժույթների որոշակի կենտրոնացման համար։
Главный экономист ЕАБР и Евразийского фонда стабилизации и развития Евгений Винокуров - Sputnik Արմենիա, 1920, 02.12.2021
Հայաստանի պետական պարտքը մտահոգիչ չէ, բայց նոր վարկ վերցնել խորհուրդ չի տրվում. Վինոկուրով
Դա իր հերթին կարող է առիթ հանդիսանալ Միության ներսում խթանող գործիքներ ստեղծելու համար։
«Դա մեծ դեր կունենա համագործակցային գործընթացների և առևտրի խթանման առումով։ Երկու դեպքում էլ գործիքակազմ է անհրաժեշտ, որի «դիզայնը» մեր երկրների ազգային արժույթներում է։ Այնուհետև կլինեն փուլեր, որոնք աստիճանաբար արդյունքներ ցույց կտան », – նշեց Գրիգորյանը։
Այդ ամենը կազդի ԵԱՏՄ երկրներից ներմուծվող ապրանքների և ծառայությունների մրցունակության բարձրացման վրա։ Կախվածությունը երրորդ արժույթից առևտրում լուրջ ծախսեր է ենթադրում։ Դա հանգեցնում է նրան, որ ապրանքների և ծառայությունների պահանջարկն ընկնում է կոնվերտացիայի ծախսերի պատճառով։
Փոխվարչապետի կարծիքով` Եվրասիական զարգացման բանկը պոտենցիալ հարթակներից մեկն է, որը կարող է կառուցել այդ համակարգը։ Սկզբում, ըստ Գրիգորյանի, այն պետք է կոմերցիոն լինի։

«Կարծում եմ, որ Եվրասիական զարգացման բանկի շրջանակում և հարթակում կկարողանանք գործարկել և զարգացնել ռազմավարական այս նախաձեռնությունը։ ԵԱԶԲ–ն բավական ֆունդամենտալ քայլեր է արել այդ առաքելության կատարմանը նախապատրաստվելու համար», – նշեց ՀՀ փոխվարչապետը։

ԵԱԶԲ–ի վարչության նախագահ Նիկոլայ Պոդգուզովն իր հերթին նշեց, որ բանկը մտադիր է վճարահաշվարկային ենթակառուցվածքի իր հնարավորություններն առաջարկել որպես ԵԱՏՄ տարածքում հաշվարկների իրականացման հնարավորություններից մեկը։
Եվրասիական երկրորդ կոնգրեսն անցկացվում է Մոսկվայում դեկտեմբերի 2-ին, կազմակերպիչը Եվրասիական զարգացման բանկն է` ՌԴ կառավարության աջակցմամբ։
Փոխվարչապետ Մհեր Գրիգորյանն ընդունել է Եվրասիական տնտեսական հանձնաժողովի ինտեգրացիայի և մակրոտնտեսության հարցերով նախարար Սերգեյ Գլազևին (22 նոյեմբերի, 2021թ․). Երևան - Sputnik Արմենիա, 1920, 22.11.2021
Մհեր Գրիգորյանն ու Սերգեյ Գլազևը քննարկել են ԵԱՏՄ համագործակցությանն առնչվող հարցեր
Այս տարի կոնգրեսի շրջանակում քննարկման հիմնական թեմաններն են դարձել բիզնեսի, ԵԱՏՄ+–ի ներուժի բացահայտմանն ուղղված զարգացման և պետական-մասնավոր ինստիտուտների գործընկերության դերի բարձրացումը, տրանսպորտի և լոգիստիկայի, ջրային և էներգետիկ համալիրի, պարենային անվտանգության ապահովման ոլորտում առանցքային ենթակառուցվածքային միջպետական նախագծերը, կայուն զարգացման նպատակներին հասնելու բնագավառում առաջնահերթ հարցերը, «կանաչ» ֆինանսավորման մեխանիզմները և ESG–նախագծերը, ինչպես նաև պետությունների թվային տրանսֆորմացիան։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала