Կորոնավիրուսի հետ կապված իրադրության մեղմացում կա. Փաշինյան

© Photo / official site of the Prime minister of RA Gevorg PerkuperkyanՆիկոլ Փաշինյան
Նիկոլ Փաշինյան - Sputnik Արմենիա, 1920, 02.12.2021
Նիկոլ Փաշինյան
Բաժանորդագրվեք
НовостиTelegram
Կորոնավիրուսի դեմ պատվաստման առաջին դեղաչափը ստացել է ՀՀ բնակչության 40, իսկ երկրորդ` 23.9 տոկոսը։
ԵՐԵՎԱՆ, 2 դեկտեմբերի – Sputnik. Կորոնավիրուսի հետ կապված իրադրության մեղմացում կա, սակայն սա որևէ բան չի նշանակում, քանի որ նոր շտամ է հայտնաբերվել։ Կառավարության այսօրվա նիստի ժամանակ այս մասին ասաց ՀՀ վարչապետ Նիկոլ Փաշինյանը։
Նրա խոսքով` «Օմիկրոնը» դեռևս Հայաստանում չի հայտնաբերվել, սակայն հստակ չէ, թե նոր շտամն ինչ ազդեցություն կարող է ունենալ։

«Առաջիկայում մեր զգոնությունը չպետք է թուլացնենք` հաշվի առնելով նոր շտամի երևան գալը։ Սակայն պետք է ասել, որ մենք շոշափելի արդյունքներ ունենք նաև պատվաստումների առնչությամբ. արդեն իսկ ամբողջական պատվաստում անցածների մասով մոտենում ենք 500 000-ին։ Օրական 20 000-ից ավել պատվաստումներ են իրականացվում»,–ասաց Փաշինյանը։

Նրա խոսքով` հիվանդանոցների կարողությունների լարվածությունը նվազել է։
Արտաշատի հիվանդանոց - Sputnik Արմենիա, 1920, 02.12.2021
558 նոր դեպք, 21 մահ` մեկ օրում. կորոնավիրուսային հիվանդության ընթացքը Հայաստանում
Առողջապահության նախարար Անահիտ Ավանեսյանն էլ հայտնեց, որ կորոնավիրուսի դեմ պատվաստման առաջին դեղաչափը ստացել է ՀՀ բնակչության 40, իսկ երկրորդ` 23.9 տոկոսը։ Նա հայտնեց նաև, որ կորոնավիրուսի ակտիվ դեպքերի մեջ 8.6 տոկոս անձինք են պատվաստված, իսկ հոսպիտալացված 2249 քաղաքացիներից` 87-ը։
Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 558-ով և դարձել 339 578: Վերջին մեկ օրում կորոնավիրուսից մահացել է 43 մարդ, վարակի զոհ դարձածների ընդհանուր թիվը 7631 է։
Լրահոս
0