https://arm.sputniknews.ru/20211203/libanani-varchapety-hujs-uni-haghtaharel-tshgnazhamy-parsic-tsvoci-erkrneri-het-36028118.html
Լիբանանի վարչապետը հույս ունի հաղթահարել ճգնաժամը Պարսից ծոցի երկրների հետ
Լիբանանի վարչապետը հույս ունի հաղթահարել ճգնաժամը Պարսից ծոցի երկրների հետ
Sputnik Արմենիա
Գեորգ Կորդահիի հայտարարությունները Եմենում հակամարտության վերաբերյալ, որոնք նա արել էր դեռևս տեղեկատվության նախարարի պաշտոնում նշանակվելուց առաջ, լուրջ... 03.12.2021, Sputnik Արմենիա
2021-12-03T21:07+0400
2021-12-03T21:07+0400
2021-12-03T21:08+0400
հրաժարական
լիբանան
սաուդյան արաբիա
ճգնաժամ
եմեն
https://cdn.am.sputniknews.ru/img/07e5/0c/03/36025273_0:173:1601:1073_1920x0_80_0_0_fe85146bd704c8944a675c7f7e5bbc23.jpg
ԵՐԵՎԱՆ, 3 դեկտեմբերի - Sputnik. Լիբանանի տեղեկատվության նախարար Գեորգ Կորդահիի հրաժարականը կօգնի լուծել Պարսից ծոցի երկրների հետ հարաբերություններում առկա խնդիրները։ Այս մասին, ՌԻԱ Նովոստիի փոխանցմամբ, հայտարարել է Լիբանանի վարչապետ Նաջիբ Միկատին։Ավելի վաղ Լիբանանի տեղեկատվության նախարար Գեորգ Կորդահին, որի արտահայտությունները ճգնաժամի էին հանգեցրել Բեյրութի և Պարսից ծոցի երկրների միջև, հայտարարել էր, որ հրաժարական է տալիս: Հայաստանի և Լիբանանի ժողովուրդները մշտապես սատարել են միմյանց. նախագահը շնորհավորել է«Նախարարի հրաժարականն անհրաժեշտություն էր դարձել այն ճգնաժամից հետո, որը սկսվել է Սաուդյան Արաբիայի և Ծոցի Արաբական պետությունների համագործակցության խորհրդի մի շարք պետությունների հետ: Այն թույլ կտա նոր դուռ բացել թագավորության և Ծոցի պետությունների եղբայրների հետ հարաբերություններում խնդրի լուծման համար»,-կարծում է Միկատին։Հոկտեմբերի վերջին Սաուդյան Արաբիայի իշխանությունները հայտարարել էին Լիբանանից իրենց դեսպանին հետ կանչելու մասին և 48 ժամ էին տվել Լիբանանի դեսպանին՝ թագավորությունը լքելու համար: Էր Ռիադից հետո իրենց դեսպաններին հետ կանչելու մասին հայտարարել էին Քուվեյթը, Բահրեյնը և ԱՄԷ-ն: Էմիրություններն ու Բահրեյնն իրենց քաղաքացիներին խնդրել էին լքել Լիբանանը։Նման որոշումների համար առիթ էին դարձել հայտնի լիբանանցի լրագրող, հեռուստահաղորդավար Գեորգ Կորդահիի հայտարարությունները Եմենում պատերազմի մասին: Լրագրողը Լիբանանի տեղեկատվության նախարարի պաշտոնում նշանակվելուց առաջ «Ալ Ջազիրային» հայտարարել էր, թե Եմենում պատերազմն անիմաստ է։ Նա Սաուդյան Արաբիայի գլխավորած արաբական կոալիցիայի քայլերն ագրեսիա էր անվանել։ Նրա կարծիքով՝ «Անսար Ալլահ» շարժման (հուսիթների) ապստամբների գործողությունները պաշտպանական բնույթ են կրում։Լիբանանի վարչապետ Նաջիբ Միկատին ավելի վաղ դիմել էր Կորդահիին՝ կոչ անելով «անհրաժեշտ որոշում ընդունել՝ երկրի շահերից ելնելով»։ Ի պատասխան նախարարն ասել էր, որ մտադիր չէ հեռանալ պաշտոնից։ Երկրի նախագահ Միշել Աունն իր հերթին բազմիցս ընդգծել էր, որ Կորդահին իր հայտարարությունն արել է նախարարի պաշտոնում նշանակվելուց առաջ և որ այն չի արտացոլում Բեյրութի պաշտոնական դիրքորոշումը։
https://arm.sputniknews.ru/20211129/libanani-qaghaqnerum-krkin-bvoghvoqi-akcianer-en-35848667.html
լիբանան
սաուդյան արաբիա
եմեն
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հրաժարական, լիբանան, սաուդյան արաբիա, ճգնաժամ, եմեն
հրաժարական, լիբանան, սաուդյան արաբիա, ճգնաժամ, եմեն
Լիբանանի վարչապետը հույս ունի հաղթահարել ճգնաժամը Պարսից ծոցի երկրների հետ
21:07 03.12.2021 (Թարմացված է: 21:08 03.12.2021) Գեորգ Կորդահիի հայտարարությունները Եմենում հակամարտության վերաբերյալ, որոնք նա արել էր դեռևս տեղեկատվության նախարարի պաշտոնում նշանակվելուց առաջ, լուրջ բարդություններ էին առաջացրել Պարսից ծոցի երկրների հետ հարաբերություններում:
ԵՐԵՎԱՆ, 3 դեկտեմբերի - Sputnik. Լիբանանի տեղեկատվության նախարար Գեորգ Կորդահիի հրաժարականը կօգնի լուծել Պարսից ծոցի երկրների հետ հարաբերություններում առկա խնդիրները։ Այս մասին, ՌԻԱ Նովոստիի փոխանցմամբ, հայտարարել է Լիբանանի վարչապետ Նաջիբ Միկատին։
Ավելի վաղ Լիբանանի տեղեկատվության նախարար Գեորգ Կորդահին, որի արտահայտությունները ճգնաժամի էին հանգեցրել Բեյրութի և Պարսից ծոցի երկրների միջև, հայտարարել էր, որ հրաժարական է տալիս:
«Նախարարի հրաժարականն անհրաժեշտություն էր դարձել այն ճգնաժամից հետո, որը սկսվել է Սաուդյան Արաբիայի և Ծոցի Արաբական պետությունների համագործակցության խորհրդի մի շարք պետությունների հետ: Այն թույլ կտա նոր դուռ բացել թագավորության և Ծոցի պետությունների եղբայրների հետ հարաբերություններում խնդրի լուծման համար»,-կարծում է Միկատին։
Հոկտեմբերի վերջին Սաուդյան Արաբիայի իշխանությունները հայտարարել էին Լիբանանից իրենց դեսպանին հետ կանչելու մասին և 48 ժամ էին տվել Լիբանանի դեսպանին՝ թագավորությունը լքելու համար: Էր Ռիադից հետո իրենց դեսպաններին հետ կանչելու մասին հայտարարել էին Քուվեյթը, Բահրեյնը և ԱՄԷ-ն: Էմիրություններն ու Բահրեյնն իրենց քաղաքացիներին խնդրել էին լքել Լիբանանը։
Նման որոշումների համար առիթ էին դարձել հայտնի լիբանանցի լրագրող, հեռուստահաղորդավար Գեորգ Կորդահիի հայտարարությունները Եմենում պատերազմի մասին: Լրագրողը Լիբանանի տեղեկատվության նախարարի պաշտոնում նշանակվելուց առաջ «Ալ Ջազիրային» հայտարարել էր, թե Եմենում պատերազմն անիմաստ է։ Նա Սաուդյան Արաբիայի գլխավորած արաբական կոալիցիայի քայլերն ագրեսիա էր անվանել։ Նրա կարծիքով՝ «Անսար Ալլահ» շարժման (հուսիթների) ապստամբների գործողությունները պաշտպանական բնույթ են կրում։
Լիբանանի վարչապետ Նաջիբ Միկատին ավելի վաղ դիմել էր Կորդահիին՝ կոչ անելով «անհրաժեշտ որոշում ընդունել՝ երկրի շահերից ելնելով»։ Ի պատասխան նախարարն ասել էր, որ մտադիր չէ հեռանալ պաշտոնից։ Երկրի նախագահ Միշել Աունն իր հերթին բազմիցս ընդգծել էր, որ Կորդահին իր հայտարարությունն արել է նախարարի պաշտոնում նշանակվելուց առաջ և որ այն չի արտացոլում Բեյրութի պաշտոնական դիրքորոշումը։
