Նիկոլ Փաշինյանը ՄԻԵԴ-ում ՀՀ ներկայացուցչին Հաագա է գործուղում

CC BY 2.0 / Sammy Six / Peace Palace, The HagueОфициальная резиденция Международного суда ООН и Постоянной палаты третейского суда "Дворец Мира" в Гааге
Официальная резиденция Международного суда ООН и Постоянной палаты третейского суда Дворец Мира в Гааге - Sputnik Արմենիա, 1920, 02.12.2021
Բաժանորդագրվեք
НовостиTelegram
Եղիշե Կիրակոսյանը Նիդեռլանդներից վերադառնալուց հետո պետք է եռօրյա ժամկետում հաշվետվություն ներկայացնի ՀՀ վարչապետին։
ԵՐԵՎԱՆ, 2 դեկտեմբերի – Sputnik. ՀՀ վարչապետ Նիկոլ Փաշինյանը Նիդեռլանդներ է գործուղում Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանին։ Փաշինյանի որոշումը հրապարակվել է վարչապետի պաշտոնական կայքում։

«ՄԱԿ-ի Արդարադատության միջազգային դատարանում Հայաստանի Հանրապետության և Ադրբեջանի Հանրապետության կողմից Ռասայական խտրականության բոլոր ձևերի վերացման միջազգային կոնվենցիայի հիման վրա ներկայացված ժամանակային (հրատապ) միջոցների վերաբերյալ որոշումների հրապարակմանը Հայաստանի Հանրապետության ներկայացուցչությունն ապահովելու նպատակով Մարդու իրավունքների եվրոպական դատարանում Հայաստանի Հանրապետության ներկայացուցիչ Եղիշե Կիրակոսյանին 2021 թվականի դեկտեմբերի 6-8-ը ներառյալ գործուղել Նիդեռլանդների Թագավորություն (Հաագա)»,– նշված է փաստաթղթում։

Կիրակոսյանը վերադառնալուց հետո եռօրյա ժամկետում պետք է գործուղման արդյունքների մասին հաշվետվություն ներկայացնի Փաշինյանին։
Հիշեցնենք` ՄԱԿ-ի Միջազգային դատարանը Ադրբեջանի դեմ Հայաստանի հայցի վերաբերյալ որոշումը կհրապարակի դեկտեմբերի 7-ին: Նույն օրը ՄԱԿ–ի դատարանը կհրապարակի նաև հակառակ հայցի վերաբերյալ վճիռը` Բաքուն ընդդեմ Երևանի։
Իր հայցում Հայաստանը պահանջում է, որպեսզի Ադրբեջանն անհապաղ ազատ արձակի հայ գերիներին, քաղաքացիական պատանդներին և այլ պահված անձանց, որոնք գերեվարվել են 2020 թվականի սեպտեմբեր-նոյեմբեր ամիսներին կամ դրանից հետո զինված բախումների ժամանակ։ Մինչ այդ Ադրբեջանը պետք է նրանց հետ վարվի ռասայական խտրականության բոլոր ձևերի վերացման մասին կոնվենցիայի իր պարտավորությունների շրջանակում։
Բաքուն էլ սեպտեմբերի 24-ին հայց է ներկայացրել, որում պնդում է, թե իբր Հայաստանը մի շարք խտրական գործողություններ է իրականացրել և իրականացնում ադրբեջանցիների դեմ՝ նրանց ազգային և էթնիկ ծագման հիման վրա:
Լրահոս
0