https://arm.sputniknews.ru/20211202/hajastany-hjusis-harav-mtm-i-shrjanakum-arajzhm-zijum-e-adrbejanin-35981568.html
Հայաստանը «Հյուսիս-Հարավ» ՄՏՄ-ի շրջանակում առայժմ զիջում է Ադրբեջանին
Հայաստանը «Հյուսիս-Հարավ» ՄՏՄ-ի շրջանակում առայժմ զիջում է Ադրբեջանին
Sputnik Արմենիա
Միջազգային տրանսպորտային միջանցքը ներառում է երկաթուղային, ավտոմոբիլային, օդային, ծովային և գետային տրանսպորտի ենթակառուցվածքները: Այն պետք է կապի սկանդինավյան... 02.12.2021, Sputnik Արմենիա
2021-12-02T20:26+0400
2021-12-02T20:26+0400
2021-12-03T14:08+0400
հայաստան
ադրբեջան
«հյուսիս–հարավ» ավտոճանապարհ
եվրասիական զարգացման բանկ (եազբ)
տրանսպորտային միջանցք
https://cdn.am.sputniknews.ru/img/1331/93/13319349_0:0:1600:901_1920x0_80_0_0_e987adb26e88a6235a405e136119bb2a.jpg
ԵՐԵՎԱՆ, 2 դեկտեմբերի – Sputnik, Դավիթ Գալստյան. Ադրբեջանը Հայաստանից առաջ է անցել «Հյուսիս - Հարավ» միջազգային տրանսպորտային միջանցքը տարանցիկ երկրներից դառնալու ճանապարհին։Նոյեմբերի 30-ին Եվրասիական զարգացման բանկը հրապարակել է «Հյուսիս-Հարավ» միջազգային տրանսպորտային միջանցքով բեռնափոխադրումների զգալի ներուժը և զուգակցումը եվրասիական լայն միջանցքներին» խորագրով նոր հետազոտությունը: Բանկը գնահատել է միջազգային տրանսպորտային միջանցքի (ՄՏՄ) ներուժը բացվող նոր հնարավորությունների ֆոնին: Դրանց թվում են Հնդկաստանի, Իրանի և Հարավային Ասիայի ու Պարսից ծոցի այլ երկրների հետ ԵԱՏՄ փոխգործակցության ակտիվացումը, «Հյուսիս — Հարավ» ՄՏՄ-ի համակցման զգալի ներուժի առկայությունը լայն տրանսպորտային երթուղիների հետ, թվայնացման գործընթացների արագացումը և կլիմայական օրակարգի գերակայությունը: «Հյուսիս-Հարավ» մուլտիմոդալ ՄՏՄ-ն կապում է սկանդինավյաներկրներն ու ԵԱՏՄ հյուսիս-արևմտյան մասը Պարսից ծոցի և Հնդկական օվկիանոսի պետությունների հետ Կովկասի և Միջին Ասիայի երկրների միջոցով: Միջանցքը ներառում է երկաթուղային, ավտոմոբիլային, օդային, ծովային և գետային տրանսպորտի ենթակառուցվածքները։ Այս պահին կա միջանցքի երեք հիմնական ճյուղ՝ 1) Արևմտյան, Կասպից ծովի արևմտյան ափով Ռուսաստանի և Ադրբեջանի տարածքով, 2) Արևելյան, Կասպից ծովի արևելյան ափով Ղազախստանի և Թուրքմենստանի տարածքով, 3) Տրանսկասպյան, Կասպից ծովում լաստանավայինև կոնտեյներային գծերի միջոցով:Հայաստանը քարտեզի վրա դուրս է այդ բոլոր երթուղիներից։ԵԱԶԲ-ի վարչության նախագահը խոսել է Հայաստանում արվող 300 մլն դոլարի ներդրման մասինՍակայն զեկույցում նշվում է, որ «Հյուսիս-Հարավ» տրանսպորտային միջանցքի իրականացումըև Հայաստանի միացումն այդ նախագծին կդարձնի նրան կարևոր տարանցիկ հանգույց ու կընդլայնի ելքը դեպի արտաքին շուկաներ:Եվրասիական զարգացման բանկի ու Կայունացման և զարգացման եվրասիական հիմնադրամի գլխավոր տնտեսագետ Եվգենի Վինոկուրովը չի բացառում, որ Հայաստանը, այնուամենայնիվ, կարող է միանալ միջանցքին: Մոսկվայում Եվրասիական երկրորդ կոնգրեսի շրջանակում Sputnik Արմենիայի հարցին պատասխանելով՝ նա երկու տարբերակ ներկայացրեց, երկուսն էլ կապված են Հայաստանում«Հյուսիս-Հարավ» համանուն ճանապարհի շինարարության ավարտի հետ:«Հյուսիս-Հարավ» ավտոմոբիլային միջանցքի շինարարությունը Հայաստանում ներուժ կստեղծի Իրան-Հայաստան-Վրաստան առանցքով, այնուհետև ԵՄ նավահանգիստներով փոխադրումների համար։ Կամ Մոսկվայի ու Թբիլիսիի հարաբերությունների բարելավման դեպքում Իրան-Հայաստան-Վրաստան առանցքով՝ Ռազմավիրական ճանապարհով դեպի Ռուսաստան», - ասաց Վինոկուրովը։ Այդ գաղափարները քննարկվում են, բայց առայժմ Ադրբեջանն ավելի իրատեսական է թվում։ Նրանք ընդամենը պետք է ավարտին հասցնեն Ռեշտ-Աստարա երկաթգիծը և պայմանավորվեն «միջանցիկ սակագնի» մասին։Խոսելով միջանցքների կարևորության մասին՝ Վինոկուրովը նշեց, որ աշխարհում ընդունված է համարել, որ դեպի ծով ելք չունեցող երկրները կորցնում են ՀՆԱ-ի մինչև 1,5 տոկոսը և պոտենցիալ առևտրի մինչև 30 տոկոսը վատ լոգիստիկայի պատճառով:ԵԱԶԲ-ի վարչության նախագահ Նիկոլայ Պոդգուզովն իր հերթին զեկույցումՀայաստանի բացակայության մասին հարցին ի պատասխան ասաց, որ բոլոր տարբերակները կքննարկվեն:«Հյուսիս-հարավ» նախագիծը Հայաստանը կարևոր տարանցիկ հանգույց կդարձնի․ ԵԱԶԲ զեկույցը«Սա դեռ վերլուծական նյութ է։ Թե ինչպես կզարգանա նախագիծը, բավական դժվար է ասել։ Մենք գտնվում ենք աշխատանքի հիմնական ուղղությունների կառուցման և որոշման փուլում», - ասաց Պոդգուզովը։Նրա խոսքով՝ ամեն ինչ պետք է կազմակերպվի այնպես, որ հնարավոր լինի նախագծի իրականացման համար ֆինանսավորում ներգրավել։ Ընդ որում, բանկի բաժնետեր-երկրներին պետք է կարևոր դեր հատկացվի։
https://arm.sputniknews.ru/20211118/pashinjany-evrasiakan-integrumy-hajastani-arajnahertutjunneric-mekn-e-hamarum-35493978.html
ադրբեջան
«հյուսիս–հարավ» ավտոճանապարհ
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, «հյուսիս–հարավ» ավտոճանապարհ, եվրասիական զարգացման բանկ (եազբ), տրանսպորտային միջանցք
հայաստան, ադրբեջան, «հյուսիս–հարավ» ավտոճանապարհ, եվրասիական զարգացման բանկ (եազբ), տրանսպորտային միջանցք
Հայաստանը «Հյուսիս-Հարավ» ՄՏՄ-ի շրջանակում առայժմ զիջում է Ադրբեջանին
20:26 02.12.2021 (Թարմացված է: 14:08 03.12.2021) Միջազգային տրանսպորտային միջանցքը ներառում է երկաթուղային, ավտոմոբիլային, օդային, ծովային և գետային տրանսպորտի ենթակառուցվածքները: Այն պետք է կապի սկանդինավյան երկրներն ու ԵԱՏՄ հյուսիս-արևմտյան հատվածը Պարսից ծոցի ու Հնդկական օվկիանոսի երկրների հետ։
ԵՐԵՎԱՆ, 2 դեկտեմբերի – Sputnik, Դավիթ Գալստյան. Ադրբեջանը Հայաստանից առաջ է անցել «Հյուսիս - Հարավ» միջազգային տրանսպորտային միջանցքը տարանցիկ երկրներից դառնալու ճանապարհին։
Նոյեմբերի 30-ին Եվրասիական զարգացման բանկը հրապարակել է «Հյուսիս-Հարավ» միջազգային տրանսպորտային միջանցքով բեռնափոխադրումների զգալի ներուժը և զուգակցումը եվրասիական լայն միջանցքներին» խորագրով նոր հետազոտությունը: Բանկը գնահատել է միջազգային տրանսպորտային միջանցքի (ՄՏՄ) ներուժը բացվող նոր հնարավորությունների ֆոնին: Դրանց թվում են Հնդկաստանի, Իրանի և Հարավային Ասիայի ու Պարսից ծոցի այլ երկրների հետ ԵԱՏՄ փոխգործակցության ակտիվացումը, «Հյուսիս — Հարավ» ՄՏՄ-ի համակցման զգալի ներուժի առկայությունը լայն տրանսպորտային երթուղիների հետ, թվայնացման գործընթացների արագացումը և կլիմայական օրակարգի գերակայությունը:
«Հյուսիս-Հարավ» մուլտիմոդալ ՄՏՄ-ն կապում է սկանդինավյաներկրներն ու ԵԱՏՄ հյուսիս-արևմտյան մասը Պարսից ծոցի և Հնդկական օվկիանոսի պետությունների հետ Կովկասի և Միջին Ասիայի երկրների միջոցով: Միջանցքը ներառում է երկաթուղային, ավտոմոբիլային, օդային, ծովային և գետային տրանսպորտի ենթակառուցվածքները։ Այս պահին կա միջանցքի երեք հիմնական ճյուղ՝ 1) Արևմտյան, Կասպից ծովի արևմտյան ափով Ռուսաստանի և Ադրբեջանի տարածքով, 2) Արևելյան, Կասպից ծովի արևելյան ափով Ղազախստանի և Թուրքմենստանի տարածքով, 3) Տրանսկասպյան, Կասպից ծովում լաստանավայինև կոնտեյներային գծերի միջոցով:
Հայաստանը քարտեզի վրա դուրս է այդ բոլոր երթուղիներից։
Սակայն զեկույցում նշվում է, որ «Հյուսիս-Հարավ» տրանսպորտային միջանցքի իրականացումըև Հայաստանի միացումն այդ նախագծին կդարձնի նրան կարևոր տարանցիկ հանգույց ու կընդլայնի ելքը դեպի արտաքին շուկաներ:
Եվրասիական զարգացման բանկի ու Կայունացման և զարգացման եվրասիական հիմնադրամի գլխավոր տնտեսագետ Եվգենի Վինոկուրովը չի բացառում, որ Հայաստանը, այնուամենայնիվ, կարող է միանալ միջանցքին: Մոսկվայում Եվրասիական երկրորդ կոնգրեսի շրջանակում
Sputnik Արմենիայի հարցին պատասխանելով՝ նա երկու տարբերակ ներկայացրեց, երկուսն էլ կապված են Հայաստանում«Հյուսիս-Հարավ» համանուն ճանապարհի շինարարության ավարտի հետ:
«Հյուսիս-Հարավ» ավտոմոբիլային միջանցքի շինարարությունը Հայաստանում ներուժ կստեղծի Իրան-Հայաստան-Վրաստան առանցքով, այնուհետև ԵՄ նավահանգիստներով փոխադրումների համար։ Կամ Մոսկվայի ու Թբիլիսիի հարաբերությունների բարելավման դեպքում Իրան-Հայաստան-Վրաստան առանցքով՝ Ռազմավիրական ճանապարհով դեպի Ռուսաստան», - ասաց Վինոկուրովը։
Այդ գաղափարները քննարկվում են, բայց առայժմ Ադրբեջանն ավելի իրատեսական է թվում։ Նրանք ընդամենը պետք է ավարտին հասցնեն Ռեշտ-Աստարա երկաթգիծը և պայմանավորվեն «միջանցիկ սակագնի» մասին։
Խոսելով միջանցքների կարևորության մասին՝ Վինոկուրովը նշեց, որ աշխարհում ընդունված է համարել, որ դեպի ծով ելք չունեցող երկրները կորցնում են ՀՆԱ-ի մինչև 1,5 տոկոսը և պոտենցիալ առևտրի մինչև 30 տոկոսը վատ լոգիստիկայի պատճառով:
ԵԱԶԲ-ի վարչության նախագահ Նիկոլայ Պոդգուզովն իր հերթին զեկույցումՀայաստանի բացակայության մասին հարցին ի պատասխան ասաց, որ բոլոր տարբերակները կքննարկվեն:
«Սա դեռ վերլուծական նյութ է։ Թե ինչպես կզարգանա նախագիծը, բավական դժվար է ասել։ Մենք գտնվում ենք աշխատանքի հիմնական ուղղությունների կառուցման և որոշման փուլում», - ասաց Պոդգուզովը։
Նրա խոսքով՝ ամեն ինչ պետք է կազմակերպվի այնպես, որ հնարավոր լինի նախագծի իրականացման համար ֆինանսավորում ներգրավել։ Ընդ որում, բանկի բաժնետեր-երկրներին պետք է կարևոր դեր հատկացվի։
