https://arm.sputniknews.ru/20211203/deeskalaciaji-hamar-hasceakan-ardzaganq-e-petq-mirzvojany-stvokhvolmum-36018556.html

Դեէսկալացիայի համար հասցեական արձագանք է պետք. Միրզոյանը` Ստոկհոլմում

Դեէսկալացիայի համար հասցեական արձագանք է պետք. Միրզոյանը` Ստոկհոլմում

Sputnik Արմենիա

Արարատ Միրզոյանը Շվեդիայի մայրաքաղաքում հանդիպել է Ֆինլանդիայի ու Ղրղզստանի ԱԳ նախարարների հետ։ 03.12.2021, Sputnik Արմենիա

2021-12-03T17:45+0400

2021-12-03T17:45+0400

2021-12-03T17:57+0400

արարատ միրզոյան

արցախ

հայաստան

հհ արտաքին գործերի նախարարություն. ագն

ղարաբաղյան հակամարտություն

ադրբեջանական ագրեսիան հայաստանի դեմ - 2020

արցախյան պատերազմ

խաղաղապահներն արցախում

https://cdn.am.sputniknews.ru/img/07e5/0a/0e/34274388_0:205:2815:1788_1920x0_80_0_0_61c3c83774a9eb8175db142065456dfd.jpg

ԵՐԵՎԱՆ, 3 դեկտեմբերի – Sputnik. ԵԱՀԿ նախարարական համաժողովի շրջանակներում, դեկտեմբերի 2-ին ՀՀ ԱԳ նախարար Արարատ Միրզոյանը հանդիպում է ունեցել Ֆինլանդիայի ԱԳ նախարար Պեեկա Հաավիստո Օլավիի հետ։ Տեղեկությունը հայտնում է ՀՀ ԱԳՆ մամուլի ծառայությունը։Հաղորդագրության համաձայն` նախարարները քննարկել են հայ-ֆիննական երկկողմ օրակարգի ընդլայնման հեռանկարները՝ ընդգծելով բարձր մակարդակի փոխայցերի, արտաքին քաղաքական գերատեսչությունների միջև խորհրդակցությունների ակտիվացման անհրաժեշտությունը։Առևտրատնտեսական ոլորտում փոխգործակցության առավել խորացման համատեքստում կարևորվել է երկու երկրների գործարար կապերի խթանման և նոր հնարավորությունների ստեղծման ուղղությամբ քայլերի ձեռնարկումը։Հանդիպման ընթացքում անդրադարձ է կատարվել տարածաշրջանային անվտանգությանն ու կայունությանը վերաբերող մի շարք հարցերի։Արարատ Միրզոյանը զրուցակցին է ներկայացրել Ադրբեջանի ագրեսիվ գործողությունների հետևանքով ստեղծված իրադրությունը՝ կարևորելով իրավիճակի դեէսկալացիայի նպատակով միջազգային հանրության կողմից հասցեական արձագանքը։Ես հանգիստ չեմ լինի, մինչև տուն չվերադարձնենք հայ գերիներին. Ադամ ՇիֆՀրատապ լուծում պահանջող հումանիտար խնդիրների համատեքստում առանձնահատուկ ընդգծվել է հայ ռազմագերիների, պատանդների և այլ պահվող անձանց հայրենադարձման անհրաժեշտությունը։Կողմերը նաև քննարկել են Լեռնային Ղարաբաղի հակամարտությանը վերաբերող հարցեր։ Արարատ Միրզոյանը գոհունակություն է հայտնել Ֆինլանդիայի հետևողական դիրքորոշման կապակցությամբ՝ ի սատարումն հակամարտության համապարփակ ու տևական կարգավորման ուղղությամբ ԵԱՀԿ Մինսկի խմբի համանախագահների կողմից գործադրվող ջանքերին։Արարատ Միրզոյանը հանդիպել է նաև Ղրղզստանի ԱԳ նախարար Ռուսլան Կազակբաևի հետ։Հայաստանի և Ղրղզստանի ԱԳ նախարարները պատրաստակամություն են հայտնել ինչպես երկկողմ, այնպես էլ ինտեգրացիոն միավորումների և միջազգային կազմակերպությունների շրջանակներում համագործակցության առավել խորացմանն ուղղված քայլեր ձեռնարկել։Մտքեր են փոխանակվել երկու պետությունների միջև առևտրատնտեսական ոլորտում առկա ներուժը լիարժեք օգտագործելու, ինչպես նաև Հայաստանի և Ղրղզստանի միջև առկա իրավապայմանագրային դաշտի ընդլայնման շուրջ։Կողմերն անդրադարձ են կատարել նաև միջազգային և տարածաշրջանային անվտանգության հարցերի։Հանդիպման ընթացքում երկու երկրների ԱԳ նախարարները ստորագրել են Հայաստանի Հանրապետության արտաքին գործերի նախարարության և Ղրղզական Հանրապետության արտաքին գործերի նախարարության միջև 2022-2024թթ. համար համագործակցության ծրագիրը։Հիշեցնենք` ՀՀ ԱԳ նախարար Արարատ Միրզոյանն այսօր հանդիպել էր նաև Հունաստանի, Խորվաթիայի և Ավստրիայի արգործնախարարների հետ։Հավելենք, որ Միրզոյանը դեկտեմբերի 1-3-ը աշխատանքային այցով մեկնել է Շվեդիայի մայրաքաղաք Ստոկհոլմ։ Նա մասնակցել է ԵԱՀԿ նախարարական 28-րդ համաժողովին։

https://arm.sputniknews.ru/20211203/ararat-mirzvojany-handipel-e-eahk-glkhavvor-qartughari-het-36019283.html

https://arm.sputniknews.ru/20211117/rusakan-kvoghmi-masnakcutjamb-yntanum-en-vorvonvoghakan-ashkhatanqner-ararat-mirzvojan-35443570.html

2021

Լուրեր

am_HY

արարատ միրզոյան, արցախ, հայաստան, հհ արտաքին գործերի նախարարություն. ագն, ղարաբաղյան հակամարտություն, ադրբեջանական ագրեսիան հայաստանի դեմ - 2020, արցախյան պատերազմ, խաղաղապահներն արցախում